Keichu tlai thang hrim* ka nia. Min dem thei loðª
Prof reading ka nei ngai hran loa, ka thil ziah ah hian mistakes awm ve nual ang. Sorryyyyð
__________________
Author pov,
John te kawngkhar chu an rawn kik dat* a, tlai chaw ei kham chiah ani a, khua a thim thet* chauh ala ni. John chuan sana a en a, nuihsak pah chuan ava hawng a. A rin ang ngei* chuan Timothy chu kawngka bulah alo ding ran a, eitur a khai teuh bawk, tilang lo mahse a hmel ngui deuh sulh chu John chuan alo hmuh hmaih hauh lo thung.
Timothy alo luh chuan John chuan kawngka chu a khalh nghal hmak a, Timothy pawn a eitur lo ken vel chu dawhkan ah ava dah ve nghal a. Sitting room a thlen chuan John chu thutthleng ah alo thu fel at tawh a, "Chawi ei tawh em?" tiin Timothy chu alo zawt nghal vat a, "Tam lo" John bulah a zu thu thla nghal a, a lu chu John darah nghatin a meimitchhing vang* a, damdawiin atanga rawn tlang nghal anih vang in John chuan ngaihdan a nei thiam a.
"Khawnge Ben?" John kuttang khal niap* pah chuan a zawt a, "Thenawm ten uite naute thar an la a, an fapa nen an inkawm nihkha" atih chuan Timothy chuan "Umm" tih zawngin alo chhang a, "I nu chu a zual ami?" tia a zawh chuan a thaw hak a, "Doctor in hmasawn lam ai chuan hnungtawlh zawngin a awm atia" beisei nei lo tih hriat zet chuan ati a, a thaw leh hak* thin, tianga hmuh hi John pawn hrehawm ati takzet.
"Nizan I mu lo ani mo?" John chuan ati ta deih a, Timothy mit bui deuh chuk a hmuh vang pakhat ani, "Tlem chauh" tiin a chhang a, a ngaihthat nan mai* a sawi ani thung. "Khawi mo lok" tiin John chu inla hrang a, an thutthleng thutna kil ah chuan ava thu a, a mal beng thek* pah chuan, "Lo mu rawh" tiin a mal leh Timothy chu a en tawn a, Timothy pawh chuan hnial hauh lo in a lu chu John-a mala dahin thutthleng ah chuan a mu nghal a, a chau ve tawh em bawk ani, chhunah school ah kal a ngai a, zan lam leh weekends ah lah ama hotel buaipui a ngai bawk a, anu alo zual leh bawk nen, chuta karah apa nen an lo inbakkaih ve chhen bawk nen, a tawt ve up* thin, a taksa chauh nilo a rilru thlengin a hah em*. John leh Ben bula a awm bak hi chu hahdam na hun tak* a nei lo, mahse an pahnih bula a awm tawh erawh chuan a dam sawng* a, a buaina tam zawk a theihnghilh phah thin.
"School ah hian thawk tawh lo mai la?" Timothy sam tuai neuh* pah chuan ati a, John hian a hah tih hi a hrechiang a, tlai chaw an bula a ei bak hi chu a ei ngai lo nen, a taksa in a tawrh phah a hlau em ani. "Ka nu pawn a tia, zawh che ka lo tum a" a tih chuan John chuan alo pawm ngang mai, a pawm mah* zawk ani. "Imm, kal tawh suh" a ti nghal hmiah a, Timothy pawh a rawn nui ve hak a, John zawk chu alo hahdam em* a. "Ka ngai che" ti pahin a lu chu John pumah chuan a phum a, nghet takin a kawngkah a kuah a.
"Keipawn" a chawl dat a, thlem ti tih tak chuan a ban chu a tizat sak a "Chaw chu ei la, imm ka va siam nga" a ti sa* a, Timothy chu rawn hawichhuak a, 'ka pheih lo ee' tih tum viau a, mahse John-in beisei nei taka alo en chuan a thei leh ta ngang lo a, "Va siam la" ti leh ta nge* a, John pawh chu phur deuhin a phei a, chawka lamah ava ri nghal rak* a.
Rei vak lo ah John chuan, "A ei theih e" tiin a rawn au lung* a, Timothy pawh ei peih chiah lo, mahse hnial ngam chiah bawk silo chuan a phei ve leh hna* a. Chawkaa John-in nui ver* a alo chhawn tak ah chuan a pheih loh na te kha thawk leh khat ah an bo vek ang mai hian phur deuhin dawnkan chu va kil a, John lah chuan alo siam tuihnai sak mai bawksi, Timothy tan chuan hnar phal chi ni molh lo. "Tlai lam chu hetah lo kal ziah ang che, nangmaha I awm chuan chaw ei nachang I hrelo, a thalo" Timothy thil ei en pah chuan alo ti ve khur* a, pakhat lah chuan "Min ngaih nih kha" uang thuang deuhin alo ti duh lek a.
"Ka uang lo nia, chaw I ei tha lo hi ka duh lo lom" ala ti ve tang* a, Timothy chaw ei ngai lohzia a hrechiang a, tih luih tawk* a ngai thin. "I thu vek alom" tiin a chhang leh a. A rawn thlen tirh ai ngawt chuan a hmel chu a zangkhai tawh zawk a, chu* John an a hmuh chuan amah zawk alo thaw ve huai thei. "Ben chu alo va haw har ve thil ka rawn hawn teuh asin" tih nang* pah chuan a sana a bih zeuh a, "Ka haw hma hmuh ka duh sin" tiin a chhunzawm nghal zat bawk. "A tlai tawh em mai, riak mai rawh" John an a rawn tih chuan a thil ei thulh meuhin Timothy chuan a en a, en zo chiah mahse a sana chu a bih leh kher a, dar 8 a pel awrh chauh ani, nidang ah chuan dar 12 ral ah pawh riah a phal ngai miau loh vangin a nawr in an in nawr chhuak titih thin kha nia, tunah dar 9 em pawh ala ei loa, a mak ve em ani.
"I fiamthu lo tiro?" en kar chunga a zawh chuan, "Immm, Ben room ah I mu dawn nia" ati sam et a, Timothy chu lawm tak hi ani ringawt. "Taka Ben chu a zia tawh em, zan lam ah ala buai em?" Ben ngaihtuah tak chuan a rawn zawt a, "Buai ve zeuh*, tunlai phei chu amah a mut ka phal lo hrim* a" ati zuai raih a, "Treatment kha 2 year course ania, kum 1 te han kal se a zia mai ang" atih chuan John chuan nuam lo ati thar leh, "Teh pawisa kha..." ati hman dek* chauh a, Timothy chuan rum deuh tak hian, "Sawi chhunzawm suh" ati nghal hmuk a. Vawi tamtak John hian sawipui a tum thin a, mahse a sawi tan hma* hian Timothy hi a thin a rim ziah a, sawi han sawi chhunzawm leh chi ani ngai lo.
"Chutiang ringawt ani hleinem, tikhan ti hmuk* suh, ka tan pawh a nuam lo lom" a sawi zawh rual* chuan, "Eng ber chu nge nuam lo?" a rawn ti leh hmuk a, a lungawi vak tawh lo tih a hriat theih. John chu a tho hak a, "Nuai chuang fe anih kha, sawipui che tumin I thinrim titih zel bawksi" a sawi zawh hma chuan, "Sawi chhunzawm tur awm lo" a rawn ti leh nghut a, tun tum chu John pawh ngawih a tum tawh bik chiah lo, thla khat vel erh awrh chiah an la inzui a, Timothy an tun atanga an mahnia a pawisa a hman vak* hi nuam ati loa, a dik in a hre lo bawk, bakah hetianga a tih hian amah a inhmuh tet rawih* chang a awmve thin, pek let tur thil hlu tak* a nei ve silo, hei vang te pawh hi niang dinhmun inang lo leh lutuk chu a buaithlak an tih nachhan.
"Amak e mai, ti nghut* lo khan tha deuhin sawi ang. I sum I hman vak* hian nuam ka ti lo, a chang phei chuan ka in hmu hniam ngawih* thin , bakah..." a ti hman chiah a, Timothy chuan, "Chu ka ngaihsak na dawn chu hrehawm ilo ti hle tihna mo?" zawi sep chuan a rawn ti a, a aw tang ringawt pawh chuan a na hle tih a hriat theih.
"Nilo, chutiang lam in ka sawi lo, mahse ka lam atang pawn thlir ve la,a inthlahrunawm duh lutuk, bakah pek let tur che engmah ka nei lo" a tawp lam chu a ri tek* chauh ani. "Tunge an duh leh hmangaih tak te tan thil an tihsak in phutlet nei ngai, nge chutiang mi ah min ngai zawk?" a huntawng in lo zirlo bawk nen Timothy chu a rilru na mai nilo in a thin pawh a rim takzet. John chuan a han en chho deuh a, Timothy hmel chu in a rawn luh tirh ai khan hmuh a hrehawm fe zawk, a thilsawi khan a tina takzet tih a hrethei.
Ni e, Timothy chu a na ngei alom, lang silo in a thinlung a na a, amah ngei pawn mak ati, ngaihzawng vangin tiang em* hian ala na ngai lo. "Min hmangaih ve tak* ni la chuan, khatiang ngaihtuah na kha I nei miah lo ang" tiin a tho a, a eina te chu a tifai sawk* a, chu thu a sawi chuan John chu a tina takzet, tiang a Timothy awm hi ala hmu ngai bawk silo, a thin te chu a phu dup* thei, a thuna tang chuan a tho ve nghal a, tuidehna lamah chuan va kal in "Tim, ka tihpalh, ka sawi awmzia I hrethiam lo nih kha, ka.." a sawizawm hma chuan, "Naktuk chu Ben ka rawn hruai lo ang" tiin John chu a kalpel a, a eitur rawn ken bawr luk pawh chu a la lawp a, kawngka lam a pan nghal vang* a, John pawn a zui ve nghal a, a kut va vawn a tum lai chuan an inkawta hnawmbawm lian tha ve tak ah chuan Timothy chuan a thilkhai chu a thehthla thuai a, a theh na bawk a, a thawm pawh a ring tha khawp mai, John pawh a phu zawk thei.
"I riak dawn emo ka tia" a tihna pawh chu chhang loin a motor lam a pan vang* a, John pawh a ding mol tawp tawh. Timothy chu a na hle a, tunah kal loin la awm tase a thilsawi duh miah loh leh tum miah loh sawia an inkar a chhiat hlen a hlau ani, boruak beng daih nan zawka kal ani a, thinrim in khua a hmuhloh a hlauh vang ani pakhat bawk.
_______________
Zing ah chuan John chu hma tak ah a tho a, a rilru ah Timothy hlir a awm thung. Zan tin mut dawn leh zing thoh in a a rawn be ziah a, mahse nizan leh zing ah a rawn be hauh loa, John message pawh a chhang hek lo, chu chuan John rilru chu ti nuam lo takzet, Timothy a tina tih a hria a, ngaihdam dil a, insawifiah pawh a duh mahse a biak theih bawk siloh.
Ben chu hma ve deuh takah school a thlenpui a, Ben an class-a a luh hnu pawh chuan a ding char* a, mahse tan dar a rik hnu pawh chuan Timothy hmel reng* a lang thei bawk silo, rilru nuamlo deuh chuan a let leh hna* a. Zan atanga a message engmah ala chhan miau loh vangin John chu a rilru hah tawh takzet a, a hnathawh pawh a ngaihtuah hleithei tawh lo, Ben te ban hun mawlh chu ni a nghah tawh.
12 a ri chiah tiah chuan hmanhmawh zetin John chu a insiam nghal mawlh* a, a tum aiin school pawh a thleng hma reng a, ava kal chuan ban nan minute 20 vel bawr ala awm. A hawi a hawi hnu chuan staff room atanga Timothy rawn chhuak chu a hmu a, tumah an la awm loh vangin a va pan vat a, "Inbia ang" ati deuh nghal thawr a, a kal rang bawka a thaw hliam* mai.
Timothy chuan engmah sawi loin a lo en mawl tawp a, John chu a hawi kual leh zak* hnuah Timothy chu kaiin garage lam a panpui nghal hlop* a, pakhat pawh chuan engmah sawi lem loin a zui ve mai bawk a. An thlen chuan John chu an thaw leh deuh hak* phawt a, Timothy erawh in a hnunga car chu a ngheng a, inkuangkuah ar* chuan alo thlir a. "Nizan kha ka tihpalh" John chuan hnuailam bih deuh ngun chuan ati a, "Umm" tih tawp in alo chhang thung.
John chuan han en chho deuh ha a, "Ka tipalh tak*" tiin Timothy kut chu ala a, thlem tum tak hian a sawi nghal ne* a, naupang thil tisual ang maiin hnuailam a la melh char* bawk. John hmuh loh lamah Timothy chu alo kiai suk a, a chetdan chu duhawm ati em ani, tihtauh la tum deuh kha ni siin a hmin fel leh der tawh.
Ala tawng ve miah loh vang chuan John chuan a thin ala rim emo a ti a, a tawp up* tawh mai "Tihnat che kha ka tum ani loa, bakah khati em* khan I thinrim ka ring loa" a hnuk a ulh titih deuh a, "I ngaihsakna leh I mi duatna dawn aia nuam tih pawh ka nei bawk lo, I ngai diklo nih kha, ka saw..." a sawi chhunzawm thei tawh ngang lo, Timothy-an a kalsan dawn tak* emo a tih vangin a hnuk a ulh tlat, a tum leh tih ngai miah lohin a mittui a parawl par a, a irhfiam uk* bawk.
Timothy-an a rawn hmuh chuan a inthiam lo leh hnuhnawh a, han fiam vel mai* tum kha nia, mahse John lah chuan lo ngai fiamthu der lo, a tap chhuak chu ni tawh mai. "Hey, hey, hey ka naute ka fiam che nih kha" tiin ava kuah a, a awm zawnah chuan a beitir nghal hle* a, John alo la insut faih* bawk, "Ka hmuh tang che kha ka thinrim te chu a bo deih tawh lom. Khawi bang rawh le" tiin John mittui te chu a hruksak a, John chuan lo duh tawh bik thak lo, inla hrangin, "Zawnga, sawi vat ta che" ti vin hlakin a inhru mawlh* a, a ang nghal pang* bawk. "Nizan ah ka message pawh I chhang lo, tui tak pawn ka mu lo. Zinga ka message pawh I chhang lo, zing tluanin awm nuam in min awmtir lo. Suala" ati nghal hlak* a, a thinrim ang hlak* te chu Timothy chuan duhawm ati lutuk tlat, a thinrimna te kha chu thli in a len bo fel der tawh, tunah chuan John chu a thlem ve leh tawh zawk a, John lah a lungawi hleithei lo, a tap ringawt te kha a zak leh hnuhnawh bawksi.
Ben te ban a hun meuh chuan an inthlem lungawi thei ta niang chu, garage tang chuan an chhuak a, hlim lo emo lungawi lo hmel reng an pu tawh lo. "Tun kar chiah ka kal tawh ang" Ben rawn chhuak nghak a an din lai chuan Timothy chuan ati a, school a sawina ani, John chuan nui var chung hian, "Thursday nia, naktuk chiah ngai tawh nih chu" alo ti var* a, "Saturday hi ka thiante college basketball an inkhel dawn a, final nia Ben nen min sawm ve a, ilo kal ve hman ngem" inthlahrung deuh lek* chuan a zawt a, a buai chu a ring ve tho a, mahse kal se a duh ve tho bawk sia.
"Hman ang" alo ti sam et a, "Tu I thiante" atih chhunzawm nghal zat bawk a. "Ka thian kawm ber te, middle tanga school ka kalpui ania a khel tur tak phei hi chu, an team captain ani ve bawk sia, Cavin lah hian lo kal ve rawh ati chhen bawk sia" alo ti ve nghal a, Timothy chuan melh run pah chuan, "Duah a che" ati deuh nghut a, a ngawih vung* hnu chuan "Cavin chu tu mo, captain chu mo" ati leh hram a. "Nilo, nilo Hruaizela lom captain zawk chu, thik chi an lo ni lo, duh ni ila, hman* ah ka nihpui ang" a lo ti nghal zung* a, chhan leh a tum lai tak chuan Ben chuan, "Apaa" tiin an lam a rawn tlan a."Full mark leh five star ka hmu, a yellow vek lehnghal " itithei fahran chuan a rawn ti a, an nui ho leh dar* tawh.
Timothy chuan class lak tur ala neih vangin a kalsan rih ta rih a, tlai ah John te ina chaw ei ah a insawm leh hmanhmawh tawh.
Class a luh chuan naupang ho chuan a chhuah tur thu vel chu an lo zawt nghal vat hlom a, Timothy an kar leh tang chuan midang an rawn kal ang atih phei chuan hmeichhe thenkhat phei chu an tap lo chauh mai, an school kal ti nuam tu leh an zir ve nachhan kha ani miau a.
________________
"Heyy, tah khan seh kher suh" thaw hak* chung chuan Cavin chuan ati chhuak hak a, "Miin ka ta ini tih hi an hriat a ngai" tiin Duhzuala chuan a ai uar zawk mah chuan Cavin nghawng larsar lai tak chuan a pet fan* a, a ta ani tih chu mi zawng* hmuhtir a duh ani. A rawn thi tak sep hnu chuan a thlah a, a thilsiam chu a enin a khi sak a, a lungawi hmel hliah* mai, a love bite siam na lai chu kawr nghawngin a khuhphak loh nachhin ani a, a fiah tha bawka hmuh loh ngaihna awm lo.
"Khawi a lehlam pawh" tiin Cavin-a nghawng lehlam chu an en leh deuh vang* a, Cavin chuan "Hei pawh hi a chiang lutuk mah*, a ngai tawh lo" a nghawng chu a phone hmaia bih mawlh* pah chuan ati a. Duhzuala khum ah ruak ngalngat ve* in an awm a, an thawmhnaw lah chhuat leh khumah a let teng tung a, engnge an tih chu a tam zawk chuan an man thiam ang.
"Game ah ilo kal ve dawn em?" Cavin-a inhak that sawk* lai chu khabe dawm chung meuhin alo thlir deuh* a, a en ning thei thlot lo ani ber, a ruih laiin tih sual nei fo thin mahse, Cavin a atchilh leh duhna hi chu a tak ngei ani tih Duhzuala pawh hian a hria. "Kal ang, kan school nen in khel dawn lehnghal" atih zawh rual deuh thaw chuan Duhzuala chuan, "Min tan zawk ang che" alo ti nghal hlar a, "Hruaizela kha a chak ka remti thei lo hrim*, ka chak a ngai" ati deuh hlut a, Cavin ai chuan amah leh amah a inbia a ang zawk mah tawh.
"A chak zawk* ka tan" alo ti fel than a
_______________________________________
A next chapter pawh up vat kan tum angâ¼ï¸