Author pov,
An ei zawh chuan waiter chuan bill a rawn keng a, John chuan Ben nen an eina pek a tum chuan Timothy chuan a kut lo man sakin a card chu waiter a pe a, John chuan "Kha hei la rawh" tiin a pawisa ken lai chu Timothy pek mai a tum a, alo la duh der loa. "Tikhan min treat I ba ni mai" a tih tlat avangin John chu thaw hak a, beidawng in pawisa chu ala a.
"Dar 1:30 ri tep, I tlai phah viau em" nuamlo ti rilru deuh chuan a zawt a, an tih khawmuang a hlau em ani. "Tlai lo e, last leh last second bak period ka nei tawh lo hrim* a" tiin a chhang a, John awm chu a nawm phah chuang lo thung. "Scooty I keng lo mi?" tia Timothy-an a zawh chuan, "Keng e, garage ah ka dah a" tiin alo chhang ve mai a, "Nihchuan phei rual ila" tiin an pathum chuan school lam an pan leh a.
_______________
Cavin te kawngka chu pawn lam atangin an lo kik kharh* a, an awmpui nu chuan ava hawnsak a, kawngka bulah chuan Duhzuala chu eitur tam tawk nen alo ding a, an awmpui nuin a hmuh chuan ami hriatsa anih vangin alo nuih var a, "Lo lut rawh, I thainpa chu inchungah a awm, a nuamlo deuh nge ni chaw ei tur pawn kan ko chhuk thei lo" alo ti nghal bawrh* a, Duhzuala chhoh a tum lai chuan, "Lo ding lok aw" tiin chawka ah a luh san leh a, Duhzuala pawh chu a ding ve reng a, alo let leh chuan trey ah chaw leh chawhmeh tuihnai deuh* a rawn keng a, "A room kawngka chu a kalh loa, kha hei eitir lo tum teh, engmah ala ei loa" tiin trey chu ape a, Duhzuala pawh chuan lain Cavin room lam a kal vat a.
Cavin-a chu tui deuhin khumah alo mu a, zan lamah a tah nasat deuh avangin mut a kham lo hle, college pawh a kal talo anih kha. Duhzuala chu a lut a, ni hmalama a thiltih vang khan a inchhir takzet, college a ngaihdam dil tum kha nia, eitur leh pangpar thlengin a keng a, Cavin alo leh silo a, a pangpar phei chu an professor in a man sak ta kha nia.
Cavin hi a hmangaih takzet, a rilru zawng*a a hmangaih ve tak* hmasa ber ani, tihnat pawh a duh lo, mahse a ruih tawh hi chuan amah a inthunun zo tawh thin lo ani, ruihthlo leh zu hi chuan kan tum leh duh miah loh thlengin min kaltir thin anih hi. Room kawngka chu kalhin khum lam a pan a, chaw leh eitur vel te chu dawnkan ah a dah a.
"Bawihte tho la, hei eitur ka lo keng nia" Cavin puan sin chu a keu dek* a, alo muttui ngei mai, kaihthawh a hreh viau nangin engmah ala ei loh miau vangin a kaitho lui a. Cavin pawh a rawn zi chiar* a, meng mang lo chuan, "Nu, vawin chu ka kal dawn lo ka tih kha" ati bai* a, Duhzuala pawh a rawn nui chhuak a, a nui ri a hriat chuan a meng vata, Duhzuala a hmuh chuan lehlam a hawi nghal a, "Haw rawh" lungawilo tih hriat zet chuan ati a, "Imm, mahse hei ei phawt la" tiin ani chuan awki dam diai hian alo chhang a, nimin nen tehkhin chuan midang hlak a ang zawk.
"A tam lo" Cavin chuan la melh eih chuang lo chuan a chhang a, engmah ruih a neilo tih a hrechiang a, achhan chu Duhzuala hi rui ve nasa thin viau mahse Cavin te ina kal erawh chuan harhfim loin vawikhatmah a kal ngailo thung, nimin a inbual zawh pawha a umzui loh nachhan ani. "Ban pawh ala hun lo, engnge tun ang hunah hetah I awm?"
"I awm loa" tia chhan pahin Cavin chu naute ang main a tung tho lui a, Cavin pawh khumah a at tawh, puan erawh ala sin ur reng thung. "Zing atangin tui bak ka la in lo ka ril a tam" atih chuan Cavin chuan chaw chu melhin, "Kha* ei rawh" alo ti hmuk a, "Ei dun ang, dessert pawh ka rawn keng" tih pahin a thil lei ho chu a hai rak* a, a tamsi Cavin chuan en chian a chak ngeimai mahse ala titau ve rih bawksi , Duhzualan a thil zawn a hmuh chuan Cavin chu rang deuhin a hawisan a, black forest cake a rawn phawrh chuan Cavin chuan a chil a lem khawlh a, a cake duhber ania, a hnar thei ngailo hrim*, chuvanga lo keng chu ani reng bawka.
"Chaw ei zawh ah hei kan ei dawn nia" tiin cake chu dawnkan ah chuan a dah a, trey chu a la a, "Hei I duh ber" tih pahin fian ah chuan chaw leh artui half a kan chu a dah a, Cavin ka bulah chuan, "Ang rawh le" tih pahin a keng vang a, engmah sawi loin Cavin pawh ngawi rengin alo ang a, nilenga engmah eilo ani bawka a tam ve tawh hle ni. "Ei ve rawh" atih tak ah chuan Duhzuala pawh chuan a ei ve a, an ei mial* lai chuan Duhzuala zawk chuan, "Ka tihpalh aw" Cavin-a hmel a en ngam loh vangin hnuai lam en reng chung chuan ati a, "Tih loh hram chu ka tuma, mahse ka taksa hi ka thunun thei thin thlot lo ani" tiin a chhunzawm a, a hmel atang chuan a inchhir takzet tih a hmuh theih.
"Sawi tawh lo ang, ka ril a tam ania, khawi min barh leh rawh" alo ti deih a, zing thleng kha chuan then kha a tum ruh ve hle a, mahse Duhzuala a hmel a hmu a, a inchhir hmel te, a theihtawpa tih lawm a tum te, a inthiam loh avanga a mita a en ngam miah lo te a hmuh hian a thei leh thin lo, hmangaihna vang chauh ani.
______________
Hna a ban hnu chuan John chu Pu Hminga (Louise pa) te in lam a pan a, Louise te hi mi khawsa thei tak an ni bik loa, apa hian sawkar company ah janitor hna a thawk a, chumi ring chuan an khawsa ve ani. An kawngka chu a kik karh* a, reilo te ah Bawih Bawihi (Louise nau) chuan alo hawn a, John a hmuh chiah chuan anui nghal var* a. "Au, ilo kal elo, lo lut rawh" tiin a kai lut nghal a, an luh chuan John chuan an sitting room dawhkan lian vak loah text leh note bu lo inchhawp a hmuh, "Lehkha I zir alo?" tiin Bawih Bawihi chu a zawt a.
"Umm, karleh kan exam ania" tiin alo chhang a, thingpui a duh leh duh loh a zawt nghal vat bawk, John in a duh thu a hrilh chuan chawka lamah a phei a, a phei pah chuan ring leng lawng hian, "Anu, apa au lo kal" tiin a au tuar a, "Ipa hna kal lo mi?" tiin John chuan alo zawt nghal vat a, "Imm, anu a tlu sual a" atih chiah chuan engmah sawi tawh lo chuan room lam a pan nghal vat a, kawngka alo inhawng avang chuan kik lem loin a lut tlang a.
"Bawiha ilo kal elo?" tiin Pu Hminga chu alo thu rem vat a, Pi Hmangaihi erawh chu John lo luh chiah khan lehlam lehlam alo hawi nghal deih thung. "Bawih in anu a tlu sual atia, ana viau em?" thutna rem* a thutthlak pah chuan ati a, "Chutianga na lutuk phei chu ani lo, lo ngaihtuah duh suh, kan tha leh vat mai ang" anupui khawih zeuh pah chuan, "Thiani tlam hi lo hawi ve ta che" ati a, Pi Hmangaihi erawh a che eih lo thung.
"Pawilo a nuamsam lo anih kha" atih rual deuhthaw chuan Bawih Bawihi chu thinhpui nen alo lut a, "Aw, ka naute thin hi chu ava fel tak" tih pahin Pu Hminga chuan alo laksak thuai a. Thingpui te an in zawh chuan John chuan a ipte tangin envelope a rawn phawrh a, "Pa hei aw" tiin envelope chu Pu Hminga bulah chuan a dah a, Pu Hminga chu beidawng tak hian a thaw hak a, "Bawiha a tul lo em mai, Bawihtei boral atangin tiang hian iti ziah a, a ngailo ka tih tawh kha" envelope chu a laa, "Kha bawiha thil duh leinan va hmang zawk rawh" tiin John chu pek a tum a, a ngai ang bawkin John chuan ala lo.
"Pa, ka tihtur alom, ka nu a damlo, Bawih Bawihi pawh class 9 ani ve tawh a, a hautak dawn lutuk. I lak duh loh tlat chuan I fapa ah min pawm lo ah ka ngai dawn nia" atih tlat avangin a la leh ta nge* a. Pi Hmangaihi erawh chu muhil silo in a muhil der tlat a, a mittui a luang zung* thung, Louise thih hlim khan John hi a haw hluah* a, an phallo chung an innei lui a, a fanu in a thih phah hial a, chuvang chuan Louise thih naah khan John hi a mawhpuh vek ani. Tawngkam na tak* in a ankhum a, kut hial a thlak bawk, mahse chuti chung chuan John hian a ensan ngai loa, thla tin pawisa a pe ziah a, a tlawh awl lo bawk. Pi Hmangaihi hian a hmaa John chunga a thil tih avang khan a inchhir em* a, a hmel a hmu ngam lo ani ber.
John hian sum a neih leh hausak vangin Louise te chhung hi pawisa pe ani loa, a tih tur nia a hriat vang zawk ani. A hlawh a tam loa, a fapa leh ama inenkawlna daih tawk lek ani, mahse harsa chung* pawn Louise chhungte a hmaih ngailo hrim*, a ruala hna 2,3 a thawh chang lah a tam, mahse vawikhat mah ala phun chhin ngailo. Louise kha an chhungkaw innghahna leh an fa hmasa ber ani a, amah boral tawh mahse anu leh pa chu ama nu leh pa ang chiahin a en ani.
________________
Pher ah thuin a lehkha zirna dawhkan lian lem lo takah chuan Ben chuan lehkha a zir a, John pawn thutthleng ah a hna tul alo thawk ve mial* bawk. "Pa hei hi minlo tihpui" atih chuan John chu chhuat ah chhukin Ben hriatthiam loh laite chu a zuk hrilh a, an pahnih chuan an buai ve em*.
Darkar 2 vel dawn a zir leh hnu chuan Ben chu a ham bai* tan a, "I mut a chhuak tawh ami?" atih chuan John chu alo bu nghat a, "Intifai la, lo va mu rawh, a tlai tawh" John in atih takah chuan Ben chu a kal a, "Ka khum ah mu rawh aw" ati leh lang* a, a chhuak tawh bawka hnial lem lo chuan Ben chuan a lu a lo bu a, bathroom lam a pan nghal nal* a.
John chuan a hna thawhlai dahin Ben lehkha zirna vel te chu a tihfai leh te* a, a zawh hnuah a hna ah bawk chuan a kir leh a, intih harh tuma coffee a siam chuan dar 11 alo pel fel leh der tawh. Chawka lam pan a tum lai chuan kawngka an lo kik a, a tlai tawh vang leh tun ang huna inleng neih a in beisei loh vangin John chuan a bengchhe ri emo ati a, mahse vawi thum vel a rawn kik takah chuan ava hawn ta nge* a. John chuan kawngka bula Timothy lo ding a hmuh chuan mak ati ngei mai, a rim atangin zu a in tih a hre nghal a.
"Nang! Engnge hetah, tunang hunah lehnghal" alo ti bah nawk* a, sawm chawp ngai loin Timothy chu inchhung ah a lut a, sofa ah thuin bottle a tui lo awm chu a in nghal khawlh* a. John chuan Timothy chu a va pan vat a, a hmel chu zawhna hlirin a khat, "Engnge hetah ilo tih? Tun ang hunah lehnghal? Zu I in tiro? Chuan engin nge ilo kal?" ati nghal bawrh* a. "Car" tih tein alo chhang a, John chuan zawhna mitmeng hlirin alo la en thung, Timothy chuan a kekawr ipte chu a zen a, a car chahbi rawn la chhuakin, "Ka car in ka lo kal" ati thum leh bul* a, John in a car awmna a zawh chuan chhang lemlo in pawn lam a kawk ringawt a.
"Kava park tha lawk ang aw, tikhan fel deuhin lo awm la, lo che miah suh" tiin hmanhmawh deuhin a chhuahsan a, car te chu va park thain a lut leh a, a chah ang chiahin Timothy chu a thut ngaiin alo la thu bur renga, en mai chuan a hlauthawng letling zawk. "Ramhmuai hmu I ang lutuk" alo en nasa deuh nge Timothy chuan a rawn tichhuak thut a, John alo phu deuh zawk a. "A mak alom" tiin John chuan a chhang a, Timothy chuan a chhang chhunzawm tawh lem lo, "I ril a tam em?" tia John in a zawh chuan alu alo bu a, John chuan chawka lam a pansan leh a.
"Kha hei ei rawh, mahse ala sa deuh maithei" tiin bowl a chu pe a, Timothy an a en chuan anui hak a, "Naute chaw mi?" tih pahin fian chuan a chawk kual a chawk kual a. "Aw leh aih, Ben chaw tur bika ka chhum ania, bawnghnute sa in ka rawt leh nih kha, itan lem a awl deuh ang" atih chuan Timothy chu a rawn nui chhuak hak a, a rilru natna leh buaina zawng* te kha an bo vek ni maiin a hria, heta a kal hi a inchhir lo takzet.
"Ei rawh, a dai ang" Timothy chuan John chu alo en reng tih a hrelo reng*, John in a rawn biak takah chuan a harh zawk a, naute chaw chu tui ti deuhin a ei mial* a, nilenga engmah eilo ani bawka, a thil ei chu hmuhnawm tham ani, John chuan hmuh hrehawm ati zawk hian. "Muangchangin ei rawh, I hak ang" tiin tui ape a, Timothy pawn alo in khawlh* a, a ei chhunzawm leh nghal a. A ei zawh chuan a dang siamsak leh turin John chu a tho uau a, mahse Timothy chuan a banah lo vuanin a pawt thu a.
"Ka puar, tian awm zawk ang" tiin John darah chuan alu a nghat vang* a, muhil silo chuan a meimitchhing vang* a. John chu a tawng tawh lo hrim*, a thin chu thlawkchhuak tur ang mai hian a phu dup* a, a sa chhuak vek a, a awmdan chu nuam ati lo takzet. "A ri dut* mai" tiin a kut chu John awmah chuan a dah a, John chu a che tawh lo hrim* , an awm ngai chuan rei deuh an awm reng a.
"Ka nun hi ka ning tawh" tiin Timothy chu tawngchhuak hmasa zawk ah a rawn tang a, "Tinge?" tiin a zawt a, hetianga Timothy awm hi hmuh hrehawm ati lutuk. "Ka nu vang chauhin ka tuar hram* ani" ati leh a, a rui tawh bawk nen John chuan biak chhunzawm chiah ngai loin a zawt chhunzawm ta loa. "Ka haw duhlo, keimah in ka awm duh lo" alu tih chet hrat* pah chuan ati a, "Ben khumah I mu dawn nia" tiin a chhang a, a rawn luh tirh atang khan riahtir kha chu a tumsa hrim* a, a tlai tawh mai bakah amah a rui bawksi, amaha haw tur chuan a ngaihtuah awm mah* ani.
"Min ngaidam rawh aw" atih chuan John chuan mak ti deuhin ava en a, Alam a hawi velah chuan Timothy chuan John chu a fawp thut a, a lei a tihchet chiah phei chuan John chu a ip chawih a, a kut chu nghet deuhin a hum a, chet nachang a hrelo hrim*. John Chet hma chuan Timothy chu a rawn chatthla deih a, John chu ngawi rengin minute 5 vel a thu a, alo dan loh nachhan kha ni a ngaihtuah, Timothy a rawn run hat chuan John chu a harhchhuak a, Timothy chu Ben khumah ava mut a, a intihfai hnuah ani pawh chuan khum lam a pan a
_______________________________________
A zo leh ta, a next tih leh vat* ka lo tum angð¤ð¤