chapter4

Update ve leh thei ta😪

A story chapter 1-8 lo chhiar vek tawh te pawn min hlutsak in, in lo la chhiar ve zela, ka lawm lutuk ania, sawi vak dan pawh ka thiam lo zawk🎀✨🤍

_honeylemonn a min lo follow tu te leh min la follow lo te pawn, minlo follow ve lehzel ula aw, a hma ka pha tawh dawn silo a, ka bei hi a dawng ve teh mai nia 😫

______________

Timothy pov,

School ka chhuahsan meuh chuan dar 4 alo pel leh vuk tawh a, tumah be lem lo chuan in lam ka pan nghal a, in ka thlen chuan chau ve tak ka ni, ka inbual zawh chuan ka tihdan ngai tein take-out ka chah a, ka ei zawh ah keima hotel hna lam ka buaipui tan leh nghal a. Kar 1 ah Saturday chiah ka kal hman vangin in lama tawh tur chu tam ve hle, papers sign neuh* tur nen, in daih lo ve tak ka ni. Ka zawhfel meuh chuan dar 11 a ri leh der tawh.

Coffee kava siam a, naupang text paper vel check la ngaih vangin ka workroom lamah bawk ka phei leh a, language ka lak miau vangin section hrang* ami check a ngai a, naktuk tuk leh a zawh hman a ngaih vangin a chanve tal check zawh hman ka tum ani, a chanve chiah pawh 100 dawn ania, check uluk ka duh bawk si, ka zawhfel meuh chuan dar 2 a ri bal* tawh. Phone en tawh lo chuan ka mu nghal a, zing dar 6 vel ah ka tho leh a, mut hi kham lo thin tam ka ni.

School ka thlen chuan kawt velah naupang an lo ti nuai* a, ka car ka park zo garage ka chhuahsan atang phatin teacher hmeichhe hoin min rawn be nghal siam* hlom a, ka umm ee vel mai* ani ber. Sawichhuak lo mah ila ka ning ve takzet, thil pawimawh an sawi ngai silo, "Zing I tho nuam em", "Engnge I ei duh ber?", "Dar engzat ah nge I haw thin?" tih vel bak min zawt ngai lo, tul fe ah lo chuan min be lo top se pawi ka ti lo zawk.

Office ka luh dawn chuan John leh Ben lo inthlah ka hmu a, an pahnih ka hmuh chuan chhan em* awm loin ka nui leh ringawt tawh, an pafa bula ka awm hian eng emo takin ka awm thin. Ka hriat mang loh laiin an bul ka lo thleng leh der tawh.

"Zing I tho nuam em?" John chuan Ben bag siam rem mawlh* pah chuan min zawt a, midang chu nise "Aw" tih tawpin ka chhang ang a, ka ning leh viau tawh bawk ang, bag a siam that zawh chuan ka lam a rawn hawi a, ani aia feet 4 vela ka san vangin min rawh en chho deuh va, "Tui lutuk zawk, hei thawh kan hai tep a" tiin min chhang a, a nui sang reng bawk, zing mah nise a fresh em* a, tho hlim pawh a ang lo, inbual zo chiah a ang mah zawk."Kan tlai tep a, pheiphawk pawh a nilo zawngin min buntir" atan chuan ka sang deuh bawk a, nasa deuhin a rawn hawi chho va, ka bulah chuan a rawn hawi ve niap* a.

A sawi lai chuan John chuan a ken a en a, ani lo zawngin a pheikhawk alo bun chu ni, min lo en a, za lo tih hriat zet hian a nui a, an pafa awmdan avang chuan keipawh ka lo nui leh ringawt tawh. "Khawi ala hma lom, ka lo thlak ang" tih leh chhuata thingthit chu a rual a, Ben pawh hrilh chawp ngai loin a ke veilam alo khai ve nghal vat a, a tluk loh nan a pa dar lehlam alo vuan ve tang* a. Veilam an zawh chuan "Khawi dinglam kha" John chuan ati a, Ben chuan a ke pahnih chu a en tawn char* a, "A lehlam chu chhuata ka dah chuan a bal dawn sin" tiin rilru buai hmel zet chuan a chhang a, "Khawi a bal hman lo ang, lo dah zawk la" zawldawh tak chuan ati a, Ben chuan a ke pahnih chu a en tawn sek ringawt a.

An chetdan naupang chhia lutuk avang chuan ka thaw hak a, Ben bulah chuan ka khup pakhat in ka zuk thingthi a, engmah an sawi hma chuan Ben chu ka pawm lawp a, ka mal pakhat zawk ah chuan ka thuttir a, ka bawp a sei bawka Ben ke chuan lei a si lo chiang khawp mai, John chuan min en reng a, "Buntir la" ka tih chuan, "Ee" tih pahin a buntir ve nghal mai a, "Zo e" a tih chuan Ben chu dahthla in ka tho zui ve nghal a.

"Awii minute 5 chiah awm tawh, in tlai dawn lut vat ru" John an a rawn tih hluai tak ah chuan Ben nen school lam ah kan inzui lut a,an class a luhfel chuan keipawn staff room lam ka pan a.

John pov,

Ben ka thlah zawh chuan ka insiam sa vek avangin ka hna lam ka panding nghal a. Tile leh marble company ah hian CEO assistant in ka thawk ve a, Mizoram ah ro* chuan a hmasa pawl kan ni a, ka company pawh ala lian lemlo nain kan lun ve thei khawp mai. Assistant chauh pawh ni mah ila tih tur a tam a, ka boss schedule set ringawt pawh buaithlak ve tham tak ani. Ka boss a kalna apiang ah zui ka ngai a, chu mai bakah midang hna ka thawhsak lawp* chang a tam bawk, mahse ka vanneih a siamin midang aiin chhun chawlh ka nei rei a, Ben pawh ka hruai theih phah thin ani.

Tunlai tak hian kan buai zual em* a, a chhan chu shopping mall thar a awm dawn a, an tile leh marble lam ah keimah ni tang vekin an order a, kan la rei loh em vangin order liantham kan dawng khat a, kan lawm viau rualin a hma aiin a double vel in kan hah ti ila ka sawi sual lo ang. Kan CEO Pa Zorema nen chawhma chhung factory ah kan awm a, a nin an thawhdan te alo en chhungin keiin material ka lo endik thung a, mamawh tur te endik in ka lo buai ve em* bawk.

Chhun chawlh dar 12 dawn ah factory kan chhuahsan a, Ben lam ka ngaih tawh vangin office lam pan ve loin school lam ka pan a, 1pm hmain office thlen leh hman ka ngai si, school leh factory inkar alo hla ve bawksi ka tum aiin ka tlan rei phian a. School ka thlen chuan 12:30 lo ri tawh a, an class room kawt ah Ben pawh alo vang a, a bulah Timothy alo awm ve bawk. A hmel en hi chuan hmeltha in chhelo viau mahse mi ngainatawm tia sawi tur chu nilo, a mitmeng chu thuhran nui hmel a put khat em vang te pawh a niang, mahse kan inbiak kan inbiak ve hnu hi chuan mi tha tak a niin ka hria.

An bul ka thlen chuan Ben chuan min lo en vang* a, "I tlai" lungawi loh hmel deuh chuan ati a, ni e tlai tawh lo turin ka intiam tawh miau a lom. "Tihpalh aw, apa hian Ben bulah ngaihdam ka dil e" tih pahin a hmaah ka zuk kunn hniam a, a hmel rum deuh chu chawp leh chilhin a inthlak a, "Umm, a pawilo mai" tiin ka kut chu ka beng atangin min rawn lakthlak sak a. "Vawin chu nidang aiin kan bang hma a, dar 12 ah kan bang a, darkar chanve lai kan ding tawh lom, staff room a lo nghah che a duh silo a" Timothy chuan Ben hnung atang chuan a rawn ti a, a sawi zawh chuan Ben chu ka zuk en a, ka inthiam lo takzet, a chang chuan ka buai thei lutuk hi a tan hun nei mual loin ka inhre thin. "Tinge staff room ah chuan ilo awm mai loha" ka tih chuan, a bag hrui khawih niap* pah chuan, "Min lo zawng vak dawn sin" ati khauh a, ka va han hmangaih tak em.

"Kir leh vat ka ngai a" Timothy lam en chunga ka tih chuan alu alo bu khauh a, min chhang lo thung. Ben bag ka la a Timothy bye ka tum lai tak chuan ka phone a rawn ri a, Pu Zorema alo ni, ani meuhin min rawn call chuan pawimawh hle nimai. Ring rei tir lo chuan ka la vat a, engmah pawh ka sawi hmain, "I rawn phei vat a ngai, factory hnathawk te ah buaina awm a, keipawh hei ka phei mek, minutes 15 ah lo thleng rawh" tiin a dah nghal a, ka hawi a der lom le.

"Tinge a?" Timothy-an a rawn tih chuan, "Factory ah lo minutes 15 ah lo thleng nghal rawh an tia, Ben ka thlah ang a, ka kir leh chhung nen alo berah minutes 30 tal ka mamawh dawn" ka ti nghal bawrh* a, ka rilru hah zia chu ka hmel atang ringawt pawh hian a hmuh vek ka ring. "Ben chu ka lo thlang ang, kan bang tawh tho a" atih chuan chhan ngaihna pawh ka hrelo, ka inthlahrung bawksi, "Mahse, I buai lutuk dawn sin" ka ti deuh nawk a, Ben chuan Timothy nen min en tawn chhen ringawt.

Min chhan tuma a ka a an deuh zuau lai chuan Esi lo lang hlol a, chutia kan ding chu mak ati ni tur ani, thil awmzia min zawt a, ka sawi hnu chuan, "Keiman ka lo hruai ang, kal rawh I tlai dawn" tih leh ka kuta Ben bag chu min laksak a rual a, Ben kutah chuan a kai nghal chawt bawk. "Nih leh ka ring che nia" tiin Esi chu ka hrilh a, Timothy lam en chuan "Esi hian lo thlah zawk mai rawh se, kan tibuai lutuk ang che" ka tih chuan a bu nghut a, engmah sawi loin a kal nghal nal* a, min chhang bawk silo, a thinrim te pawh a ang zawk alom.

"Anu Esi nen hian lo haw mai rawh u aw, apa hna kal a ngai sia, thil tui deuh ka rawn hawn ang che" tiin kan inthlah a. Ka tlan chak viau nain minutes 15 ah ka thleng hma loa minutes 25 dawn ka hmang, mahse midang pawh an lo thleng chiah a, ka tlai chhe lo turah ka ngai.

Timothy pov,

Ka inbual zawh chuan chaw ei dawhkan ah ka thu a, a ngai tein take-out bawk ka ei a, ka nuin hria se chuan min hau nasa ngawt ang, mahse eirawng bawl thiam miah lo chuan homemade ei a har khawp mai. Vawin zan phei chu mahni chauha awm e tilo chuan ka thinrim tun ngei mai.

Ka ngaihtuah let a, tinge John khan Ben kha min hruai tir ve mai loh, a kalna tur a hmanhmawh thlak hmel tehlul nen, min ring zolo emo te ka ti hial, nge min tihbuai a hlau zawk pawh ani thei, chutiang anih phei chuan ka lungawi lo lehzual ang, kan inhriatna a rei ve tawh a, inthlahrung tur chu ani lo asin, keichuan a duh* min dil se ka ti zawk.

Esther-i lah hi alo lang ve hman ziah bawk a, John a biak thin dan ah te, a buala a tlangnel dan ah te hian en mai pawn rei tak anlo inhre tawh tih chu a chiang viau. Staff dangte sawi danin Esther-i hi chu ala single an ti a, a chhan pawh mi nghah a neih vang ani, chuan chu ami nghah chu zawh pawh ngai loin John ani tih ka chiang. Lo bem ta pawh nise John hian a duh let ve kher ka ringlo, a chhan chu a fapa hi a ngaihtuah takzet tih ka hria a, hetiang lam hi chu a buaipui ka ringlo. Keimah ang lo deuhin John leh Esther-i chungchang ka ngaihtuah ka ngaihtuah a, ka thin a rim tun ringawt lehnghal, tuna ka awmdan hi ka duhlo takzet.

John pov,

"Apa bengchheng, a bengchheng nia off teh" ka ban sawi dat* chhungin Ben chuan a rawn ti a, zan laiah a rawn insan leh animo ti rilru chungin alarm chu off mai ka tum a, ka phone kan en chiah chu ka harh chiang kak* khawp mai, dar 8:20 alo ri vuk tawh. "Lalpa leh" tih hlak pahin Ben chu ka tung nawlh a, pawm tho nawlhin bathroom lam ka panpui a, meng pawh ala meng mang lo, tui chuan ka kut tihuh in a hmai ka tuai puak a, "Lo inti fai la, lo va insiam vat* rawh" tiin chawka lam ka pan nghal a, eitur ka siam nghal rawk* bawk.

Ben pawh a form kengin room atangin a rawn chhuak hna* a, ala ham bui* bawk. A form te chu ka haktir nghal sawk* a, breakfast a ei laiin a pheikhawk ka lo buntir a, a ei zawh chuan kan chhuak nghal a, kan che rang bawka school kan thlen chuan minute 7 velin dar 9 lo la ri lo a.

Ben chuan a thiante a hmuh tak vangin a lut zui nghal a, keipawh kal mai tur ka nih laiin Timothy ka hmuh thut ringin ka ding deuh reng a, ka nghah chhan pawh ka hre chung lo, hmuh ka inbeisei ve tawp ani ber. Ka hawi ka hawi lai chuan garage lam atangin a rawn chhuak a, min hmu tih pawh ka chiang, mahse min hmuh chuan reaction pakhat mah a nei miah lo, in hrelo ang hmiah kan ni, min hmu renga min rawn biak a tum lo chu ka hnual ve rawih ringawt.

Kal ta mai lo chuan ka ding reng a, staff room a luh dawn chuan min paltlang ngei* a ngai tih pawh ka chiang. Ka bul a rawn thlen pawh chuan min hmu angin a awm chuang loa biak hmasak ka tum miah lo kha nia mahse nuamlo tih riauna ka neih vangin ka be hmasa ta nge* a, "Thleng chiah lo?" ka tih chuan ka bia ani tih a hria ni chek ang chu, "Umm thleng chiah, khawng Ben hi?" ka bul vel en kual pah chuan ati a, Ben a zawng tih a chiang reng mai.

"A thiante nen an inhmu a, a lut chiah" ka tih chuan a bu leh nghauh ringawt a, min chhang lo, inbe lem lo chuan minute 1 vel zenzawn kan din hnuah amah zawk chuan "Vawin chu kan bang hma leh dawn aw, I hriat loh takin" atih chuan ka in ngaihtuah vung* a, ka hrelo tak*, nimin ah Esi nen kan inhmu ve renga sawi ve mai awm nia ka tih rilru neuh* a, "Ka hre reng* hleinem, dar engzat ah nge ka rawn hruai ang" tiin ka zawt leh he haw a, "12 tho, I hman dawn loh chuan Esi pawn a hruai leh thei ang chu"

"Ngailo ang, vawin chu leave ka nei a" ka tih chuan a reh vang* a, amah ka han en chuan ka ke lam alo en deih alo ni, a mit ala san eih lo lehnghal. "Nge ka ke chu I en reng a?" tih bak hluk paha ka ke ka zuk en chu ka zak lutuk ringawt, pheikhawk inkhing loin ka bun tih ka hre chiah, chutah ala inang lo em* lehnghal, a leh lam ah crocs ka bun a, lehlam ah bata chapal ang kha ka bun bawk a, engtin nge ka hriat loh theih zawk ni.

Ka hawi chhoh leh chuan Timothy chu alo nui suk a, "A veilam chu rit bik ngawt lo mo?" zawi te chuan ati sap a, ka hrepha tho. "Thoh ka hai a, ka hmanhmawh lom" ka zak bawksi chuan ka ti hlak a, ka ngaihbel nge mi hian min en duh thar riauin ka hria. "Naa, ka zak lutuk ka haw dawn" tiin ka kal nghal a, mahse Timothy chuan ka banah vuanin min lo pawt ding a, "Ben chu nangman lo lam rawh aw" atih chuan, "Lam dawn, lam dawn" ka ti liam puat a, ka scooty lam ka pan nghal a, hawi let tawh lo mah ila a nui tih ka hrethei.

Timothy pov,

Biak miah loh ka tum nen ka thei ngang lo, ka chhang leh ta nge*. A bula ka awm khan zan lam leh zing lama ka thinrim na te kha ka theihnghilh veka, biak ka chak ngawih* ani ber mai. Pa ni tawh mahse a naupang chhiatna tam tak ala nei a, rilru chhia pakhat mah a neilo bawk, hei tak hian a bula awm ati nuam lehzual ani. Naupang chhiatna a neih rual* in kei aiin a letin a puitling zawk deih bawsi.

Thil a sawi niap* laia a ke ka zuk en chu nui lo turin nasa takin ka insum a, ka khur thei hial. Ka awmdan hrethiam in min rawn en a, a ke ka en reng vangin a en ve nghal a, a zah hmel lutuk ringawt. A hawi kual ruih* a, min rawn en lehin tilui tih hriat zet hian a nui lui hak a, a hmuhnawm takzet. Crocs leh chapal pangai chu ke pawn feel ve awm tak ania, in khinglo ro* ah pawh a nuihzathlak zual.

Half day chiah kal tur ni mah ila hun hi a kalmuang ka ti takzet, class lak tur ka lo nei veleh khanglang bawksi, ka rilru ah engmah luh theih miau loh vangin text te chu ka chhiartir ta vel mai* a. Bell a rik chiah chuan tawi khawmuanh tawh loin ka kal vat a, naupang te min wish na pawh chu chhang lem loin staff room ka pan nghal a, teacher thenkhat ten min lo biak ve sek vangin ka tum aiin ka chhuak tlai lehnghal.

Pawn ka chhuah chuan John pawh alo ding leh vang tawh a, nidang ah chuan scooty alo ngheng amo, a scooty bulah alo awm ngei* thin a, mahse a scooty awm reng* ka hmulo. Naupang chhungte thenkhat nen an lo inbiak avangin va kal mai loin ka nghak deuh a, an kal liam hnuah ka va phei a, min lo hmuh chuan alo nui leh nghal var* tawh a, "Khawnge I scooty?" ka tih chuan, "Keng peih lo, taxi emo bus in ka hawpui ang" atih chuan ka lo bu mai a, a bulah chuan ngawi rengin ka ding a, inbe miah lo mah ila nuam ka ti, ka thawveng sawng* in ka hria.

"An van rawn chhuak har" a sana en pah chuan ati sap a, "An class teacher hian sawi tur a ngah ve a" ka lo ti ve mai a. "Takin I buai thei viau lo, school hna leh I hotel lam hna tawh kawp ve* I ngai awm sia" tiin min zawt a, midang bulah ka personal life sawi hi ka duh lo thin a, mahse Ani bulah chuan a danglam, "Buai ve thin tho, school lam hna tih zawh vek ah keima hna ka thawh leh ngai a, mut ka kham hman meuh lo" ka tih chuan min rawn en a, a expression chu ka chhiart thiam chiah lo.

"I chau thin awm, I hna chu sawi loh naupang buaipui ringawt pawh hi a hahthlak awm sia" a sana en leh zeuh pah chuan ati a, "Thla 3 tiro I thawh dawn kha?" atih chuan ka lu buin, "Imm, ka nu sawidan kha chu nia" ka sawi zawng ringawt pawn ka hnual rawih thei, school a ka thawh tawh loh chuan kan inhmu khat khawp ang le.

Rei lo teah Ben te pawh an lo bang a, a thiante a thiante pahnih nen inkai chungin an lo kal a, a lai ah a kal a, an pathum bik ro* ah a te bik sia, duhawm bik tak ani. Kan bul a rawn thlen chuan a thiante chu thlahin "Apa, Henry birthday ah ka kal ve dawn" John kutzungtang sawi det* pah chuan ati a. John lah chuan "Eng birthday mo?" alo ti he haw a, birthday te chu chi khat chiah awm a, engvak nge nise a tih ni.

"Hei Henry birthday hi nia, an bang hma tho sia, chhun ah hian lawm nghal ila ka tia, John hi lo kal ve se kan tia" Henry nu niawm tak chuan a rawn ti nghal zung* a, a tirah chuan John chuan phat a tum nsa viau a, mahse a ngen ngawl em vang chuan ani pawh chuan a phal ta nge* a. "Tian ka motor hian kan kal nghal mai ang, I number ka nei tho a, hruai ngaih hunah ka lo bia ang che" Henry nu niawm tak chuan ati leh a, John chuan Ben chu a en a, "Nu Puii thu hi lo awih rawh aw, naupang sual nih loh tur ka tih kha" Ben bag laksak pah chuan a chah mawlh* a,Ben pawh chuan ngawi reng hian alo ngaithla a, alo bu ve char* bawk.

John in a sawi tur a sawi zawh chuan Ben chuan John chu a hui zeuh a, John pawh a kun thla ve nghal a, Ben chuan engmah sawi loin John biangah  chuan a kiss a, John chu alo nui suk a, Ben chalah a kiss ve leh a, a tawp ah chuan an inthlah ve thei ta hram a, an tlan liam chu kan pahnih chuan kan thlir a.

"Thu awih viau law Ben hian" ka tih chuan nui chung hian, "Aw naupang dang ngaihtuah chuan, ana te hi a zep tang* zela, hetiang fapa fel nei tur hian engnge ka tih bik pawh ka hre lo" ati a, a fapa chu a chhuang hle ani tih a hmel atangin a hmuh theih.

"I haw nghal dawn mi?" atih chuan "Ka ring, tih tur vak pawh ka neilo haw mai loh chu" tiin ka chhang a, "Nih leh bye aw" tiin kal mai a tum a, mahse a kal hma chuan, "Ka hman tho a, ka lo thlah ang che" ka tih chuan a duhloh thuin min chhang a, mahse ka ngen ngawl em vangin a tawp ah chuan a pawm ve thei hram a. Garage lam ah chuan kan inzui lut a, motor a ka chuan chuan petrol alo awm mang lo hrim*, zingah ka thun theihghilh tih ka hre chiah, hmel 2 pawh a daih tawh lo ang tih vel ani.

"Petrol ava tlem ve" amah zawk chuan a rawn ti a chhuak a, keichuan ngaihpawimawh loh hmel zet hian, "Kalkawngah thun na tur awm mai ang" ka tih chuan alo ner nang a, "Ala hla lutuk, min daih dawn lo" confi zet hian a rawn ti a, "Ke in kal mai ang, kan in a hla over chuang loa, kan in tangin taxi I la mai dawn nia" ati zung* a, petrol awm lo chu a hlim hmel zawk phian lehnghal.

"Tlai tang hian taxi la mai ila" ka ti tal a, keiin ka kal pheih lo em ani "Iti peih awm loh e a, tlai lawk ah sawn bazar a awm a, ka kawi nghal duh lom" , car tanga chhukthlak tharh pah chuan ati a, a phur hmel em* bawksi, a tawpah chuan ke chuan kan kal ta nge* a.

"Tlai ah sawn bawnghnute leh butter vel ka lei thin a" tih pahin dawr pakhat ah chuan a lut tharh a, ka zui ve zel bawk. Veng a awmve ani tih pawh ka hriat miah loh naah min hruai a, bazar ang ve deuh hi nia, dawr lian a tam a, chawhmeh pawh awmve nual mai. A kawi tinah chuan kalna tur a nei zela, kan inkhai bawr tawh angreng hle bawk. Chawhmeh ai mah chuan bawnghnute, butter, cornflakes , wai wai , noodles etc tih vel chu kan lei bera, thil lak tlawmna a hre em* lehnghal.

"Lo peng rawh aw, inah coffee te kan in leh phawt dawn nia" ka hmaa kal pah chuan ati a, khai a phal lo chung ka khaipui a, a inthlahrung hmel khawp mai. "Aaa, saw vaimim a awm nih saw, lokal rawh ka treat ang che" tih leh amah ber chu a kal nawlh a, a ngai tein keipawn a hnungah ka zui leh. "Api pahnih aw" a wallet phawrh nghal rawk* pah chuan ati a, a zuartu pitar chuan, "Bawiha iva lo kal khat tawh ve a" tiin John chu alo bia a, "Bazar ngaih loh hi chuan lo kal hi a buaithlak thin a" tiin pawisa leh vaimim chu an inthleng a, an inbiak danah chuan an in pawh tawh hmel khawp mai.

"Kha le, hemi venga thil tui ber anih hi" tiin vaimim pakhat zawk chu min rawn pe a, kei lah chuan ka lo en deuh haw a. "Tah hian mo kan ei dawn?" tia ka zawh lai chuan ani chuan alo ei fel der tawh, "Nihloh ten, a sat lai hian tui ber lom" tih leh vaimim chu a ei leh a, a maimitchhing vang* a, a nui leh suk* thin, a ei dan hi a tui hmel bik ngawih*. Kal pah chuan kan ei a, street food hi ka ei ngailo hrim* a, a vawikhatna anih vang nge a tui ka ti takzet, a hma khan tinge ka lo ei ngai miah loh tiin keimah leh keimah te chu ka inzawt a.

"A tui em?" rawn hawi let meuh chuan min zawt a, chhanna hrechak niawm fahran hian min en bawk. "Tui lutuk" ka tih chuan intihtheih hmel fahran hian a nui a, "Ka tihreng kha" tiin hma lam panin a kal lehnghal a, a kal mai loh vangin min rawh zui rawh ti niawm tak hian min rawn melh a, keipawn ka zui ve leh a.

_______________________________________

Ka ziah sa zawng* a bultang kan ziah sak leh che u nia, ka hmangaih ziah cheu hi😩😭.