Last chapter ani tawh bawka reader's zawng zawng te thawm nei ang u aw
_________________
Author pov,
"Chuan Mizoram a let chu mo in thutluk na nita a?" Matthew chuan a hma mite pahnih a khuma thute chu a zawt a, Timothy chuan John chu a melh zeuh a, John alo bu nghat tak ah chuan Matthew chu en in "Aw, vawi khat mai nilo vawi tamtak kan sawidun tawh a, thutluk na tha ber niin kan hria" ati a, John chuan Timothy chu en a, a rin tawk zia chu a mengmeng ah chuan a lang ani.
"In thutluk na ah nrawlh chu ka tum miah lo, mahse Mizoram chu sawi loh India pawh hi mipa pahnih chhungkaw din na tan chuan a him lo lutuk" Matthew chuan ati a, hnial emo a tum lo, mahse upa ber ani a, an tana tha tura a rin a sawi mai ani.
"An nat na turin engmah ka thlentir lo ang, kan state a kan awm theih loh chuan state dang kan pan ang" aw khauh leh fiah fel tak chuan ati a, a thusawi ah chuan a chiang em* bawk.
Timothy pawh Bangalore a thlen atangin kar 1 a liam ve leh tawh a, chengho na na na chu Matthew nen pawh an in ngaih ve tawh viau mai.
"Induh dun lutuk mai, lo haw pawh ngai lo" David-a chuan phone atangin a rawn ti lang* a, a hnung atangin "Ka la thinrim reng ania" Cavin-a chuan a rawn ti ve barh* bawk a, "Khawnga zawnga chu?" John hnung leh bul vel hmu thei ni awm tak chuan David-a chu a hawi kual a, mahse John hmel lo chu phone hmaiah chuan a lang phah chuang lo, "Hei, naute chaw pe a" tiin phone camera chu Timothy lam ah chuan a hawi tir a, Timothy chuan uluk em* hian thenbawm a Brenda-i awm chu naute chaw alo pe a, a dim mah* emo tih tur ani lehnghal.
"Timothy Lalhriatpui an naute chaw a pe lai hi ka dam chhungin ka hmuh ka ring ngai lo sin" ati hluai a, John alo nui hak* thung, "Kar leh Monday flight kan book a, chu* Timo car kha in inah ala awm sia-" atih rual* chuan David-a chuan "Ka lo lam dawn cheu nia" ati nghal vat a, rei vak lo an inbiak leh hnu chuan an dah a.
"Duat I awmpui tho sia bungrua vel ka lo va pack leh mai* dawn mile?" tiin John chuan Timothy chu a zawt a, "Imm, lo ngaihtuah suh ka muttir nga ka rawn pui dawn che nia" alo ti ve vat a, John chuan an chetla chu a en a, kar hmasa lawka khawih pawh hlau em* khan chaw peiin a timu a, a diaper thlengin a buaipui vek a, amah John ai mahin nau chhawmchhaih chu a thaim zawk emo tih mai tawh tur ani.
John chuan air bag la chhuak in thawmhnaw vel te chu a pack leh mawlh* a, karleh tih chuan a lang hla a mahse zirtawpni ani tawh a thawhtan a kal tur ani bawk nen a hnai tawh viau ani.
Ama thawmhnaw zualpui chu a khung nual tawh a, mahse thawmhnaw dahna a en chuan ala tam fu mai, kum 3 lai an awm ve hman a, an thawmhnaw leh eng ilo pawh a tlem viau lo, naupang kawl phei chuan thil neih teuh alo awm bawk em ani.
An khum bul dawhkan sir ah chuan Timothy bag rawn ah chu a hmu a, "Pack nghal tur a nei ve ang a" tih pah in bag chu ava la a, a hawng chuan a thawmhnaw vel te chu a rem sak nghal a, bag mawng ah chuan notebook awm tak hi a zuk hmu a, a zuk lak chuan diary hi alo ni a, chhiar pawh tum em* lo chuan hawngin a phek chu a keu thuak* a, mahse a hming a hmuh chuan a tawp ta chat a, diary a thil inziak a hmuh chuan a mittui a rawn hnam tiak* a.
27 January 20xx
Dear John,
Ka infiam peih tawh lo ania, kar 1 lai I biruk tawh hi, lo haw tawh rawh, engnge I tih em em a.
Love,
Timothy
A phek chu keuin a chhiar zel a, diary pum chu a tan a Timothy an letter a ziah vek alo ni, a then chu a chhiar a a then erawh chhiar theih miah loh te pawh a nei.
15 October
Dear Ben,
Happy Birthday Junior. Ben keimah apa Timothy ka nia, I kum 6 na birthday hi ka lawmpui lutuk che, mahse i bulah nangmah ngei hrilh tur chea ka awm thei lo erawh ka inthiam lo lutuk.
Vawin ah I gift tur ka lei a, I cartoon duh ber paw patrol a uite zawng zawng naute lem ania, I duh dawn tih ka chiang, apa hian a ngai lutuk che.
Love,
Apa Timothy-a
24 December 20xx
Dear John,
Hey, tunlai chu lehkha pawh ka duh angin ka ziah hman lo che a. Kumhlui thlah zan ania, David-a leh kan thian dang te chuan a inah an hmang dawn a, min sawm ve nasa lutuk mahse Khawbel ah ka awm a, tun ang hun ah thingtlang a ka awm chhan I ngaihtuah ngei ka ring a chhan chu I awm ringin ka kal a, mahse a khaw pum ka en chhuah hnu pawn hmuh tur I awm chuang lo.
Tun ah tak hian ka car back seat ah blanket nen ka awm mek a, thlasik lai ania a vawt reuh lutuk blanket takngial pawn min tilum zo lo, ka bul ah awm lang chuan ka kuah lum vel mek che ka ring.
Tunah mi zawng zawng deuh thaw chu in lum ah an hmangaih tak te nen hunpui an hmuak a, kei chu ka car hung ah, khua tumah hmelhriat ka neih loh na ah ka awm a, mahse ka vui miah lo, achhan chu in lum nuam tak ah pawh awm mah ila in awm dawn miau loa ka tan chuan a inang reng.
Merry Christmas John.
Ka hmangaih che.
Love,
Timothy
8 September 20xx
Dear John,
Duat, ila hria em chu ka hrelo a mahse vawin hi ka piancham ania. I thutiam chu I bawhchhe chiang khawp mai, ka hun pawimawh zawng zawng a ka bula awm I tiam a, ka birthday ah phei chuan I kut ngeiin cake min siamsak tur thu min tiam kha ila hria em keichuan ka theihnghilh ve miah lo ania aw. Nitin in ka ngaiin ka thlahlel ngawih ngawih thin che a, mahse a bik takin vawin hian ka mamawh lehzual takzet che ani.
Ka ngai che, lo haw tawh rawh khawngaih takin, a hrehawm tawh em mai.
Love,
Timothy
January 1 20xx
Dear John,
Ka tum, ka tum ve lutuk asin.
Kum 3 Kum 3 tal tap a liam tawh chung pawh hian ka thei lo, ka thei thlot lo, midang min hrilh angin theihnghilh chea, keimah atanga paih bo chea, nun bul thar tan ka tum mahse ka thei lo, engang pawn beidawng leh naiin min siam nawn awn awn mahla ka thei lo, achhan chu mo John Lalhlimpui ka lo hmangaih lutuk hman vang che hi ni, engtin nge keimah atangin ka taksa peng chu ka paih bo theih tehlul ang, nangmah ka hmangaih mai che ani loa ka taksa peng leh ka nunna hnar ini a, paih bo che chu thil theihloh hulhual ani.
Hre rawh ka zawng hmu che nga he I game khelh ah hian hnehtu ka ni dawn.
Love,
Timothy
_________________
Lengpui airport an thlen chuan mi an lo tam phian a, Timothy chuan Brenda-i chu nau awrhna in a awrh than a, a kut lehlam in Ben a kai bawka, a lehlam in suitcase pakhat a nawr bawka bawr tak hi ani ringawt, mahse hmeichhe dang lo hmu ve te tan chuan hmuhnawm tak ani thung, John chuan suitcase pahnih leh airbag 1 a keng a, suitcase chung ah chuan airbag chu dah a, a nawr chu lo ni bawk nen Timothy-a ang em chuan a lang bawr lo.
"Benjamin-a kha chu kaih kher pawh ngai hleinem a fel tawh lutuk" John chuan alo ti a, "A bo ang" ti deuh tlatin a kai nghet zual sauh a.
Airport pawn lam ah chuan David-a chu car ngheng hian alo ding awr* a, a sir ah Marcus-a chu bike ngheng tho chuan alo ding ve bawk a, John te an hmuh chuan va pan vatin bungrua te chu an hlan luh pui a, Marcus-a chuan John chu a hau barh* reng a, an lungawi loh zia te chu a sawi chamchi bawk a, John chuan a thusawi chu engatan em* mah ah ngai lo chuan alo 'imm' 'ee' ve Mai bawk a, an bul ah Timothy thiam dun chu an awm a, David-a chuan Timothy chu chhaih zuk* reng a, Timothy run tawk a tling ve leh em* bawk a.
"In lo peng lo ang mo?" tia David an a zawh chuan "Peng chi pawh kan ni lo, kan haw tlang nghal ang" car chhunga luh pah chuan John chuan ati a, Timothy an nau ala awrh miau vangin amah zawk chuan a khalh dawn ani. "Imm, zan ah lo kal kan lo tum a, in buai dawn tih chu hre tho mah ila" Marcus chuan ati a, "Lo kal lo kal ngai lo, inrem kan ngai, kan chhangchhia in hnawk" Timothy chuan lo ti deuh erh a, "I sawi ai ah kan lo kal khawp ang, kan vaiin kan lo kal dawn" David-a chuan ati ve leh pang* a, an ni pawh bike chuan an in khalhchhuak ve nghal a.
Motor in an tlan rei bawk nen in an kut chiah chu sofa ah chuan an thu nghal thlop hlom a, Timothy an inchhung zawng* alo tihfai tir tawh vangin in tihfai a ngai lo hlauh zawk a.
"Room ah I thil tur a awm, ka en rawh" Ben khawih zeuh pah chuan Timothy chuan ati a, phur deuhin Ben pawh chu a tlan nghal a, "Kar leh tangin Ben treatment pawh tan leh nghal tur, David-a pawh ka biak vek tawh kha, zan mut theih loh a ngah em mai, a khawngaih thlak lutuk" Brenda-i thenbawm hun that mawlh* pah chuan Timothy chuan ati a.
"I biak hma in min hrilh tur che nia" John chuan Timothy en chuan ati nang* a, "I duh nghal mai dawn si loa" Timothy chuan alo ti vat a "Duh nghal mai dawn lo e, hna pawh ila nei silo kei lah in ka thla leh tang chiah in hna ka zawm thei dawn bawk si" Timothy chu pawi tih hmel deuh hian a hmel chu a siam a, khang kum chhung zawng* a pawisa lakluh dan ala hrilh maih hleinem, John lahin a hotel harlh na hlir in a khawsa emo tiin a hna tawh alo zawt duh lo ve bawk nen, alo manghilh daih chu niin.
"Duat tihpalh lutuk" Brenda-i chu thenbawm ah chuan dahin John lam ava pan nghal a, "Ka lo manghilh palh alom" John chuan bangbo deuh hian alo en a, "Hotel ka hralh na man zat kha ka hrilh tawh che tiro?" tia a zawh chuan John chu alo bu nghat a, "Hmun thuma then a hmun khat chu sumdawn na liantham tak* ah ka invest leh nghal vek a" John chuan man loh hmel deuh hian alo en ha a, "Entir nan construction company te, printing te leh private company hrang* ah te ka invest hlom a, chuan chumi ka invest na zawng* te chuan ka buaipui ngai miah loin an hlawkna min pe ve tihna nih chu" atih chuan a harh uar* a, John hian Timothy hotel hralhna ringawt pawn kumkhua an inchawm thei tih a hria a, mahse chawm nih chu a duh miah lo, chuvanga an let hma tanga hna zawng kha ni reng a.
Timothy chuan uluk leh chipchiar em* chuan a sum invest dan te chu a hrilh vek a, a hlawkna cham zat tur engkim te chu a hrilh a, John chuan Timothy chu a en reng a, chuti em* a ringa a sum neih leh lakluh dan engkim zep awm map loa a hrilh te chu mak ati em* a, a rilru chuan engtin nge hetiang mihring hi a tawn theih tih a inzawt chamchi reng.
"Benjamin-a chu ava han rei em* ve a" John chuan an eitur lei te fridge chhunga rem luh malh* pah chuan ati a, "Khum ah uite te nen an mu" choka rawn luh pah chuan Timothy chuan a ti a, inbual zo chiah anih vangin a sam ala huh chep a, a kawnga towel a var a ven bak chu engmah in bel a nei lo.
"I chau awm sia kan ei chhuak mai dawn?" a hnung lam atang chuan John chu ava kuah a, "Ni khat na a eichhuah nghal ringawt chu ngai lo, hei siam tur ka en mek" alo ti ve vat a, Timothy an a kuah bet tlat vangin a che tha hleithei meuh lo chu ni, Brenda-i mu thaw chu a rawn tap nghal hawm* a, a te* e tilo chuan a awrawl a ring phian lehnghal a, "Ka va buaipui ang" tiin Timothy chu inla hrang vat a, a phei hma chuan "Dawhkan ah khan a hnute bur a awm kha aw" John chuan alo ti a.
Chaw an ei kham chu sofa ah John, Ben leh Timothy te chu thu in T.V an en a, an hmaah Brenda-in a toy ri thei chu chilthli tla duah* in alo ei ve mawlh* bawk a.
"Khi hlir khi mi min en pui dawn a?" John chuan T.V chu kawkin Ben chu a zawt a, "Immm" T.V la melh ran chuan Ben chuan a chhang a, sofa ah chuan a naute lem thar te chu an let teng tung hlom bawk a, "Nangchu Rider-a te ringawt itia" John chuan ati leh hram a, patling pumpa tawh tan chuan uite tawng thei en reng chu a ninawm ve duh dawn em asin, "Kha hei em rawh" tiin Timothy chuan a phone chu John a pe a, an inkara Ben thu ran chu a darah zuk kuah in a lam ah a beitir a, "I tan thei si" tia phun nuah* in John chuan phone chu en a.
Dar 8 velah chuan an door bell chu a rawn ri ral* a, tunge an nih hai rual lohin pawn lam thawm pawh a tha hle.
"Lo kal su ka ti mawlh* sia" Timothy chuan alo ti hluk a, John chuan thoi n kawngka ava hawn a.
Eitur lo khai bawr luah hian Cavin-a chu alo lut hmasa ber a, tumah pawh be lo chuan choka lam a pan nghal nal* a, midang pawh an lu sap* a, thu ru tih chawp ngai loin an duh na ah tak an mawng an hung nghal chat* hlom a, Duhzual chu Ben bulah tak chuan ava thu ve nghal chat a, "Iva lian tawh ve" tiin a chhaih chhunzawm nghal a, Marcus, David-a leh Caleb chuan Brenda-i chu an hual nghal laih* a, Timothy chuan ning leh tawh viau mai, vawin zan na na na hi chu an mahni te chauha awm kha alo thlahlel ve em a.
"Ava han duhawm em*" Brenda-i a hmuh vel ah Cavin-a chuan a rawn ti hluai a, a pawm nghal nawlh bawk "La daih kher lo la" midang chuan an lo ti ve nang* bawk a.
Tlai ah mu mahse naupang tih tak ah Ben chu meng rei tawh lo chuan a mutthlu thuai a, Timothy an room lam ah a mut phei a, Brenda-i pawh mut leh ei tih loh hna dang nei ve talo na na na chu Cavin-a chuan a awi mu vat a, ani pawh chu a u bulah khum ah Timothy chuan ava mut ve leh a.
Room atanga a chhuak chu naupang awm tawh lo tih tak ah an lo ri hak* hlom a, Timothy chuan "Benjamin-a saw a mut nghet lo teh mai nia, bengchheng vak su" thutfel hma* chuan ati nghal tawp a, "A chau em mai, a harh lo ang" John chuan alo ti ve bawk a.
Dar 11 a rik meuh chuan haw an in tin tuah hlom a, John an "Ala hma em hi" ati a, Timothy chuan pawi tih hmel deuh hian John chu melh a, pakhat lah chuan zawhna mitmeng deuh hian a lo en let ha a, David-a chuan ner nang hian, "Ka riah nghe* loh zawnga" ti hlak* a, "Kan kal tawh mai ang, kha* a mut a chhuah tawh hmel em mai" Cavin-a chuan alo ti ve bawk a, nui hak* chuan an haw hlom a, John chuan kawngka thleng ava thlah a.
"Ti khan tinge I awm kher a?" a let leh lam chuan ati a, Timothy chuan sofa ah chuan lo kuah thlu nghal in "Hei hi lom ka nghakhlel tawh chu" tiin a mit a chhing nghal vang* a, John awm ah chuan a hmai a phum than a, "Naupang chhia reuh lutuk mai" tiin Timothy tukhum sam chu a chul hliau* a, "Tia kan chhungkua te chiaha awm hi nuam ka ti" Timothy chuan ati sap a, 'kan chhungkua' atih khan John chhungah chuan eng emo ni hi a tek deuh chhak a, a thinphu chu a hma ai mah in a rang.
John chuan a hmaa Pu Lawma sawi te a ngaihtuah a Timothy hian a ril a rah a thisen ngei fa a nei ngai dawn lo tih te chu a ngaihtuah a, Pu Lawma sawi ang khan Timothy hmasawn na tur daltu lek ani em tih te chu a ngaihtuah a.
"Heyy!! Ka sawi chu engmah I hrelo mi" Timothy an a dar sawi meuha a rawn tih chuan a harh zawk a, "Mo?" ati ha a, chek tlak hian Timothy chuan "Ka be char* che lom, engnge I ngaihtuah a?" tiin a zawt a, John mitmeng te chu a zirchiang a, dik lo awm chu a hmu vat a.
"Tinge a?" a kut pahnih chuan John hmai tawn ve* chu a dawm a, "Engmah nilo" atih chuan "Dawt" Timothy chuan alo ti vat a, "Engmah zep tawh lo tur kan tih kha" atih chhunzawm a. John chuan Timothy an a vawnna kut chu lathla in nghet deuh chuan a vuan a, Timothy ngaih chu tha lo tual* a, "I hlim em?" ti chuan a zawt a, a thutak hmel lutuk chu Timothy chuan a hrethiam lo hle, "Hlim e, hlim lutuk ringawt tinge?" ti chuan a zawt let a.
"Ipa khan a sawi a, I hmasawnna daltu kan ni tiin" a tap titih dawn* mai, "Ipa sawi kha lo dik ta se, daltu mai* che lo ni ta ila, ti hian tun ah pawh kumkhua in I ril a rah I thisen ngei fa I nei daw-" a sawi lai laklawh lai chuan "A tawk" Timothy chuan a rawn ti ram hmarh a, a zawi nangin a nelawm loh hle, John a vawnna kut chu a la a, "I thilsawi kha sawi chhunzawm miah suh" ati leh hrak a, "Tih thinrim che ka tum miah lo ania" Timothy kut chu zuk vawn sak a han tum a, mahse alo duh miah lo, zawi te hian "Min ti thinrim lo, tun ah tak hi chuan min ti na takzet" ati sap a.
"Duat ka tihpalh ka tum ani lo ania" John chuan ati tiau a, a mittui a luang zung* mai, vawikhat mah Timothy hi tihnat nawn a duh tawh lo asin, mahse a tum miah lohin a tina leh thin bawksi, "Ka sawi tum zawk chu mo" Timothy kut chu a zuk vuan lui a, "Min tawn hma hian mipa dang zawng* ang bawkin suangtuah na I neih ka ring, nupui hmeltha tak leh chhungkaw hlimtak te" a sawi zo hman tawk ti ah chuan "I dik lo, I dik lo hulhual" Timothy chuan a rawn ti a, John lam chu a hawi a, engmah ruih nei silo chuan a mit chu a sen ram bawka.
"Ka tawn hma che kha chuang chhungkua din chu sawi loh nupui neih tumna pakhat pawh ka nei ngai lo" John chu zo tak hian a chawi lawp a, a lam hawi zawng chuan a mal ah a thuttir a, a lu chu John awm ah chuan nghatin hnuai lam a hawi a, "Ka pa vang khan chhungkaw din chakna pakhat pawh ka nei ngai lo, kan inchhung ah khan engkim a awm vek thin, sum leh eitur duhtawk hman leh ei sen loh khawpa tam a awm a, mahse a pawimawh ber hmangaih na a awm ngai lo, chhungkua angin chaw kan ei ho ngai lo a, ka pa tan chuan sum kha a pawimawh ber a, ka nu nen chuan in a bungrua pakhat ve chauh kan ni" alo dan ve tang* a mittui chu a far fep* a, "Khatianga chhungkua a seilian khan engtin nge chhungkaw awmzia ka hriat tehlul ang, ka awt ngai loa, neih tumna ka nei ngai hek lo, chhungkaw dinpui theih tur khawpa ka hmangaih ka la tawn loh vang te pawh niang" za lo deuh chuan a nui ro hak a, "Mahse ilo lang a, ka nun zawng* thawk leh khat ah I thlak danglam vek a, ka dawn leh a awm tih pawh ka hriat ngai miah loh hmangaih na min pe a, ka duh leh din ka lo tum ngai miah lo chu min awh tir a, I hria em Benjamin-a nen ka hmuh apiang cheu khan chhungkua ka lo awh leh mamawh zia ka hrechhuak ziah a, chuan tunah ka duh leh neih ka tum ngai miah loh fa pahnih duhawm em* mai min pe a, an pahnih hian ka nunna aiin ka hmangaih asin" John dar ah chuan vuan in "Tinge ka hmangaih na cheu hi I rin theih miah loh, nupui emo fa duh ni ilang chuan min kalsan lai khan ui vakvai in a neitu a zawn anga zawng lo cheu in ka nei em* ang" ati vin ta that a, "Eng chu nge ka la fiah ngai cheu a?" a ai vin mah chuan ati leh a, "Nge ka thinsen an nih loh vangin ka hmangaih theih loh I ring zawk ami?" rilru na tak chuan ati leh a, John chuan tap zawih* hian a lu a thing a.
"Chhuk rawh" ati chang fak a, John chu a chhuk mai loh vang chuan "Chhuk vat rawh" ati vin that a, khur deuh bap* hian John chu a chhuk a, "Mikhual room ah ka mu dawn ania" tiin Timothy chu a kal nghal vang* a, "Kha* ka tum ani lo asin" tiin John chu sofa ah chuan a tap hliam* a.
Mikhual room ah bathroom a awm loh miau vangin Timothy chu thoin bathroom lam pan tum chuan a kal a, room a hawng chuan John chu kawngka bulah chuan bang nghengin alo mutthlu a, Timothy chuan kalsan mai a han tum a, mahse a thei lo, John chu pawm in room lam bawk chu a panpui a, khum ah chuan dim deuh in a mut leh ta nge* a, kal a tum chuan a ban ah chuan John chuan alo vuan a, "Min kalsan suh" ati tiau a, a mittui chu a rawn hnam leh tiam* a, "Bathroom ah ka kal lawk dawn" atih pawh chuan a thlah duh lo, a vuan nghet zual ting emo tih tur ani, Timothy chu thaw hak a, John bulah chuan a zuk inhnawh leh ta nge* a.
A mutfel vel ah John chuan nghet tak hian alo kuah nghal chawih a, a hmai chu Timothy awm ah chuan a phum a, a t-shirt a huh dan ah a tap tih Timothy chuan a hrethei, "Ka thinrim tawh lo, tap tawh suh" tiin John chu a beng thek* a, John chuan alu thing in "Aih ka thiam loh vek ani, ka tina ngun tawh lutuk che, ka tihpalh, ka tihpalh lutuk" ati hliam* a, "Ka sawi tum loh ang in a rawn chhuak a, min kalsan suh aw, khawngaih in min kalsan suh" ati chamchi a, "Khawiah mah ka kal dawn lo, I awmna piang hi ka in anih hi" Timothy chuan ati dam diai a.
"I inngaihtuah ngut* thin vang hi nia, thil hi ngaihtuah vak* tawh suh, keimah leh naupang chiah ngaihtuah tawh rawh" atih chuan John chu alo bu nghat a, "Engmah min laksak lo a, ka neih a ka rin ngai loh engkim min pe vek zawk tih hi hre reng rawh, miin engpawh sawi mahse ka tan chuan nangni ai hlu hi engmah a awm lo, ka nunna te in nih hi" Timothy chuan ati a.
____________
A tuk zing ah chuan inchhung mamawh te lei turin an chhung chuan an chhuak a, Timothy chuan Brenda-i chu awrh a, a kut lehlam in Ben a kai bawk a, John hmahruai chu an zui det* hlom a.
Vishal ah choka thil vel ena an kal kual lai chuan Esther-i rawn lang hlol a, John a rawn biak chuan Timothy mit chu kham nghal ringawt.
"Lalhlimpui khawnge I awm daih a, ka mangan zia kha I hria em?" ati nghal hlawih* a, a hunga Timothy leh naupang te ding pawh chu a hmu ve chiah, John a hmu thut kha mak ati em a, khaw dang reng alo hawi lo ani.
"Ehe Timothy chu" ati hluai a, a nau awrh leh Ben a kaih te chu chiang tak hian a en a, mak ati tih a hmel atang chuan hai rual ani lo, "Nia, ka cousin bulah hna ka zuk thawk lawka" John chuan tha deuh chuan ati a, "I no daih a" ati fan raih a, a mit chu Timothy lak atang chuan ala la san chuang eih lo, "Kan cheng dun a, hei kan fanu Brenda-i nih hi" Timothy rin loh em* mai in John chuan a rawn ti a, Timothy mak tihna leh Esther-i mak tihna chu a inzat vel reng, "Kan I ti mi?" ti chuan a zawt a, "Aw, kan fanu" nui sang hian John chuan a chhang a, "Midang atangin pasal inei tawh tih ka lo hria a" atih chhunzawm nghal a, "Sawtah thildang kan lo va en ang aw" tiin Timothy chuan a kalsan a, a hlimzia chu sawi mai theih pawh nilo, rei vak lo an inbiak leh hnu ah Esi leh John pawh an kalhrang a.
Zan lam ah chuan naupang chu Cavin-a te ina dah in Timothy leh John chuan Timothy hotel hlui ngei mai ah chuan dinner ei chhuak turin an kal a, Timothy pawn hriat leh ngaihhlut alo la hlawh ngei mai, a chhawng chung ber ah chuan an lo hruai a, John chuan mak chutiang khera a ei chhuah pui chu mak ati deuh ani, restaurant pangai deuh pawh a awm tam si a.
A chhung an thleng chu John chu sawi mai tur hrelo hian a ngawi vang* a, Timothy chu a en leh ringawt thin a, a hruaitu waitress alo awm tawh lo.
Hotel chung ber zawl ah chuan tumah an lo awm loa, hauh lawk tih hriat takin mawi em* chuan alo inchei a, a lai ah chuan mi pahnih thutna tur tih hriat takin dawhkan bial te hi alo awm a, Timothy chuan kaiin a kal hnaih pui a, "A mawi lutuk" John chuan ati chhuak sap a, a hmun chu a en kual a, a rawn duh ber a var deuh vek hian an lo chei a, ribbon tamtak an hmang bawk, rose var chhiar sen loh in a hmun chu a luah khat a, "Timo- Timothy" ati bah deuh nawk* a, a en kual a zan alo ni bawk nen an zawna kawpui lo eng de sep* te chuan a hmun chu a timawi lehzual ani.
Timothy chu John hmaah chuan a khup pakhat in a thingthi a, John chu sawitur hrelo in a khawng vek tawh, eng nge thilthleng mek chu a hrechiang em ani, Timothy chuan a ipte tangin bawm te reuh te nalh leh changkang em* mai hi a rawn phawrh a, a mittui vangin John mit chu a phe deuh ruai a, Timothy chuan "Thu leh hla thiam ka ni loa ka thilsawi tur hi thil special leh danglam bik ani hek lo. I hlimna ka siam thiam loa, engtik lai pawn ka tinui in ka tilawm reng ang che tih ka tiam thei lo che a, kan inhau in kan inhmu thiam lo ngai lo ang tih pawh ka tiam thei hek lo che, mahse ka thih hma loh chuan engtik lai pawn I bulah ka awm reng ang tih erawh ka tiam thei ang che. I hlimna te, lungngaih na te, I thinrim na te, I lawmna te tawmpui tur che in engtik lai pawn I bulah ka awm reng ang, ka neih theih ngai miah loh tur min pe a, khawvel a hlimna awm zawng* hi pek che ka duh" bawm chu a hawng a, zungbun pahnih mawi em* mai, diamond ani tih hai rual loh chu a rawn eng set* a, "Min nei duh ngem?" tiin a zawt a, mittui nen John chuan lu alo nu nghat* a, "Aw, aw, duh lutukk" tiin Timothy chu a zuk kuah nghal ruai a, Timothy chuan zungbun chu John a buntir a, a pakhat dang chu John chuan Timothy a buntir ve nghal a, Timothy chuan John chu a hmuiah a fawp vang* a, John pawn alo chhanglet vat a, "Khawiah mah min kalsan thei tawh lo, ka bulah I tang tlat tawh ania" Timothy chuan ati sap a.
_______________________________________
A tawp kan thleng ve ta mai hi ka awih thei lo, ka lawm rual rual in engemo ni tak hian ka ruak riau mai.
Ka story min chhiar sak a min hlut saktu zawng zawng te chungah lawmthu ka sawi e.
Bonus chapter hi karleh ah ka rawn dah ang aw.