4k tlin lawmnan exam lai laiin rawn up leh zuks
_________________
2 years later,
"Pa ka kal aw" tiin kawngka bula tang chuan Ben chuan apa chu a bye lauh* a, "Fimkhur la aw, keimah anih loh pawn apate an alo lam che nga, midang tupawh lo kal se--" "Tuma bulah kal loh tur" tiin Ben chuan a tawp lam chu a lo sawipui a.
"Nitin school kal dawn apiangin in inhrilh a, a bel tawh viau ang" nui hak* chung chuan Matthew chuan a rawn ti a, "Kal vat* ang kan tlai dawn" tiin Ben chu a kai chhuak nghal rawk* a.
John room lam atang chuan naute tap thawm a rawn chhuak a, John kawngka kalh vatin "Aww, ka duat ka lo kal, apa lo kal dawn" tiin room lam chu pan vat a.
"A pa khan a u kha a thlah lawk a lom" naute then bawm atang chuan naute tap ruah* chu a la a, a dar a beitir in "Apa kha ilo ngai tawh mi" tiin a hnung ah a beng thek* a.
A bang mai loh vang chuan John chuan khum ah chuan dim te hian a mut a, naute chu en mai pawn a lo ber ah thla 3 vel awrh chauh ala niang tih tur ani. "I diaper thlak a ngai tawh niang a" tiin a diaper chu en sak a, a zung tih hriat tak hian alo puar deuh a, "Lawk aw, apa in diaper ava la lawk ang aw" tiin a tho a, naute khalh tur a pe a, khalh tur a neih tak ah chuan naute pawh chu a bang ve chawpchilh nghal a.
"Khawi le, ka lalfanu te hi a diaper kan thlak ang" tiin diaper chu a thlak a, a chhaih pah reng bawk a, mahnia fa lo en kawl seilian tawh tih tak ah a zei em* lehnghal.
Diaper te a thlak sak zawh chuan khum bul dawhkana naute bawnghnute in tur siam sa thlap lo awm chu laiin a hnek tira, mut duh tih tak ah minute 15 pawh a liam hma chuan a tui em* in a muhil lehnghal a, "I lian dawn anih hi, mut I duh em mai" tiin John chuan thenbawm ah bawk chuan ava dah leh a, "I u ai chuan enkawl I hahdam zawk" tiin nui sap hian naute mu lai en chuan ati a.
Khuma a phone dah chu va lak lahin a bawk nghal a, a kum bula amah, Timothy leh Ben thlalak fram lo inhung chu en vang* in, "Ka ngai lutuk che" ti sapin engtik lai pawha a kuma a dah thin Timothy jacket dum chu laiin a kuah vang* a, a rim chambang hriat tum chuan a hmai chu jacket ah chuan phumin a maimitchhing vang* a.
Kum thum liam ta a an sulhnu zawng* a ngaihtuah let a, a hlim lai zawng* a ngaihtuah let in ani nena an awmdun lai bak a mitthla ah a lang ngai lo.
A hmangaih kha engtin nge a awm hre miah loin Kum 3 chhung a awm a, pawn lamah chuan a hmangaih te tan dam leh tha takin lang a tum thin, hmaikawr vuahin a nui lui a, mahse tu man Kum 3 chhung ngawt chu a thinlung takin a nui a nui tawh lo tih an hre silo. A taka chak nan chuan chaw a ei ngei mai mahse eng ei tur mahin a chhungril ruak chu a hnawhkhat zo si lo.
Pawn lama hmu tu tan chuan mi pangai leh tha tak, hlim thei tak ani mahna mahse tuman zan a, ri chhuah ngam loa a tah na te an hriatpui lo, Kum thum chhung a a rilru natna leh a thinlung keh chhiatna te an hmuhpui lo, chaw a ei leh mut dawn apiang in a hmangaih a ngaihtuah chhuak a a inthaim lohna te an hriatpui silo.
An karah mel tam tak awm in Kum tamtak inhmu tawh lo mahse a rim te, a nui ri leh a nui hmel te kha chiang takin ala hria, in hlat hle mahse second khat pawh a theihnghilh ngai lo a, rei tak inhmu tawh lo mahse a mitmeng zun nei leh pa zet te kha zantin a mang lam ah ala hmu thin, zan a mut na ah blanket lum ber* sin in intih lum tum engang thin mahse engmah chuan ati lum zo ngai lo,a aw tham leh pa taka a hmangaih thu a fah ri te chu a beng ah ala cham vang* thin.
Khuanu pawh hi a rawng ani, mi pahnih te chu a intawng tir a, an kara ah sawithaim theih miah loh hmangaih a siam a, hun hlimawm tak* hmangin sulhnu theihnghilh theih tawh reng* lo tur a siamsak a, mahse a tawp ah chuan in hmangaih em* chung siin a then hrang leh si a, na em* leh in mamawh tawn ngawih* in a siam a, sulhnu chhui in hlimna tur an zawng a, mahse an hlimpui leh nuihpui thin khan tahna leh lungngaihna chiah a thlen bawksi.
______________
"Ka birthday ah em te chuan hahdam takin awm teh, I bestfriend ka nih hi" David chuan Timothy single sofa a a thu chu whiskey no zuk pek tum pah hian ati a, "Ka duh lo" tiin dawhkana tui bottle inhung chu a la a.
Whiskey no tlak pawp pah hian a bul sofa ah chuan David chu a thu thla ve nghal a, "Engmah I ei lo nia aw, eng emo ni tal va ei teh" tlema thutak zawk chuan David-a chuan ati a, "Ka ril tam lo lom" tia a chhan chuan David-a chuan thaw hakin a thianpa chu a en a, a rilru a na ni. Rilru chu sawi loh taksa ah pawh Timothy chuan a hma a tluk pha tawh lo hrim* , hriat tham khawpin a cher tawh a, dam lo ang maiin a dang thei em* a, dark circles lah neih loh lai a nei lo, motor khalh kual reng* a nung anih vangin kawng na a nei thin bawka, a hma atih ngai reng* lohin hmuihmul a zuah bawk a, a chang chuan duh lo viau mahse David hian John te hi a dem ve lek* thin hial.
Duhzuala chuan tv chu hmet kual char* a, tuman an en pui thei lo, channel khat minute thum vel a en a, midang in an en tui dawn chauh tiin a hmetsan zel bawksi, a tih dan ve hrim* anih vangin tuman hauh pawh an tum tawh lo, an awmkhawm piangin remote chuh hmasa ber* ah ala tang ziah lehnghal. "Pakhat kha em ve mai* la, I hmet phe char* a, kha vang kha nih kha kan remote battery pawh a zawh zung*" a sir atang chuan Hruaizela chuan a rawn ti a, pakhat lah chuan ngaihsak der lo, "Ti reng si hian engtin nge in khatah in chen theih le?" Marcus-a chuan an pahnih en tawn zuk* pah chuan ati a, Caleb leh Cavin en chuan "In ah tiang reng tho hi mi?" tiin a zawt a, "An in hmangaih lutuk in hrelo nih kha" fiamthu tak chuan Cavin-a chuan a rawn ti a, "Dawheh!!" Hruaizela leh Duhzuala chuan a sawi zawh velah chuan an rawn ti rual nghal a.
Phun nuap* chuan Duhzuala chuan tv chu a hmet kual a, Hruaizela lo phun reng bawk nen vai chan chin thar channel pakhat ah chuan a tawp ve thei hram a, en pawh en chuang lo chuan phone a khawih san a, remote lah chuan pawm deuh tlat bawk a.
"Ee, an va khawngaih thlak ve a, teh khi electric kal sual vangin building a kang ania" Caleb chuan Hruaizela chu TV en ve tur chuan ati a, Hruaizela pawn en nghal vat a, "Bangalore mo khi*?" tiin Caleb-a chu zawt a, ani pawn TV en chung chuan alu alo bu a.
"Building lah chu a lian sia ava uiawm ve, thi te an awm em?" tiin David-a chuan a zawt a, "Kan hre bik lo, kan hriat chin a inang vek!" Marcus-a chuan alo ti hluk a, an vai chuan TV chu an en a an sawi nasa bawk nen Timothy pawh chuan a en ve kar a.
Reporter hmeichhe pakhat chuan report te chu a pe mawlh* a, building vel te chu an han kal kual deuh a, tv an en thap lai chuan Timothy chuan ding hluai hian "Ka hmu" ring deuh chuan ati a, en ngai en tlut* an lo ni hlom bawk nen phawk hra chuan Timothy chu an en hlom a.
"Engmo I hmuh!! Min ti phu lom mola" David an a tih na chu hre lo ang hmak hian "Lalhlimpuia! Lalhlimpuia ni chiang lutuk" ati leh chul a, tv lam an en chuan reporter chu alo kalsan leh tawh bawk si, Timothy chu thinrim zet hian a chek hlak a,amah chu a buai deuh vek ani ber, midang chuan ngawi reng hian an en, a thusawi chu an awih vak lo tih an hmel ah a lang thei "Bro, I hmu sual niang, kan en vek a, tuman kan hmu ve lo" atih chuan vin tak hian "Reporter chiah in en kha engtin nge in hmuh ang" ati hlar, tv channel anih vangin a rewind theih bawk si loh.
"Building khi engtik ah nge a kan" hawi kual chuan midang chu a zawt a, "Nimin lawk" Caleb chuan alo ti vat a, "Khimi news report khi internet ah zawng ru, ka hmu tih ka chiang lutuk" tiin a thu a, a phone chu phawrhin YouTube lam ah a en vat a.
Midang chu an in en kual hrek* hlom a, David-a chuan mitmei hian en tur chuan ati a, amah pawh chuan a en ve nghal a, dik tak chuan amah ngei pawh chuan Timothy thusawi chu a ring lo, a mu tha lo nen a mitvai hmuh mai* anih a ring, Timothy lung dam nan hrim* ati ani.
Minute 10 vel chu mahni phone ah theuh chuan an bur chat hlom a, tumah chu inbiak pawh an inbe lo. Ngawi thap a phone an en lai chuan Hruaizela chu ding thut a, "Ka hmu! Ka hmu!!" a rawn ti hluai a, chu velah Timothy chuan a phone chu dah chawrh hian Hruaizela chu va pan a, a phone chu ava chhuh nghal a, nachin lawka an report en ngei kha ani a, Timothy an a hmuh na ngei mai kha, mahse Timothy an a hmuh dan nen kha chuan a angle an lak dan a dang deuh thung.
Reporter hmeichhia sirah chuan John kal lai hi second li vel lek te hi a rawn lang a, mahse inchhunga awm tupawh mai tan chuan second li lek pawh chu amah ngei ani tih hriat nan a tawk em* ani.
"A tawp a tawp ah chuan" Timothy chuan ati sap a, kum 3 chhung ngawta a hlim hmel tuman an hmuh tawh ngai miah loh chu a rawn pu a, midang pawh chuan hlim hmel an pu sarh a, mahse chu hlim hmel chu John an hmu an lawm ai mah Timothy mawlh chu an lamwpui ani. John an hmu an lawm lo ani loa, mahse khang hun chhung zawng* a Timothy tuarna zawng* te hriatpui tu an ni a, an lawmpui em ani.
"Ka kal dawn" tiin Timothy chu chhuah mai a tum a, David-a chuan lo pawt ding in "Tun ah mo I kal dawn" alo ti hu a, "Nih mai lohin airport ah ticket chu awm mai ang" Timothy chuan alo ti a, a hmanhmawh hmel tak zet. "Bangalore airport ah ka cousin police duty an awm asin" Caleb chuan a rawn ti a, "A pui thei hrim* ang che, a fel lutuk, Kum 5 lai chu Bangalore ah a awm tawh lom" ati zung* a, "Phone rawh" Hruaizel an atih chuan Caleb pawh chuan a call vat a, an chanchin tlangpui chu a sawi a, mahse Timothy leh John chungchang erawh a sawi lang lem lo, a hmanhmawh thlak thu erawh a sawi chamchi thung.
A biak zawh chuan nui sang hian Timothy chu en a, "Airport ah alo hmuak ang che, chuan John pawh chu ka lo zawnpui ang ati nih chu, a phone number kha ka lo thawn ang che, airport I thlen velah I be nghal dawn nia" ati a.
"Ka lawm lutuk aw, ka lawm lutuk tak'. Ka thlen velah chanchin ka rawn hrilh nghal ang cheu". "Tunah tut* ami i kal dawn?" tia David an a zawh chuan "Aw tunah ka kal nghal dawn" tiin a jacket vel te chu a la a, "Ka lo kal ve ang" Hruaizel an alo tih chuan "Aih keimah in ka kal dawn, ka thlen hunah chanchin ka lo hrilh ang cheu" tiin a chhuak a. "Ka van lawmpui tak" a chhuah hnu chuan David-a chuan kawngka en chuan ati vang' a.
Khawiah peng kawi tawh lo chuan Timothy chuan Lengpui airport lam chu taxi in a pan nghal a, a car pawh David-a in ah a dah tawp a, a ngaihsak hman tawh lo. A then chuan duty ho chu a bia a, a hmanhmawh thlak thu leh emergency anga a sawi vangin ticket chu an lo pe nghal a, pawsa erawh a chawi tam ve hret thung.
Bangalore airport a thlen chuan Caleb sawi ang ngeiin a cousin chu a hmu ngeia, alo fel phian a engmah a tih ngai loin a hotel thlen na tur te alo buaipui sak a, bike a hawh pui bawk a, Timothy tan chuan lawmawm tak ani.
A ni li na zingkar ah chuan police te chuan Ben school kalna leh an chenna an hriat tawh thu chu an rawn sawi a.Caleb-a cousin pawh chuan "Kan vannei zawk a, Bangalore ang te hi chu a zau a, han inzawn tawp hi thil harsa leh buaithlak deuh mai nia, kan vannei anih hi" alo ti ve a.
A zing la' ah chuan Timothy chu a kal nghal a, a hotel thlenna tangin a hla zeka bike pawn darkar 1 zen zawn a tlan a, a kawng tlanna than alo ni bawk lo nen a bo ve nawk mai.
A bike a chuang chung hian a sir atang chuan John te chenna chu a en kar a, ta se ti ah a buai ani. 'Lo dik lo ta se' tih ngawt chuan a rilru a luah a, a lut mai thei lo. Kum 3 chhung khan in tamtak leh khaw tamtak a kal thlawn tawh a, beiseina a neih san rual* in a beiseina te chu a tham ral leh mai a hlau ani.
A inngaihtuah buai lai chuan kawngka atang chuan mi ala hmuh ngai reng' loh hian Ben hi a rawn kai chhuak a, Timothy an a Ben a hmuh chuan a tak ngei ani tih chian nan a mit a khap nawn a khap nawn a, a lawm vangin a mittui hial a tla, "Ka junior, a tawp a tawp ah chuan" ati sap a, pan mai a zuk tum chuan a bike atang chuan a chhuk a, mahse a thil hmuh leh vang chuan a ding chiang kher mai, Kum 3 lai engdang mah ngaihtuah thei lo khawpa khawi hmunah pawh a zawn mihring ngei chu a rawn chhuak a, Ben bula Matthew ding chu box pakhat hi nui sang in a pe a, thil engemo a sawi tih hriat takin a hmui chu a phun a, mahse a hlat deuh vangin engnge a sawi erawh a hre pha lo, a pek hnu chuan Ben leh Matthew chu car ah chuan lut an tlan chhuak a, John pawh inchhung lam a pan leh a.
John pov,
Sofa ka thu thla chiah tih ah chuan kawngka chu a rawn ri leh nghal a, "Thil theihnghilh an la nei cheu ami a?" tiin ka tho a, "Theihnghilh in la nei mi?" tih pahin kawngka chu ka hawng a.
Ka hmaa ding ka hmu chiah chu ka khawng veka ka che thei tawh lo hrim*, ka inrin hma hauhin ka mittui a rawn tla a, khang hun zawng* chhunga ka mang lam ah tal hmuh ka chak em* thin, a taksa lum ka lo thlakhlelh em* thin, ka hmangaih em* kha ka hma ngei ah a ding ani, ka muang chu ani em silo.
"Biruk chu ilo thiam khawp mai" ati sap a, kha aw ka ngaih leh thlakhlelh zia kha in hrethiam pha lo zawk ang, ka chhang thei lo ka khawng vek, an ka tum a, mahse ka ka takngial pawh ka control thei lo, amah chu ka han en chho a,a mit chu a huh deuh chap in ka hre lehnghal, "Tunge kha pa kha?" a ti thum leh kharh a, a aw chu a nelawm loh a, a lungawi hmel viau lo bawk.
_______________________________________
Exam zawh hma ka up tawp ber tak tak tawh tur ani e.