Character reveal hi hemi chapter hma chiah hian ka nei aw guysð
________________
Author pov,
"Nimin tang kha ka call a pic thei miah loa, lo biak tum ve chhin teh, Marcus-a nen te khan an lo inbia mial em?" meeting room lian leh changkang tak ah chuan Timothy chiah chu awm tawh a, rilru hah hmel zet chuan a thu reng a, a leh lam ah chuan David-a chuan "An inbia nge be lo ka lo zawt dawn ang, mahse kumthar ni tang kha chuan an la inbiak vak awm chu ka hrelo a" tiin a chhang a, "Tunah khan zawt la, chanchin min rawn hrilh leh nghal rawh" thupe aw taka a tih zawh chuan call chu a cut nghal a.
David-a pawh chuan thildang ti hmasa lo chuan Marcus-a chu a call vat a, ring pawh a ring rei lo, "Amor John hi I ve tlang thei em?" thildang engmah sawi hmasa lo chuan ati a, ani pawh a ngaih chu a tha chiah lo ani.
Nimin kha Ben treatment neih ni ania mahse an kal loa, David pawn vawi hnih chu call chhin ngei a, lak chu sawi loh tlang pawh a tlang loa, mahse ngaihthat loh nachang pawh a hrelo kha nia.
Timothy-an khatia a rawn tih tak ah chuan a ngaih a thalo ve ani, mahse Timothy hnen ah erawh engmah a sawi lo a, a rilru hah sa tihhah belh kha a duh lo ani.
"Kar hmasa kha chuan kan la inbe ngei mai a" Marcus chuan a rawn ti fan raih a, "Tinge?" tiin David chu a zawt leh a, "Nimin kha Ben treatment neih ni nia an lo kal loa, a call tlang theih bawk silo a, Timothy pawn a call tlang thei loa, a mangang deuh a" tiin tha deuh chuan a chhang a, "Ava mak ve Ben chungchang anih chuan a ngaihthah lo tawp ang, ka lo call ve chhin ang, a lak theih loh leh college ban ah an inah ka va peng lawk mai ang, alo damlo te pawh ni thei a" alo ti vat a, "Ka dah aw" atih chuan David-a chuan "Ka hmangaih che" ati hram a.
Tlai college ban ah chuan a call tlang theih loh vang in Marcus-a chu John te in lamah chuan a peng a, Cavin-a leh Hruaizela pawn an lo be tlang thei biklo tih a hriat chuan a ngaih a tha zan loa, a chhan chu John kher hi chuan call lak theih loh tihvel a nei ngai lo tlat ani.
An in lo inkalh thiap a hmuh chuan in leh a chhehvel te chu an hawi kual leh phawt a, a chhan ring lem lo tak chuan John chu a call leh a, lak chu sawi loh call chu tlang pawh a tlang thei lo. Dawr ah an kal aniang tiin in kawt ah chuan a nghak reng a, mahse minutes 20 dawn a nghah hnu pawh chuan an rawn lang thei chuang lo.
A nghah beidawn thak hnu chuan an thenawm te in ah chuan ava lut ve rawih a, an kalna an hriat leh hriat loh te ava zawt a, an nu berin, "Nimin piah khan an in san chhuak tawh a" alo tih chuan Marcus chuan awih lo zet hian, "I hresual aniang tumah min hrilh loin a insan ngawt lo ang" ati ve tang* a, "Ani lom. Bungrua an thiar lai te pawn ka va kal ve lom, nimin piah khan an chhuak tawh" ati ve tlat bawksi.
Marcus chuan a awih loh em avang chuan John te inchung an in neitu te inah chuan han kalin a zawt a, "Nimin khan an insan fel chiah a, tun thla pawh inluah man a chanve an pe lom" alo ti a, Marcus chuan chhan ngaihna pawh a hrelo, chutiangin John in an inkawm chhung zawng khan vawikhat mah ala ti ngai lo, a awih thei lo mahse thleng tlat bawksi.
Mi inkawt a a din reng lai chuan a phone a rawn ri a, Love â¡ tih a hmuh chuan a la vat a, chanchin te a hrilh chuan rang a in lam pan turin a ti a.
Marcus a thleng ve meuh chuan an lo kim thap tawh a, an hmel ah ringawt pawh zawhna tam tak an nei tih a hriat theih, mahse a tumah chuan an zawhna chhanna an nei silo.
"Timo an min lo call a, tlai leh naktuk a meeting a cancel a, darkar hnih velah alo thleng ang" David chuan ati a, "In an chhuahsan tih I hrilh em?" tiin Marcus chuan alo zawt vat a, "Hrilh lo, kan inbiak lai pawn a hlauthawng tawh lutuk a, ka sawi thei thlot lo" David chuan rilru hah hmel tak chuan ati a, a lu dawn leh vang* thin a, Hruaizela lah a sir atangin a rawn thaw leh hak thin.
"Chhan awmlo chuan ati miah lo ang, eng emo ni a awm ang, chhan awmlo nise tiang hian a bo tawp lo ang" Cavin-a chuan ati a, a sawi zawh chuan amah chu a bu nghat a, midang a hrilh ai mah chuan amah leh amah chu a inhrilh a ang mah zawk ani.
"A chhan chu engpawh nise, Timothy ber hi engtin nge kan hrilh a nga" David-a chuan a thianpa ngaihtuah tak chuan a rawn ti a, "A na dawn lutuk" Marcus chuan zawi sap chuan a rawn ti ve a.
"Social media emo email vel ah te biak theih dan a awm em?" Caleb an a sira tanga a rawn tih chuan, "A media account zawng* a bo vek" Hruaizela chuan a rawn ti a, "A hna thawhna te pawh ka call a, tun kum ah vawikhat mah ala kal lo, nikum khan banna a theuhfel vek tawh" Hruaizela chuan inhumruh teuh chuan a rawn ti a.
"Timothy ber hi engtin nge kan hrilh dawn" Marcus chuan a rawn ti leh a, a tu mah chuan chhan ngaihna an hre tawh lo.
Timothy pov,
Vawin tlai leh naktuka ka meetings neih tur la awm pahnih te chu second thought pawh hmang loin David an a biak tlang theih lo tih min rawn hrilh khan ka cancel nghal a, ka tan mai pawh niloin hotel tan lost nasa tak ani, a tlem ber ah a pahnih ah khan nuai 20 vel chu ka chan ka ring, mahse enga tan mah ka tilo, pawisa ai hlu leh a leta ngaihhlut zawk ka nei tlat.
Rilru hah leh buai tawh nak alaiin eng class ah mah* thlawhna seat ruak ka hmu lo, seat awm thei leh hmasa ber chu zing dar 2 ani dah a, nghak hman ka ni lo, Delhi lama ka hmelhriat tha te a hma thei ang bera chopper rawn tir turin ka be nghal sawk* a, thlawhna pangai aiin ka thleng hma dawna a zia hlauh e.
Mi tam tak chuan phone tlang theih loh vang ringawt a heti em* a chet chu overreact min ti maithei mahse ka chhungril ah hian eng emo dik lo a awm, nidang a ka neih ngai miah loh in ka hlauthawng em* a, thilthalo thleng tur hre lawk ang mai ka ni, ka thlamuang thei lo, Mizoram lama kan thiante talin be tlang thei se chu thuhran mahse an thei bawk silo, engmah ti loa thu mai* thei ka ni lo, ka hmuh vat a ngai.
Mizoram kan thlen vel chuan ka secretary koin ka bungrua pawh buaipui lo chuan taxi in John te in lam ka pan nghal a, ka thlen chuan ka hlauh ruk ang ngeiin alo inkalh thiap a, ka phone phawrh in John chu vawin ringawt ah pawh a vawi tamtak nan ka call leh az mahse tlang pawh a tlang lo, ka mangang tawh takzet, David-a chu ka call leh nghal a, ani erawh chu ka call lo chang ang hrim hian a vawihnih ring na ah a la nghal a, John te in kawt ah ka awm tih leh a inkalh tih ka sawi chuan rang thei ang bera a in lama kal turin min ti a, keipawh chu ka kal ve nghal a.
In ka luh rual* chuan engmah sawi hmasa loin "Khawnge an awm?" ka ti nghal thawr a, a sitting room leh chawka te chu ka hawikual a, midang zawng* an kim vek anni pahnih tih chauh loh chu.
"Timo thu phawt teh" tia dam diai a David an min tih chuan a hmel chu ka en reng a, a mitmeng ah chuan ka chhiar thiam miah loh eng emo ni tak hi a awm a, mahse thil tha ani lo tih chu ka hria, midang ka en kual a David an min en ang tho chuan min lo en kar hlom a, mahse Caleb-a mit ah erawh chuan ka thil duh loh ber mai min khawngaih na ka hmu ta tlat, engnge awmzia ka hre lo, mahse ka hriat chhun chu he room a awm zawng* hian ka hriat loh hriat an nei tih hi ani.
"Ka thu dawn lo, khawnge an awm a, Ben a zual leh tawh mi?" tiin mangang tak chuan ka zawt a, David-a chu a ang zuau* a, mahse a chip leh thin a, "Zawnga sawi vat* rawh" vin angreng tak chuan ka lo ti a.
A sawi mai theih loh vang chuan Hruaizela chuan rawn dingin, "An bo" a ti ringawt a, "Engnge awmzia, tute mo?" awki ngai tho chuan ka lo chhang a, "John leh Ben, hnu engmah chhui tur awm loin an bo hmak, in atangin an chhuak a, nikum kum tawp khan John a hna tangin alo bang bawk a, in luah man pawh tun thla a chanve chiah an pe" en pawh min en lo chuan ati a.
Author pov,
Timothy awih lo lutuk chu Hruaizela leh midang chu en in "Chutiang infiam na chi pawh nilo" ati hluk a, mahse an hmel te chu a en a tu amah hmel ah chuan uang emo fiam hmel a awm lo, Cavin phei chu a thlen tirh atang khan ala tawng ve lo hrim* a, a sir ah ngawi rengin a thu ringawt mai ni.
Rei fe hnu ah Timothy chuan "Ani lo, chutiang ani lo ang" tiin a lu chu a thing a, a phone phawrh vatin a secretary chu a call nghal a, a lak vel ah chuan "Tun ah John leh Ben awmna zawng vat rawh" hmanhmawh zet chuan ati a, a secretary chhana pawh chu ngaihthla lo chuan phone chu a dah nghal a, tu ma kohna leh biakna pawh chu ngaihthla loin in chu a chhuahsan a.
A in lam panin a car ava la a, a car khalh lai chuan a secretary bawk chuan a rawn call a, "Sir, an awmna kan hre thei lo mahse in kha chu nimin piah khan an chhuahsan tawh ngei a, John pawh nikum khan a hna a bang bawk a, school atangin Ben T.C (transfer certificate) pawh an la fel vek tawh" a rawn ti nghal mawp* a, a sawi zawh Timothy chuan steering wheel chu a vuan nghet sauh a, "Zawng vek rawh u, nimin piah tanga vawin thleng thlawhna thlawk chhuak zawng* kha check vek rawh u, an hmingin ticket book awm ngei* ang" thinrim tak chuan ati a, a hotel din tirh atanga a secretary lo ni thin ngei pawh chu tiang em* a a thinrim chu ala hre ngai lo.
"Lalhlimpui lo hre rawh, ka hmuh hunah che chuan I chak lo ang, ka thlung bet dawn che lom" tih pah chuan thinrim takin a car steering wheel chu a chum a, "Ani tak* lo tiro, min kalsan lo a theih loh hrim*, mumang mai* anih hi, ka harh chhuah a ngai" steering wheel a a lu va nghah pah chuan ati leh a.
John te in lam ah bawk chuan ava inkhalh phei leh a, a rilru chuan alo let dawn lo tih a hria a, mahse a thinlung erawh chuan a lo let leh a beisei tlat thung si, a thiante tangin call tamtak a dawng zung* a, mahse a chhang lo, a secretary in chanchin alo sawi chu a car atang chuan alo nghat tawp mai ni.
Awih a duh loa a, thil thleng zawng* chu pawm har ati, mahse amah ngei pawh chuan nikum atang deih tawh in John chuvkalbo tumin alo in inbuatsaih tawh tih chu a hria, "Ngatinge?" tih chu amah leh amah a inzawt nawn tlut* a, chhanna a hmu silo, "A chhan tal ka duh, tiang hian min ti ngawt thei lo ania" ati leh sap a, a inrin hma hauhin a mittui a rawn far a, "In tel lo chuan ka bo ania, khawi ah nge ka haw ang, in awm loh chuan khawnge ka in ka tih ang, khawngaih takin lo kir leh rawh. Khawngaih in khawngaih takin, ka bo ania" a mittui chu a tla zung* a, a vawihnih nan John chuan Timothy an a tawrh theih phak bak chuan a tina leh ta.
"Nu, khawngaih takin ka bul ah lo hruai let leh rawh, a tawp nan chu chiah chu ka dil ang che, khawngaih in lo hruai let leh rawh" ti chuan a nu chu a car chhung atang chuan a dil ngawih* a.
A secretary atang call a dawn chuan a la a, "In hmu mi?" ati nghal vat a, "Ka tihpalh" ati dek* chu Timothy chuan "In hmuh hma chu rawn call tawh suh u" tiin alo vin a, dah mai a tum chu a secretary chuan, "Sir mahse thuthar hriat kan nei" atih chuan Timothy chuan a beng chu alo chhi ran a, "John number chu hman ni tawh loin a thi tawp tawh a, mahse a call logs leh message vel te kan hack thei hlauh a, chuan" a sawi hreh deuh avang chuan a ngawi vang* a, Timothy dawhthei lo chuan "Hmanhmawh rawh" alo ti hlar a, a secretary chuan chhunzawm in, "Vawi eng emo zat chu I pa in a bia a" ati fan raih a, Timothy an engmah a rawn sawi tak loh ah chuan chhunzawm vat in "I pa khan alo be thin a, a vo deuh reuh ni berin a lang, mahse ka tih tur anih loh avang in an chat hi ka en zo loa, ka rawn thawn nghal ang che" tiin a dah a, a phone message tone a rawn rik chuan ngawi rengin Timothy chuan a en a.
A pa in John alo va biak na zawng* chu a chhiar a, a message tam zawk chu John chuan a chhang ngai lo, a chhan ve chhun ah pawh 'hun min pe rawh' tih bak ani ngai lo, mahse Pa Lawma chuan kumthar ni atang phei chuan ni khat dan ah tal ava be thin a, Ben hmanga a vo a hmuh phei chuan Timothy chu a sa chhuak vek hi ani ber, a fapa a thisen ang chiaha a hmangaih leh enkawl ani miau ani.
Timothy an John a hmangaih leh zah em* nachhan pakhat chu John in engthil dang zawng aia a fapa a hmangaih na hi ani a, chuvang chuan tah kher* hi chuan a dem vek thei bik lo tih a hria, mahse chuti chung chuan apa in alo tihdan leh vo dan zawng* heti chen alo zep chu a thin a rim in a na ngawih*, a harsatna thlen na tan ring zo lo ah a ngai a, an pahnih veng him zo lo ah John chuan a ngai tih chu Timothy rin dan ani.
A leh lam ah khawvela a chhungkaw neihchhun tak meuh* in a khawvel a hlimna awmchhun a laksak chu na ati in a thinrim a rim zual a, apa nen inngaih ngai miah lo mahse heti hian a tih a ring lo, naupang nunna hmanga mi a vo tih a hriat ngat phei chuan na tak ani.
Thinrim tak chuan apa in lam ah a inkhalh a, a nu boral atangin a kal leh na hmasa ber ani nghe*.
A thlen chuan awmpui te chuan an lo chhawn vat a, apa a awm loh thu an sawi chuan "Ka lo nghak ang" tiin apa office lam a pan nghal a, awmpui mipa pakhat "A awmloh lai chuan tuma luh a duh loa" tia dan alo tum chuan "I hna ila chhunzawm duh anih chuan kalsan rawh" rum tak mai chuan alo tih khum a, chupa pawh chuan engmah a sawi belh ngam ta bik lo.
Thil zawng tih hriat tak hian room chu a theihtawp in a hai a, dawhkana engmah a hmuh loh avang chuan hmun dang chu a hai kual a, a lehkhabu dahna bookshelf a hai lai chuan envelope pakhat hi a hmu a, a hawng chuan chu envelope chu John leh Ben thlalak hlirin hian alo khat a, ama lanna ngei pawh a awm nual bawk, "A dik tak* ani mo, hetiang em tur chuan ka lo ring lo che sin" tiin thlalak ho chu a en tlawk* a.
Pu Lawma leh a secretary chu hmanhmawh takin room ah chuan ano lut a, room chhung hnawk nuai leh Timothy thil lo ken avang chuan Pu Lawma chuan thil thleng chu hrethiam vat in a secretary hnen ah chuan chhuak turin thu a pe a.
A chhuah vel ah chuan Pu Lawma chuan pan hnai in "I tana tha tur anih kha" ati nghal a, "Ka tana tha tur anih na pakhat mah a awm lo, I thil tih hi I hria em?" vin mangkheng chuan Timothy chuan ati a, tunah tak hi chuan apa anih ang ni loin a hmangaih lak bo saktu ang in ani a biak.
"I theihnghilh vat mai ang" atih chuan Timothy chuan nui hul hak hian, "Nang ang ka ni lo, ka mi hmangaih chu ka theihnghilh ring suh" ati a.
"Tian ti lo pawh ni ila I kalsan ala ngai dawn tho* ti hian a tha zawk ah ngai rawh" ati dam thlap a.
Timothy chuan thinrim tak hian, "Hre rawh, ka zawng hmu dawn, ka nun pum pawh hman ngai se ka hmang mai ang. Him taka an awm nan tawngtai char* ang che, hliam chhete pawh an nei anih vaih chuan he khawvela min lo lalut kha I inchhir ngawih* ang" ati a.
"Timothy Lalhriatpui, zak rawh mipa anih chu thuhran fa nei tawh pathlawi anih kha" apa chuan a rawn ti a, a awki pawh a ring tawh khawp mai.
"Chu thil chu ngaipawimawh ni ila bul ka tanpui lo ang, ka hmangaih a, a fapa pawh ka hmangaih a,chu* a tawk viau ani"
"Hmangaihna ani lo, duhna mai* anih kha. I anpui I hmangaih thei lo, chu* hre rawh, ka fapa inih chhung chuan a theih loh" a rawn tih chuan Timothy chuan, "I fapa nih hi chakna pakhat mah ka nei lo, ka nun atang hian bo la keipawh ka bo vang* ang" ati a "Ka zawng dawn ka hmuh hma loh chu ka zawng ang, chuan hre rawh he inchhung hi vawikhat pawh ka rawn rap leh tawh lo ang" tiin a chhunzawm a, a chhuak a, a hnung ah apa chuan a thinrim takin a rawn ko lawm* a, mahse chhan chu sawi loh vawikhat pawh a hawi let tawh lo.
_______________________________________
Ka chau zo.