Kum tam tak hnu ahðð
__________________
Timothy pov,
Mizoram ka haw leh tangin ni 2 lai a liam leh tawh a, ka haw vel ah John te in lam ka lut nghal a ka in ah tak phei chuan luh pawh ka la lut lem lo.
Sawi lo mahse John hian rilru hahna eng emo tak a nei in ka hria, ka zawt chhin tawh a, mahse engmah chu a sawi miah lo mahse eng emo ni tak a awm ani. Biak mawlh* lai te hian alo in ngaihtuah leh vung* zel a, a rilru hi a hman nasat hmel em* thin bawk, bakah hma ai zawngin a chauh hmel bawk in ka hria.
"Naktuk chu Ben va kalpui ve ila" chawka a a eirawng bawl lai chu a hnung atangin ka va kuah a, Ben in setting room a phone a khawih vangin a rawn luh ka ring lo bawk.
"Aaa, ka hrelo. Ka nuam lutuk loa" tiin ka lam a rawn hawi a, a chauh hmel takzet, tianga hmuh hi hrehawm ka ti, a hna chu kum tawp chawlh a nih tawh vangin a chawl tawh a, ka zin chhung khan eng em* nge alo tih ni, pha char* mahse dik lohna emo rilru hahna eng emo tak chu a nei tih ka hria.
"Ummm, pawilo duh leh keimah pawn ka va kalpui mai ang, a sawi ve char* bawksia" a chala kiss chung chuan ka ti a, a lo nui ve suk a. Naktuk hi no vehicle zone ni ang kha nia, ka lo tum ruk dan tak phei chuan kan pathum in kal ila ka lo tia mahse John nuam lo chung hi chu hruai luih ka tum lo, awmpui pawh ka duh viau a, mahse Ben hian December thla tir atang khan a kal chak thu a sawi ve tawh bawksia, kalpui turin ka intiam vek tawh a, thulh pui chu ka duh chiah bawk silo a.
Zan lam ah chuan zan dang aiin kan mu hma a, a tlangpui chuan Ben hi dar 9:30 velah John hian a muttir á¹hin a, kei ni kan intihfel neuh* chhung nen 10:30 velah kan mu lut a, kan han mutthilh meuh chuan 12 a ri ngei*, mahse vawin zan chu dar 9 hmain a puar deuh nge a mutthlu deih a, a harh mai hmel loh bawk nen a room lamah ka va mut hnuin dar 10 vel ah John nen room ah kan lut a.
An bulah hian a cheng in ka cheng tawp tawh a, mahse chuti chung chuan room khat John nen kan iná¹awm tih hi chu Ben hriat tir kan la duh lo, chuvang chuan Ben thoh hmain kan tho ngei* á¹hin, naupang tih tak ah ani lah hian ka zan mut na hi chu a ngaipawimawh viau lo in ka hria.
"Duat, a vawt e" ka bula mi te chuan mi rawn hnaih set* chuan a rawn ti a, a ban chu khamtir vat in nghet tak chuan ka va kuah a, "I muhil tawh emo ka tia" a beng kiss zeuh pah chuan ka ti a, "A vawt a" tih te chuan min lo chhang a. Ka kuahna chu phelh in a kut pahnih chu ka va la a, a vawt reuh phian lehnghal ka t-shirt chhungah chuan a kut chu ka han zen chho rak* a, ka taksa lum thar* mai chu ka va dehtir a, chumi hnu chuan nghet deuh chuan ka va kuah leh a.
John pov,
Dar 11 vel ah chuan an pahnih in an va chhuak ve a, Timothy chu zing thlengin kal tur leh tur loh ah ala in khap buai a, mahse Ben alo tiam ve tawh vangin an chhuak ta nge* a, keipawh a hma zawng kha chuan kal tur vek kha ka nia mahse ka hetih leh tak nuai si vangin ka kal lo a, bakah ka buai ani, tuma min hriatpui si loh in ka buai.
Ka rilru ah thil tam tak a awm a, ka pik up* thei hial, ka feelings chu thuhran, ka awm a tur te, ka hna thawh tur te leh Ben school luhna tur thleng ngaihtuah in ka buai ani.
Engtiang dinhmun ah hian ka awm tawh. Kar khat a upa naupang khawlaiah ka ipte a ka inhlawhna cheng sangthum chiah ak in ka vahvaihpui tawh.
Khatih hun lai kha chuan ka rilru ah thil pakhat chauh a awm, chu* ka fapa chawm leh enkawl a, a mamawh engkim pek kha ni. Mahse tunah chuan ani tawh lo, ka rilru a khingbai a, thir hipthei ang maiin ka taksa leh thinglung zawng* hi hip bettu an awm tlat.
Khami ni Pu Lawman min rawn hmuh ni atang khan ka rilru hian ngai a awh leh tawh lo, Timothy kalsan tura min tih lai te kha chiang takin ka la mitthla thei, ni e a fapa neihchhun hian kei engmah neih nei lo, mipa lehnghal mipa chauh pawh nilo fa nei tawh hi min ngaizawng in a neih zawng* khawm tu ah ka fapa nen min dah ani a, a tan chuan a manan thlak dawn lutuk ringawt, chuvangin kalsan tura min ti kha chu ka hrethiam a chhan chu keipawh pa ve tho ka ni a, a tana tha ber tur ka duh ve tho.
Mahse a hma lak dan erawh kha chu tih theihna dan pakhat mah a nei lo. Khami nia Ben chungchang a sawi laia a mitmeng kha chiang takin ka hmu a, luhlul chuaha Timothy ka kalsan loh chuan Ben chungah engpawh a ti duh dawn tih kha ka hmu ani.
Timothy hi ka tan a hlu lutuk, sawi ringawt in ka sawi fiah zo lo.
A bulah chuan ka him a, ka ta ani a, ka in ani. Mihring in a pek theih zawng* min pe a keimah chauh niloin ka fapa pawh a ma thisen ang chiah in a enkawl, khawvel hi vawi sangkhat pawh hel chhuak ila ani ang hi khawiah mah ka hmu leh tawh ngai lo ang.
Mahse Benjamin-a ka naute hi a nun hlauhawm ah ka dah thei lo, ka hmasial leh thinglung duh zawng vang ngawtin a tuar tur ani lo. Timothy hi ka hmangaih, ka hmangaih takzet, ani ang hian tumah ka hmangaih ka ring tawh lo, mahse chuti chung chuan ka fapa ka hmangaih na nen chuan tehkhin chi rual ani lo. Engpawh, tupawh ah duhthlan ngai se, ngaihtuah nawn miah loa ka thlan tur chu tudang ni loin ka fapa, ka rila rah ngei hi ani.
Mahse Timothy ka kalsan tur ngaihtuah ringawt pawh in ka na a, Louise min kalsan ni kha khawvela ka nat ber tum ah ka ngai mahse tunah hian a letin ka na ani, na ka la tawrh ngai reng* loh ka tuar a, a hrehawm lutuk. A bula ka awm lai reng pawn ka ngai em* a, kalbo tur zawk ka ni tih inhre reng mah ila ka kuah reng lai te hian a bo deih hi ka hlau thin, chan hi ka hlau ngawih* ani.
Vawin hi 24th December ania, kum dang chu nise cake leh a dang* te siam in tun ang hun ah hi chuan ka buai leh tawh viau maithei ni. Mahse vawin chu cake takngial pawh ka siam peih lo, keimah ka anglo ka inti mahse phurna ka nei hlol bawk silo.
Aih ti* mah ila ka thian ten zan rawn riah a, ar puah vel an ti tlat a, ka hnial viau a mahse kum tin tradition ve ang deuha kan neih ve vang hian keima in ni mahse ka hnial thei lo.
Zan ah kan thathnem deuh dawn vangin chawhmeh vel pawh a hma ai tamin ka siam a, chaw pawh chhum hunah let vel deuh thawk ka chhum ang, mipa rual awmkhawm hi chu ril te hi a tam duh bik deuh bawk lah tak a.
Author pov,
Dar 3 a pelh chuan pawn lam atangin Ben nui ri hak* thawm a rawn awm tan a, John rin aiin an rawn haw tlai zek lehnghal.
Inchhung an rawn lut chu John chuan chuan an hmai chu chiang fahran hian ava en dun a, Spiderman face paint an lo ti ve* chu niin, chu tah ki lem an lu ah an vuah ve* bawka, hmang nuam ve tak chu an ni.
"Tui lum a awm em?" thutthleng a thut thlak pah chuan Timothy chuan John chu a zawt nghal a, "Awm e, I inbual duh mi?" an thil rawn hawn te dahfel pah chuan ati a. "Duh, a awm chuan nghal in" Timothy an atih chuan John chuan a thiltih lai chu dah sawk* in "I thawmhnaw vel lo va la rawh, ka lo siam ang" tiin tui ava siamsak nghal a.
Timothy chuan bathroom ah chuan thawm a nei rak* reng a, John pawh chawka ah urlawk ni bawk nen a buai khawp mai. Khua ala eng ut e tilo chuan an in cheina decoration zawng* chu a eng ut tawh bawk a, inchhung pawh chu Ben TV en ami naupang Christmas Carol zai ri chuan a luahkhat hneh hle tawh bawk.
Zai rat* hian Ben chuan chawka lam a rawn pan a, dawhkana biscuit chu laiin chair ah chuan a thu fel at a, ei mual* chuang chuan, "Apa kan pahnih hian pafa kan ni lo ami?" a rawn ti khurh a, John chuan a thil tih lai dah meuh chuan Ben chu en hian "Ni e. Tinge?" tiin a zawt a. Ben chuan biscuit dang lak leh pah hian, "Vawin ah apa Timothy nen thla kan la a" biscuit chu a thial leh te* phawt a, "Chuan hmeichhe pakhat hian midang thla alo lak a, chuan apa Timothy-an chu nu chu a ko a, 'thian nu kan pafa hian thla min lo lak ve lawk mai' atia" la ei nuap* chuan ati a, a inngaihtuah vang* hnu ah, "Kan pahnihin pafa kan ni sia, apa Timothy nen hian pafa tho kan ni tihna mi?" tiin John chu ava zawt leh a, John chuan a chhang lo, a chhungril chu a hlim a, mahse chumi rualin inthiam lohna hlirin a khat bawksi.
"In kalna chu nuam em?" a bula va thutthlak pah chuan ava zawt ta deih a, an rawn haw tangin an la buai char* a, an kalna chanchin pawh engmah ala zawt hman lo.
"Nuam lutuk" ati hluai a, "Ih mo apa kan kal kual vak* a, chuan apa Timothy an ipa in a hmu ve duh ang atia thla te kan la a, chuan kan hmai te kan chei ve* a, zai thiam deuh* zai naah te kan kal a, ka hmu ve thei silo a apa Timothy an min koki chhuan char* a" tiin an hun hman dan chu a sawi a, a sawi zawnga a hmel hlim leh nung sarh te chu John chuan a hmuh hmaih lo hrim* , Timothy bula a awm hian amah mai ni loin Ben pawh hi a hlim tih a hria a, an kal huna Ben awm dan tur leh Timothy a ngaih dan tur zia te a ngaihtuah a, Ben zawk tak te chu a khawngaih ani.
Dar 8 a rik chuan pawn lam atangin an dan ngaiin Hruaizela leh Duhzuala chu an rawn inhnial lut leh bap* a. Cavin lah chuan a ngaihsak eih lo hian Caleb-a chu a rawn be lut bawrh* a, a hnunga mite chu awm lo ang hmakin a ngai.
"Tuman sawm pawh an sawm lo che" a eitur khai dawhkana dah pah chuan ala ti hram a, a biak ber lah chuan ngaihsak a ngaihsak tawh lo hrim* , ama thian tha te in zawk emo tih mai tur chuan zam map lo hian thutthleng ah chuan thuin remote control chu a ban nghal zat a.
"Khawnge midang hi?" hawi kual vulh* pah chuan Cavin chuan John chu zawt a, "Ben te chu Kohhran hall ah thil an ti dawn a, dar 10 velah bak alo haw pawh ka ring lo, Timothy chu room ah phone a hmang a rawn chhuak tep ang" tiin a chhang a, hmui phun hian "Hehi mi I sawi chu?" Caleb melh zeuh* chung chuan Cavin chu zawt a, nui puh* hian pakhat chu alu alo bu ve nghat* a, an za dun cheng mai, mitmeng chuan an inbe char* ti ila a sual lo ang.
Rei vak lo ah chuan Marcus-a a rawn lut a, a hnung ah rin ang ngeiin David-an a rawn zui bawk.
Marcus an Hruaizela leh Caleb-a a hmuh chuan "Eeee!! Engtik khan nge in lo nih hman a?" ati deuh hluai a, Hruaizela lah ta pek chuan "Kan ni hlol lo, keimah in ka awm peih bik hleinem, in inkawp vek hi" alo ti hlar a, Caleb lah chuan a haw der lo nuam lo pawh a tih phah chuang lo, a hmaa chips lo in hawng chu ngawi reng chuan a zuk ei leh zeuh* thin.
"A thinchhiat chhiat nen engtin nge mo ilo duh zawk ni" Marcus-a chuan ati nang* a, Hruaizela huat tawk alo tling em* bawk. "A cute reuh alom" Caleb in a rawn tih chuan Duhzuala ber chuan a tui in lai chu a rawn hak nghal bawrh* a, a thil hriat tawha awih om loh ber ala ni hial ang. "Finkhur ta che" tiin Cavin-a chuan a hnung alo chum ve bawk a, mipa puitling rual awm e tilo chuan an thu a nawi ru phian hlom a.
A in neitu ber tih tak ah John leh Timothy chu thutna te deuh ber ah chuan an pahnih chuan puan nen insi rial hian an thu a, tumah chuan engvak ah mah an ngai lo.
"A vawt ania!" Duhzuala chuan a kut hlei zet hian Cavin-a t-shirt chhung chu a zuk zen leh zuk* thin a, thildang a tum vang emo a rilru kawih vang pawh nilo in a kut vawt vang leh Cavin-a a chhah thinrim chak vang ani pakhat bawk.
"Kan club hian kumthar ah hiking an nei dawn a, club leader in min sawm ve a, ka kal a ngem?" a phone en pah reng chuan ati a, Duhzuala a zawt ani. A sawi zawh rual* chuan Duhzuala leh Hruaizela chuan "A ngai lo" an rawn ti rual a, Cavin chuan ngawi dak hian a phone chu a khawih chhunzawm leh a, "Vak cheu chuan" tiin a phun sap a, hiking leh tiang activities hrim* hi Cavin hian a zo velo a, a dam lo haw emo an haw hun ah a dam lo ngei* deuh thaw thin a, chuvang te pawh chu ani mahna.
"Ben chu va lam a ngai lo mi? Dar 9:30 ni tawh nia" Timothy chuan John beng bul deuh set ah chuan a zuk zawt a, puan hnuai ah lah a kut a hlei em* mai bawk si, midang an lo awmve bawk nen John tan han hauh a rem bawk silo, Timothy lah in John hnute hmur leh awm bawr vel chu a khawih a khawih mai bawksi.
"Ngailo, kan thenawm te rualin a kal a, an rual in a rawn haw ang" ati chhuak thei tawk a, a beng bula Timothy alo thaw lum ham* thin bawk nen, thawm nilo lo a chhuah tep ani.
"A che chhe thei lutuk" Cavin chuan Hruaizela en pah chuan ati a, Caleb-a a chu a nui hak* a, a thian ten Hruaizela an roast hneh bawk si, a nuih nasat vangin a mittui a tla lo chauh tawh. "Ka la hria vawikhat pawh an in ah kan leng a, an thenawm nu ar a chhuak a, a inla bengvar lutuk in ava um pui a, a tawp ah chuan ar zawkin a um kha" John chuan Timothy kuahna tang chuan a rawn ti ve a, a sawi hnu chuan Caleb-a chu nasa mangkheng hian a nui a, Cavin leh Timothy pawh chuti tho, Duhzuala takngial pawh insum zet hian a nui ve a, Hruaizela ber chu thinrim tawh dawn* mai, an tleirawl laia a chetsual na zawng* deuh thaw an puan tep ani.
"Hei te hi a lerh thei viau lo mo?" David-a chuan Marcus-a en chuan ati a, "A luck thei rappp" John chuan a rawn ti ve zat a, David-a chuan meng nur deuh hian Marcus-a chu en a, "A classmate puite ah chuan a lian pawl ania, a thinte hian an zui dual* zel" Cavin-a chuan a rawn ti ve bawk a.
"Class 10 nge 9 vel kha chuan an class a chhelo fal ve deuh nen khan an inzui thin kha" Hruaizela chuan a rawn ti a, Marcus-a a melh chuan a hmel ah 'phuba' tih a lang deuh kalh thei. "Class 9 leh 10 ah te chuan kan la inkawp kha aw. Min lo khawp ami!!!" David-a chuan a rawn ti hluai a. "Ruatdiki nen te chuan kan inzui ngai reng* lo, aman min duh a, ka duh ve lo" a rawn ti ve vat bawk a, "Engtin nge a hming te ila hriat a?" David chuan a rawn ti a, Hruaizela chu ngeiawm deuh hian alo nui suk* a, "Awww" Marcus chuan ati fan raih a, "Ka kawp lo che ka tih chuan kawp lo che ni mai" atih chhunzawm a, David-a erawh ala lungawi hmel chiah loh.
An nuih ho dar* lai chuan John message tone chu a rawn ri a, John chuan a ngaihsak lem lo thung, mahse a rawn rik nawn leh tak ah chuan a phone chu ava en a, number hriatloh atangin ani.
Message a hawn chuan a tha chu a rawn khur deuh ti tih a, "Bathroom ah ka va kal lawk aw" tiin bathroom lam ava pan a. A thlen vel ah chuan a phone chu a bih nawn leh a, Ben thlalak ngei ani, a kal dawna a incheina ngai chiah nen, thlalak pakhat mai ni loin pahnih a awm a, a hmasa zawk chu Ben single pic niin a dawt chu a thiante nena an lan na ani. A thawn tu chu hrilh ngai loin a hrechiang a, number chu a call vat a, alo la rang hle bawk. "January thleng iti ni lom mi?" ati nghal a, "Ben kha I tina nih vaih chuan Timothy hian a ngaidam ngai lo ang che" atih chhunzawm nghal a, hlau eng ang mahse a hlau tih hriattir a tum bik hauh lo.
"Engtin mah ka ti dawn reng* lo, ka ring che lom, mahse I tih tur i theihnghilh ka hlau mai nia" zawldawh tak chuan a lehlam ami chuan alo ti a, "I duh chuan keimah min zuiru rawh ka fapa ni loin" John chuan ati leh a, pawn ami ten a hriat loh nan a thawm pawh a dim hle, "Misual emo mi rapthlak ka ni lo, lungngai duh suh, I sawi anga I awm chuan heng thil zawng* hi a zo vek ang" tiin a dah a. John chuan thlalak chu a en leh thin a, an kal bo hma loh chu Pu Lawma hian a tawpsan dawn lo tih a hria.
Bathroom atanga a chhuah chuan an lo la nui hak* hlom a, a theih tawp in a rilru hahna leh buaina te chu thup a tum hram* ani.
"Benjamin-a hi ka va lam mai dawn mo ni ka ti, dar 10 a pel tawh sia" atih chuan tu mah chuan an lo hnial loa, "Va kal ila" tiin Timothy pawh chu a tho vat a.
An chhuah vel ah chuan an in kawt ah an thenawm te car hi a rawn ding a, an thenawm pa hian Ben muhil chu dim deuh tak hian a rawn pawm chhuak a, "Khawi ka lo pawm lut ang" tiin Timothy chuan va pawm vat in a luhsan a. "Kan rawn haw lam in hei an thian dun in an rawn mutthlu ve* lom le" an thenawm pa chuan ati a, John chuan lawmthu te a sawi hnuah chuan an in lam an pan san a. John inchhunga a lut tur chu a phone message tone a rawn ri leh a, John in a hmuh vel chuan a meng buai nghal ti tih a, a chheh vel en chuan a hawi rual nghal ruai* bawk, mahse tumah a hmu hauh lo, a phone a thlalak rawn thleng thar chu a en leh a tun maia an chetla lai ngei ani, John in kawt lawk ami. John chu a hawi kual leh ruai* a, mahse tumah a hmu bawk silo, a hlau ani, ama nun chauh ni loin a bula mite nun pawh hlauhawm ah a awm tih a hria, a hriat chian em* bawk chu Timothy nun atanga a chhuah vat a ngai tih hi ni.
_______________________________________
Rawn conti leh vat ka lo tum ang aw guyssss