Reh rei vang* viau emð
__________________
Author pov,
Kar hnih dawn lai a liam tawh a, Timothy nu chuan zual lam a pan zel a, Timothy pawh zan riak in anu a awmpui a, hna a thulh chang lah a tam bawk, a chhungril na in kehchhe vek mahse anu tan hlim hmel a pu lui hram* thin. John leh Ben hriat loh in hun awl a neih chang apiangin an hmuh phak loh na tangin a thlir thin a, Ben school ban apiangin aman lam lo mahse in a thlen thleng a en zui thin , John ban a hun pawn in a thlen thleng in a zui in an hriatloh in a veng char* thin.
John thilsawi avang khan a rilru a na hle a, a thinrim bawk, mahse chuti chung chuan a bansan thei loa, tum pawh ala tum chhin eih lo bawk.
A lehlam ah Ben chuan John bulah Timothy awmna leh alo kal hun tur a zawt ve reng a, chu chuan a let in John chu ati hrehawm zual ani. Timothy a ngai em* a, zan ah lah nise ngaihtuah loh lai a nei ngai lo, chutah a rilru tihah zual turin Ben in zan tin deuhthaw mumawng thalo neiin a tap chhuak ziah bawk a, a rilru chu a tawt up* ani ber mai.
Nikhat John in Ben a hruai dawn in an school kawtah Timothy lo ding ran chu a hmu a, Cindy chuan alo be bawrh* bawk. John in a hmuh chuan ban phenah a biru ringawt a, a biruk nachhan pawh a hre chuang lo, Timothy chu chiang takin a en a, tlem in a cher belh tih a hmu a, mahse a hmelthana a bo phah chuang hauh lo thung. John chuan chaw a ei tha lo aniang a, tiin a ngaihtuah nghal char* a, alo inngaihtuah muk deuh nge Timothy a bula alo thlen lai reng a hrelo.
"Tinge I biruk kher a?" ring vak loa a rawn tih chuan John chu a harh zawk a, a phu nasa lutuk chu a hma ban ah chuan a chal a tauh thelh ani, Timothy an a kut in o dang hman lo se chuan a chal a tauh ngei* ang.
"Ka biru lo" tiin a chang deuh hmuk a, Cindy nen an lo nui dun har* kha a ngaihtuah let a, a rilru chuan move on hma ropui si a ti neuh* a, mahse chutiang ngaihtuah tur chuan dikna a neilo tih a inhria achhan chu Timothy a lak atanga pawt hla tu chu tudang ni loin amah ani tlat a tin ni. "Garage ah lo kal lok ang" Timothy chuan ati hmuk a, John chuan han en deuh ha in, "Aih, Ben te pawh an bang tep tawh bak ah rawn kal na chhan ngawt tur ka neilo" tih leh kal a tum mai a, Timothy chuan lo ngaithei lo leh viau tawh, "Ben chungchang alom, I rawn kal loh chuan ka chawi phei tho ang che" atih chuan John chuan a han en leh ha a, "Ka zawh zia che chu I hriat kha" ngeiawm lek* a atih leh chiah chuan John chu a lai deuh nghal titih a, biak pawh ve tawh loin gargage lam ah chuan a phei nal* a.
An thlen vel ah chuan John chuan "Hmanhmawh rawh" alo ti nghal vat a, Timothy chuan "Engvangin nge nimin ah treatment la tura in kal loh?" lungawilo tak chuan a zawt a, an pahnih buaina leh intihthiam lohna Ben lehzel in alo tuar ve hi a duh lo ani. "Kal a ngai tawh lo" alo ti hmuk a, Timothy chu a en duh hauh lo thung.
"Eng vangin nge hetianga I awm hi ka hrelo, mahse Ben hi chu tuar tir ve zel suh, treatm.." a sawi lai mek chuan John chuan, "Ngaihtuah lo emo min ti suh, ka fapa ania keiman a tha ber chu ka hria, lo buai ve suh" ati leh chat* a, a tawngkam hman duh dan berkher vang chuan Timothy pawh a vawi tamtak nan a na nawn leh ani. "I fapa tan a tha hi ngaihtuah la, kal chhunzawm tir ang che, naupang chhia taka I luhlul zel chuan keiman ka hruai mai ang. I phalloh vang khan ka tih loh ring suh, naktuk hi Friday nia, school ban velah kalpui ang che" tiin gargage chu a chhuahsan a.
_______________
Timothy chu restaurant changkang ve tak pakhat ah hian a thu a, a hmaa eitur inchhawp chu ena, ei chak na a nei hlol lo tih a hmel atang pawn a hriat theih, anuin a tihluih vang chauha kal ani nghe. John nen an chungchang a ngaihtuah a, beidawng tak chuan a thaw leh hak* thin, beidawn san a duh loa, John lungawi hma chu a nghak thei tihin amah leh amah chu a infuih char* a, mahse a thinrim leh lungawi loh chhan takngial pawh a hre silo. A lehlam ah anu a ngaihtuah a, kalsan thei reng dinhmun ah a awm a, John leh Ben rawn lam hma kha chuan khawvel ah anu bak hmangaih a nei ngai lo, tunah pawh a hma ang chiahin ala hmangaih in a ngaihsak reng bawk.
A inngaihtuah deuh chet* lai chuan a thutna bul chiah a zawn lawka mipa pahnih rawn lut chuan a mit an la tih hriat takin a en deuh vang* a. Mizo mipa tlangpui aiin an tha a, en mai pawn an inlen hleih tih chu en mai pawn tupawn an hre thei ang, a lian zawk chu a hleitling em* a, mitmeng pa deuh hrak a nei a, hmeichhe duh chu tak tur ani, an lan dan mai ah chuan Timothy nen chuan an inang lek* tep ani, a bula lo kal ve thung erawh chu mipa ah pawh lian vak lo pawl ani a, a vun a nalh em* thung.
An thutna an thlen chuan a lian zawk chuan thutna a pawhchhuah sak thlap a, pakhat chu hawi kual zak* in, "Nicky, thu rawh miin min en ange" ati sep* a, mahse Timothy nen an thuna a inhnaih em vang chuan a hrepha vek thung.
Midang chuan an hrethiam lo maithei mahse Timothy chuan chu mite pahnih chu inkawp an ni tih an rawn luh phat atang khan a hrethei nghal a, chuvanga en reng pawh chu ani. Ani tan chuan hai theih ani mawlh lo alom, Nicky atih zawk chuan a hma mi a en apianga a mitmeng inthlak vek thin leh a bula mi ina a biangsum lang kalha alo nuih thin te chu a hmuh hmaih lo. Eitur an chah te chuan Nicky atih zawk chuan aman order a siam vek a, a inhriat chian tawh hmel em* bawk.
"Happy 5th anniversary ka naute, khang kum kalta zawng* khan ka bula I awm vangin ka lawm e" Nicky chuan midang chu a ngaihtuah ve lo tih hriat tak chuan a hma mi en chuan ati a, "A ngai kher lo sin, naktuk ah kan zin dawn bawka" lai tih hriat tak chuan ati a, mahse a hmelah chuan a hlimzia chu a hmuh theih. "Ei teuh rawh" tiin eitur te chu a thlengah ava dah sak a, "Vawinzan chu mut loin beisei lo la" atih chhunzawm zat bawk, "Nickyy" tiin pakhat chu a hawi kual leh zak* a.
An pahnih a hmuh chuan Timothy chu za silo hian a nui suk* a, a mitthla ah John chiah ala thung, a lawmpui em* rualin a thik a, amah leh John chu ani ang khan awmve se ati em ani. An tawng chu ngaithla tawh loin restaurant chu a chhuahsan a.
___________
Friday tlai ah chuan John chuan Ben chu damdawiin ah chuan a kalpui ngei a, Timothy tel loa an kal vawikhat na nih vangin nuam pawh atih chiah lo, Ben phei chuan Timothy a zawng ve ruai reng bawk a, mahse David-a alo bengvar hlauh azar ah boruak pawh a awkward em* loh phah hlauh ani.
An haw dawn chuan David-a chuan tha deuhin a thlah a, an kal fel hnu chuan, "An kal tawh" tiin a office a a private room chu ava hawng a, Timothy chu rawn chhuakin sofa ah chuan a thu nghal ar* a, darkar 4 vel zet chu room ah alo tawn chu ni.
"Rawn chhuah ve mai tur che nia, Benjamin-a pawn I rawn thlen hun tur min zawt chamchi lom" tiin Timothy chu a hrilh a, "Ka duh lom mahse John khan min hmuh duh ka ring lo a"
"Hetianga em* a mi I buaipui leh ngaihsak hi ka hrelo" David chuan Timothy en chuan ati a, a thianpa hi a khawngaih ve takzet a nu chungchang ah pawh a rilru hah tehlul nen belhchhah tu alo nei ve lehzel bawksi.
"Engnge inih vak bik, biak pawh ala biak duh loh che kha. Ilo haw tang thla 3 dawn a liam tawh nia" David-a en chuan ati a, an thian dun tluang lo lutuk chu a nuih a za lek* zawk ani. A sawi chiah chuan David chuan "Ka tina viau ani tiro" hnuai lam en chung hian ti sap a. "Umm" tih te chuan Timothy chuan alo chhang a, tawngkam thiamlo leh han inhnem vak thiamlo tih ve* tak ah ngawi rengin an rilru chu an kawmdun ta malh* a.
___________
John chuan Ben a mut fel tir hnu chuan in vel chu a tifai leh malh* a, a phone lo chiangkuang lo bawk nen a buai khawp mai.
"Tumah call pawh a lang thei lo, va buaithlak tak" a ti leh nang* thin a, a phone hmanga hnathawk anih na lai tamtak a awm a, a buai phah ve khawp mai.
A intih fel zawh chuan dar 12 dawn alo ni leh tawh a, room lam a pan dawn chuan an kawngka in karh a hria a, a ngaihchan leh deuh hnu chuan chawl miah lo hian a ri leh dum* thin a, pawn lam atanga rawn chum hi a ang ber zawk. John chuan inven nan tiin hmunphiah nen chuan kawngka lam ava pan a, zan a rei ve tawh bawk nen a ngaih a ngam bik chiah lo ani.
"Tunge?" kawngka bula ding chuan vawi li vel dawn a au a, chhanna a hmu mai bawk silo, a ngawih vang* hnu chuan, "Lo hawng teh" pawn lam atang chuan a rawn ti thum dul a, John chuan ava ngaithla chiang a, a aw chu a hriat hnu ang ati deuh bawksi mahse tun ang zan rei tawha lo kal tur awmang a hre mai bawk silo, "Lalhlimpui rawn hawng vat teh!" ti leh hrawk a hriat chuan a phu deuh zawk a, mahse a tunge anih tih a hriat tak avang chuan lungawi lo deuhin ava hawng a, Timothy chu kawngka ngheng chuan alo thu sawp nuai a, en mai pawn a rui tih a hriat em* bawk, mahse rilru hmang theilo tur khawpa rui chu ani lo thung.
John chu a hma ah va dingin "Engnge tun ang hunah I rawn tih a, I rui leh nghal" alo ti nghal a.
Timothy chu a ding hluai a, inchhung ah chuan luh mai a tum a, mahse John chuan, "I rui bawksi, Ben a harh ang" tiin alo dang a. Timothy chuan ngawi rengin a lu chu John darah chuan a nghat a, John chuan a kawr chhana lum deuh pap* a feel chuan Timothy chu a tap ani tih a hre nghal a.
"Ngatinge a?" tiin Timothy chu a en vat a, "A kal tawh" tih ringawt chuan alo chhang a tap ri lo mahse a mittui chu a luang reng thung. "Khawngaih takin min kalsan suh, ka mamawh lutuk che" ati leh sap a.
John chuan Timothy chu chiang takin a en a, a hmel dawngdang lutuk te a hmuh chuan a lainat in a lung a chhe takzet, amah vang ani tih a hre ve tho a tin ni, a hmangaih em* amah vanga tianga a awm a hmuh hian Timothy nat tluk zetin a na ni .
"Chaw rawn ei phawt rawh, chuan zingah I haw dawn nia" tiin a hruai lut a, atih tur ani lo tih pawh a hria mahse a insum thei bik tlat lo ani.
Timothy pawh chuan ngawi rengin naupang fel tak ang chuan John hnungah chuan a zui ve hna* a, John in a eitur a siam lai vel te chuan a kalsan thut mai ang tih hlau ni awm hrim hian a hnaih ah chuan a awm a, John ah chuan a bet tlat ani ber.
"Kha ei rawh" tiin a chawp a, Friday nih vangin chawhmeh an lo nei vak bik loa, artui te chu a kan sak leh hnuhnawh a, mahse Timothy chuan John siam anih vang chuan tui ti takin a ei a, a ei chhung zawng chuan kam khat pawn an inbe lo hrim*, an inbiak tawh loh atanga chaw pangai a ei vawikhat na anih vangin Timothy chaw ei chu a hmutu tan chuan a lainat awm zawk hial mai.
A ei zawh chuan chawei dawhkan kil chuan an thu dun a, a reh tlawk* mai, Timothy pawh tlem chuan a harhfim ve deuh tawh. "Rawn kal tawh suh, Ben in a hmuh leh chuan a buaithlak mai*" tiin John zawk chu rawn tawngchhuak hmasa zawk ah a tang a. "Tihsual ka neih chuan sawi rawh" Timothy chuan ati a, "Tihsual lampang ani lo, kan tawp a ngai, kan thleng thui tak* hma hian. Nangpawh tha deuhin awm la, a hma pawn zu I in ngai loh kha, chhungkaw tha tak din la, pa tha tak ni rawh"
"Chu* I duhdan ani tih I chiang amo. Hlim taka in tel loa midang nena ka awm chu mi I hmuh chak em* a?" thinrim tak chuan ati ta that a, John pawh a ip nghal chawih thei. "I hmu khawp ang" tiin a tho a, a thutna pawh a ri nghal thuai bawk, John chu chechang mai ngam loin a thu reng a, Timothy pawh kawngka bul atangin John in a rawn dan beisei ran chuan a ding a, a chang thlon dawn tih a hriat a, "Tumah neih ka nei ta lo ani mo?" tiin nui lui sakin a chhuak a.
John pov,
Monday ah Ben school kal ka thlah haw tur lam chuan Esi ka hmu a, nidang aiin a ngui a ka hriat vangin ka va pan a.
Min hmuh chuan a nui suk a, mahse nidang ang ani lo, "Tinge a?" ka tih chuan tap mai tur te pawh a ang lek* ani.
"Nu Ruati kha a.." a sawizawm thei mai lo nge a insut leh hruih a, Timothy nu ani tih ka hriat vangin "Engnge nu Ruati chu?" ka lo ti vat a, "Friday zan dar 10 vel bawr khan a boral a" atih chuan ka meng phawk chiang teh e.
"Nu Ruati Timothy nu kha mo?" a chhanna tur hre reng mah ila, ka zawt lui tho a, dik lo se ka ti em ani. "Imm, a vuina te pawh status ah te ka hman kha, class group ah te pawh kan post alom"
"Call ka dawng thei lo lom" ka ti vin hluk a, Esi pawn mak ati ngei nitur ani, phawk deuh chuan min en deuh hra a, ka tum loh deuha ka vin thut chu keipawh ka inthiam lo.
A ui zia leh a awih theih loh thu vel a sawi chu ka rilru ah engmah a lut lo, Timothy mawlh chu ni ka rilru a awm, anu a hmangaih zia leh chan a hlauh zia ka hre chiang a, chutah kan lo buai kher bawk nen a tuar tur chu ngaihtuah pawh ka ngaihtuah ngam lo zawk. Friday zana 'A kal tawh' atih te khan lo hrethiam ila tha tur, min mamawh ber laiin ka awm loa, chutah na takin ka siam bawka laktlak lohin nep ka inti takzet, a thusawi te lo nghaihthlak sak ila chuan ka hnem thei tur.
"Timothy I hmu ve em?" ka tih chuan "Aw, a a nu ruang bulah khan ngawi rengin a thu ringawt a, mi a call thin a mahse a call a khan a la thei lo nge ni. Phum hnu phei kha chuan tuman kan hmu leh tawh lo" atih phei chuan ka ngaih a thalo zual a.
"Esi ka kal phawt o" tiin ka scooty lam pan chuan ka kalsan nghal nal* a, ka thlen chuan tlanchhuak loin ka phone chu ka phawrh a, David-a number ka nei tih ka hriat avangin ka call nghal a, vawi hnih vel a ring hnu chuan alo chhang a, "Engnge tinge call I pic theih miah loa" alo ti ve nghal hlar a. "Ka phone a chhia a, call ka dawng thei lo. Timothy nu kha ka lo hria a, amah a tha em?" tiin ka zawt nghal vat a.
"Chu* nia, an phum hnu atang khan ama inah a inkhung char* a, apa nen an inti thaim lo bawk nen, tuman kan bepawh thei tawh lo" alo ti ve nghal zung* a, "Engnge mo tal tih theih I nei zawk ang nangmah khan" atih chuan "Kan inah a in chahbi pakhat chu a hnutchhiah ngei a, ka va kal chhin ang" a chhanna pawh nghak ta lem lo chuan ka dah hnan a. Ka boss ka thil emergency vanga ka kal theih dawn loh thu ka hrilh nghal vat a, notice ka pek lok loh vangin a lungawi vak lo tih ka hrethei a, mahse a sawi lang chuang lo.
_______________________________________
Exam lai nia a thui vak thei lo, chapter dawt chu thui viau ang.
Exam zawh velah story thar nen ka rawn let angð¤