Ka lehkha zir peih lo, rawn up vel mai* ang khað¥²
________________
Author pov,
Ruah chu a tla tam tial* a, John erawh chu a din ngaiin ala ding char* a, a mittui a tla awl lo, ruah leh a mittui chu a inpawlh deuh nawk tawh a, ani lah chuan ruah chu enga tan mah a ngai lo thung.
Timothy pa thu rawn sawi zawng* te chu a ngaihtuah let a, a zak in a rilru a na ani, khati tak khan tuman an la tawngkhum ngai lo. A mitthla ah chuan Timothy alo lang zung* a, a tan a tha tur zawkin a kalsan a ngai tih a hria, apa sawi ang khan Timothy hi chhungkaw tha tak nei a, pasal leh pa tha tak ni turin a duh. Mahse mi pasal ni a hlim taka nun an hmang tur a ngaihtuah ringawt pawh a chhung chu a na a, a rit em* lawi si. Timothy an midang a hmangaih a, a ngaihsak tur a ngaihtuah ringawt pawn a tawt up* a, ngaih pawh a ngaihtuah phal lo ani, Timothy hi a duh mai ni loin alo hmangaih hman tawh tih chu John chuan a hrechhuak chiang hle bawk.
A mittui leh ruah inpawlh niau karah chuan John chuan an in lam pana Ben leh an thenawm nu nihliap nena kal chu fiah lo ruai in ava hmu a, in kawt an thlen chuan alo inkalh avangin an hawi deuh vual* a, chu velah John chu a fapa tana inti pachang luiin ava phei a, "Awii, iva huh nasa ve, I dam lo a nge aw" tiin an thenawm nu chuan a nihliap chu alo zawn ve vat a.
"Engmah ni lo ang, ilo thlah a ka lawm e aw, lo lam ka tum chiah a" tiin kawngka chu a hawng nghal sawk* a. "Engmah ni hleinem, riak mai rawh ka tihin apa bulah ti tlat sia, ka rawh thlah nihhi" alo ti zung* a, ruah a sur nasat tawh em vangin a au ani mah zawk, a kal dawn chuan "I huh nasa em mai, inthlak vat la inti lum nghal rawh" ngaihtuah taka John a chah leh hram hnuin an in lam panin a phei a.
In an luh vel chuan Ben chu a hawi kual hnuin, "Khawnge apa Timothy a?" ati nghal vat a, John chuan chhang loin mu vat turin alo hrilh a, Ben pawn lungawi vak lo chuan room lam a pan a. John chawka a luh chuan dawhkan a a phone kalsan chu alo nghawr dat* a, ava en chuan a rin ang ngeiin Timothy lo ni, ngawi renga dingin phone nghawr chu a en vang* a, a muttui a tla chawl lo bawk, a ring tawp hnu chuan a phone chu a la a, call logs a en chuan vawi 6 zet Timothy chuan alo call tawh alo ni, John chuan kut khur teuh chung hian Timothy chu a block a.
A kawr la tura room ava luh chuan tui taka Ben lo mu chu a en a, a rilru chuan 'Ben tan pawn ka kalsan a ngai, a len hunah thil awmzia a rawn hrethiam anga, a zawhna zawng* te engtin nge ka chhan ang' ati mawlh* a.
A inbual zawh hnu chuan mu turin a insiam a, a taksa chu a sa vur a, bathroom a a tah nasat vangin a mit a senin a bui chuk bawk. Ruah hnuaia a awm rei vang nge ni a taksa chu a sa vur a, a vawt ti chu a khur nasa hle bawk, a hritlang Ben kai a hlauh vangin Ben room zawk ah chuan insan phei in a mu a.
A phone chu lain Esi chu a damloh thu leh zing ah a hma lama Ben rawn lam tur chuan ava hrilh a, a tlai tawh em vangin Esi chuan a hmu nghal lem lo thung.
A taksa sa hat* pawh chu John chuan a ngaihtuah thei lo, a mittui chu a luang zung* a, Timothy chu a ngai em ani.
John pov,
Dar 2 a ri ral* tawh a, mahse chhin khat pawh ka la chhing eih lo thung. Ruah ka do vang nge ka pang chu a sa tha hlat* hle a, ka taksa sa hle mahse vawt ka tih vangin ka khur hlat* reng thung, ka dam lo khat viau a, mahse ka dam loh tawh erawh chuan ka bei nghek thin thung.
Timothy ka tawn hma kha chuan ka dam loh leh nawm loh apiangin Louise ka ngai in ka thlahlel em* thin a, mahse tunah chuan Louise aiin Timothy pang lum ka ngaiin ka thlahlel zawk a, a aw ri te hriat ka chak ngawih* a, a awm a bei te ka chak tawh thung. Kan nat ber lai chuan kan hmangaih leh kan thlamuapui ber te awmpui kan thlahlel ber thin a, chutiang chiah chuan Timothy ka thlahlel in ka ngai takzet.
Tawng chhuak silo chuan ka rilru ka kawm mawlh* a, ka tum loh leh ngaihtuah ngai loh* ka ngaihtuah chhuak a, a tawp ah chuan siamtu chu ka dem leh thin.
Ngati nge hmangaih na ah hian ka tluan loh bik em*, Timothy nen kan inkawp hi a duh dan kalh ani tih ka hria mahse tinge mi tamtak karah ani nen kher intawng tura min lo siam ni, engkim a thunun vek si chuan tinge ka thinlung hian a lam a hawi tlat si, hetiang leh hrep tur si te chu a tir atang khan min intawn tir lo mai tur ania, ti tein ka ngaihtuah a.
Engnge hetiang em* tawng tur hian tihsual ka neiha a pawi ka lo sawi bik ka hrelo, mahse ka tan hian engmah a kal dik ve thei silo.
Flashback
Ka fapa ni 2 leka upa pawm chung chuan in lian tak, a luh hma ringawt pawha gate tha leh rinawm tih hriat hliah* a a inhung na hmaah chuan ka ding ran a, doorbell an gate banga an dah chu ka en vang* hnuin ka hmet ve thei hram a.
Ka hmeh atanga minute 1 pawh tling lo ah an awmpui nu chuan gate chu min rawn hawn a. Min hmuh chiaha a mak tihna hmel chu hai rual ani lo, a awma ka naute pawm chu enin, "John, ih.. heihi" ati chhuak thei tawk a, "Umm, ka fapa anih hi" tiin ka lo chhang a, gate chhung chu luh ka rual nghal bawk.
Inchhung ka luh chiah chuan engmah alo la danglam lo tih ka hria a, ka hawi kual a a khawi lai mai pawh chu ka hmuh leh hriat hnu vek ani. Inchhung chu ka hawi kual a, engkim chu a changkangin a man a to tih hai rual ani lo, pawn lam atang lo thlirtu te atan chuan chhungkaw awhawm tak zawng ani ngei ang, mahse he inchhung hian a mawina bak engmah neih a nei silo.
Ngawi renga ka din lai chuan ka hnunglam atanga aw lawi lek* a ka hming lamtu an awm avang chuan ka hawilet vat a, kum khat dawn ka hmuh leh a aw pawh ka hriat tawh loh ka nu ngei ani. Min hmuh velah chuan a mit atangin mittui a tham tiak* a, ka nau pawm a hmuh phei chuan a hma aiin a lung a chhe zawk tih chu hai rual ani lo, rang taka min rawn panin thlahlel em* in min rawn kuah vawng* a, a mittui a tla chawl lo bawk, keipawh ka bang chuang lo, ka nu ka hmangaih leh ngaih em* kha ani miau a.
Min thlah hnu chuan ka nau pawm chu enin dang awk teuh hian, "Heihi k.. ka tu em ni?" tiin Benjamin-a kawk chung meuh hian min zawt a, ka lu buk nghauh pah chuan, "Imm, nu I tupa ngei anih kha" tiin ka chhang a, a hlim hmel mawlh kha ni ka theihnghilh theih loh chu. Naute chu laiin a pawm vang* a, "Ava han duhawm tak em" ati vawng* bawk. "Lo kal teh u, hei tupa ka nei ania, api ka nih hi" tiin awmpui te chu a au nghal chul a.
Hlim deuha kan rik laih* lai chuan "I tu ani lo ve, kha thu kha vawikhat mah sawi tawh suh" tih ka nute room lam atang rawn chhuak vang chuan kan ngawi nghal thap a, awmpui te pawh hrilh chawp ngai loin an kal hrang nghal sap* bawk. "Engnge mo I sawi le, bawiha pa" tiin ka nu chuan ka pa chu alo zawt vat a, "Engteh hei kan tupa anih hi a duhawm Zia hi" tiin a nau pawm mek chu ava hmuh a, mahse ka la erawh chuan melh pawh alo melh eih lo thung.
"Tu chu 3 chiah ka nei" ati ram hmarh a, ka unau te fa a sawina ani, Benjamin-a erawh a tel velo thung. "I thisen ngei a nih kha" tiin ka pa melh ran chung chuan ka sawi a, ani chuan, "Kha hmeichhe hnuaihnung I thlan atang khan kan inzawmna chu a tawp tawh" a chawl dat a, Benjamin-a chu enin, "I fa anih pawh ka ring nek lo e, khatiang hmunphiat tu fanu ma.." a sawi zawh hma chuan va inrawlh in, "Khati khan Louise chungchang sawi hlek suh ang che, an hausa lo ani maithei mahse a thinlung chu nang ai hian a letin a zau a sin. Nang nuai tam tak nei in tumah I tanpui loh lai khan ani chuan a pawisa neih chhun chhun te chu ama tan niloin midang tanpui nan a hmang zawk thin tih hre rawh, I mi hmuhsit tak a hi nang aiin a letin a nun a ropuiin entawn tur a tam zawk" a mit a en ran chung chuan ka ti a, ka thinrim vangin ka kut ka hum ruh tawh hle bawk.
"Engpawh ni rawh se, a tawpnan ka inchhunga awm leh ka phalsak ang che. He naupang hi fahrah enkawl naah I dah chuan ka fa angin ka la lut leh lang che, engkim kha a thleng lo angin ka awm ang" atih chiah chuan ka thinrim a, mahse ka thinrim ai mahin ka na ani. Ka pa ka zah leh ngaihsan em* thin, hriat loh ka neiha min hrilh thin tu, duh ka neih apianga min pe thin tu, ka tlu apianga min dawm kang thin tu kha ani tih ka ring thei lo, a tupa a thisen ngei pawh pawm duh lo mi hi.
"Ka fapa hi ka kalsan ngai lo ang" tiin ka nu kut atang chuan Benjamin-a chu ka va la a, ka pa en ran chung chuan, "Kan thi tawh ah ngai rawh" tiin kawngka lam panin ka inher a, kawngka ka thlen dawn chuan ka nu tap hawm* chu ka va hmu a, hrehawm ka ti takzet, mahse ka fapa tan inti pachang lui in a tawp nan tiin ka pa chu ka en a, "Pasal, pa, pu nihna engmah I hlen chhuak lo a, nih I phu bawk lo" tiin in chu ka chhuahsan a.
End of flashback.
Author pov,
Timothy chu a phone hum in anu private room ah chuan a vai sek ringawt a, a rilru hah hmel em* bawk, damdawiin khuma anu mu chu ena, vawin zan khan a zual leh vangin damdawiin a lut leh chiah a kalsan chi niin a hre silo, mahse leh lamah John in a call leh message a chhang thei bawk silo, rilru hah deuh chuan a tai a tai a.
Doctor a rawn lut a, a nu dinhmun thatloh thu leh a zual zel thu a rawn sawi a, Timothy chu a bing mup* ani ber mai, room chhungah chuan amah anu nurse, a nu unau nu leh doctor chiah chu an awm a, hetiang hunah pawh apa hmel reng hmuh tur a awm lo chu a thin a rim em* a, chutah John biak tlang theih in a awm silo, an chhung ah engnge thleng tih ngaihtuah reng* Timothy chu a awm niber.
Zan ah chuan vanneihthlak takin Timothy nu chu engmah buaina awm loin a mu thei hlauh a, Timothy erawh a meng kar reng thung, a lehlam ah a nu a buaipui a, a lehlam ah John biak tlang a tum bawk, buai tak ani ringawt.
Zing dar 8 velah chuan damdawiin a chhuahsan a, ama in pawh pan hmasa lo chuan John te in lam a pan a, an kawngka bul a thlen chuan a kik mai a tum a, mahse an ni lo ang taka alo inkalh loh vang chuan a lut tlang ta zawk a.
In a luh chiaha a mi hmuh hmasak ber vang a ding dat a, Esther-i ni, chu chu Timothy an John te ina a mi hmuh duhloh hmasak ber ani hial awm e. Timothy kawngka bula ding a hmuh chuan Ben chuan ava kuah vat a, engmah pawh a zawh hmain Ben chuan "Apa a dam loa" a rawn ti a, Timothy chuan phawk deuh hian alo melh a, a zawh chian dawn chiah chuan Esther-in a rawn hmu a, Timothy an John te ina a hmuh ang bawk khan Timothy a hmu chu mak ati tih a hmel atangin a hriat theih.
Timothy an thil awmzia a zawh chuan, John khawsik a a tlun char* thu leh zana John in kal hma tura a rawn hrilh vel te chu a sawi a, Timothy chu a sa tha phat* hle, amah hrilh loa Esther-i a hrilh mawlh chu ni a hriatthiam loh, mahse John a damlo a tih miau vangin thinrim na ai chuan John a ngaihtuah na chu a nasa zawk.
"Ben hi lo va hruai rawh, John chu ka lo buaipui ang" ati nghal charh a, Esther-i chuan alo hnial tak naa Timothy hmel rum zet a hmuh chuan a hnial rei ngam lo aniang chu Ben chu a chhuahpui nghal a.
Room a luh hmaa in a tihfel vel thuak* lai chuan a phone a rawn ri a, a secretary ni, a phone chu chhangin vawin hna kal dawn loh thu leh pawimawh a awm chuan a phone a lo thon mai tur chuan a ti a.
Room ah chuan ava lut a, John chu alo inkhuh hlun a, room inhawng ri a hriat chuan Esther-i mo ala ti ni ngei tur ani, "Es a vawt lutuk damdawi ka ei mai ang, dawhkan ah khan a awm min lo pe" aw khur deuh hlak* chuan a rawn ti a, Timothy chuan dawnkan lam a hawi vat a, dawndawi chu a hmuh chuan a la a, no ah tui thlit sak thlapin a pahnih chuan ava pe a.
A bul ava thlen chuan John chu a rawn tho tiah* a, a mit men a Timothy a hmuh chuan mak a tih vangin a meng nghal kawk thei. "Khaw.. khawnge Esi kha?" tia a zawh chuan Timothy chuan a chhang lo, a thinrim a insum hram* ani. "Kha ei rawh" tiin damdawi leh tui chu ava pe a, John chuan Timothy mitah pawh en ngam lo chuan lain a ei a, a bula no a dah rual chuan "Ka tha vek tawh, va haw rawh, hna kal te I ngaih kha" tiin khum atang chuan thoh mai a tum a, mahse a tho lo nasa mai. Timothy chuan a dar lehlam lehlam a vawn sakin a tha chak zet hmang chuan khum ah a mut lui leh hrawk a, a hmer na angreng si John pawh a ner ve nak a.
"Ka thinrim sa teh nia, lo belhchhah suh" awri nem lem lo taka a tih hnu chuan a chhuahsan a, John chuan nuamlo ati lutuk, amah nilo a Esi a koh avang khan Timothy ana dawn tihpawh a hria, mahse a ngai tlat si ni. Rei vak lo ah a rawn let leh thuai a, khawsik ena, towel fai leh tui lum a rawn keng a, John chu kuai zangthal in khawsik en na chu John a hmuam tir a, chumi chhung chuan a towel chu tuiluma chiahin a sawr leh a, John chalah chuan a dehsak vang* a.
John khawsik a en nak chuan alo sang khawp mai, damdawiin a hruai a tum deuh ut* nain John chuan thih hreh tak meuh* hian alo hreh a.
Damdawiin a kal a duh miau siloh vang chuan Timothy chuan John chu a buaipui a, anu alo awm ve tawh thin tho vangin a tan a awlsam phah ani, John chuan lo duhlo viau mahse dang turin tha a nei tlem em a, lo dawh tawp loh chu a thei bik lo.
Darkar 3 leh chanve vel zen zawn John a mut hnuin a rawn zi tiang* a, damdawiin a rawn chhawk tan vangin a thaw sa hle bawk. A puan te chuan a tlawh thla deuh nghal titih a, Timothy chuan John rawn harh velah chuan a pang a deh sak nghal vat a, alo daih diak chuan Timothy chu tho huai thei. John chuan dar a en a, a mut chhung zawng khan Timothy a bulah a awm char* tih a hria a, a lung a chhe leh lek* tawh.
"Ka tha vek tawh, va haw tawh rawh" a thawh hnua minutes 10 vel tu zawk mah an la tawng siloh ah chuan amah zawk chuan a rawn ti a. Timothy chuan engnge thil awmzia chu a hrelo takzet, a hma zan lawk pawha tha taka la inbia kha heti thut a awm nachhan, "Engnge mo I hriat le, lungawi lohna I neih chuan sawi tawp zawk rawh, hetiang hi ka thiam ve lo" ati chhuak ta nge* a, John chuan en pawh en lo hian, "Ti tawp vek ang" ati ta hak a, Timothy chuan a hma ai bangbo mah hian John chu enin, "Tawp itih chu enge awmzia?"
"Kan inkar hi, kan thlen thui tak* hmain, ka hmangaiha tak* a ka thlah theih loh hun che a thlen hma hian ti tawp ang" atih chuan a vawh vang niloin a kut chu a khur a, a thil sawi khan ati na dawn lutuk tih a hria a, mahse atih loh chuan a kalsan dawn silo. Timothy chuan ngawi ngal hian a en a, a rilru chu vawi tamtak chema vih sawk* ang maiin a na a, ani chuan a nihna zawng* leh theih tawp meuh* in John leh a fapa thlengin a hmangaih tawh a, John in khatia a tih vang khan ana em ani.
A ngawih reng vang chuan ava hawi chhuak, Timothy mittmeng leh a lo endan chuan ama sawi ngai miah loin a na hle tih a tilang a, chutianga Siam tu ani tih a inhriat chuan John pawh sawifiah thiam loh tur khawp in a thinlung chu a na a, khawvel mi zawng* ah Timothy hi tihnat a duhloh ber te zinga mi ani. "Ben ka va lam ang" tiin thoh mai a tum a, mahse John chuan, "Es-in a rawn hruai haw dawn" alo tih khalh a, chu chuan Timothy hliam neih ah chuan chi a phul hi ani ringawt, John chu en tlawk* in, "Engnge tihsual ka neih, ka hmangaih che tih pawh I hria, min la hmangaih ve lo mahla ka nghak ang che ka tih kha I hre tawh lo mi?"
"Kan pahnih chuan kan rem tak* thei dawn chuang lo, inu leh pa tan fapa tha tak ni la, chhungkua te din rawh, chu* itih tur ani"
"Chhungkua chu ka nei ta emo ka lo intia tia, mahse ka lo nei lo tawp anih hi" thu mai ni mahse chu chuan John chu a tina hle a, Timothy hian ti em* in alo hmangaih hman a inring bik lo, "Ka hna vanga ka chauh em* chang te, ka pa vanga ka thinrim em* chang te leh ka nu vanga ka rilru hah em* chang te in tudang bulah ni loin in bulah ka rawn kal thin. Eng ang dinhmun a ka awm lai pawn in hmel ka hmuh ringawt pawn ka dam a, ka buaina zawng* ka theihnghilh phah thin" atih chuan John chu a mittui a rawn hnam tiak* a, "Vawi tamtak lo awmlo ta ula engtin nge ka awm ang tih hi ka inzawt thin" a chawl dat a "Ka thlamuan leh ka hlimna ber te chu ka chhungkua ka tih loh cheuin tunge ka chhungkua ka tih ang?" atih chuan John chuan chhan ngaihna a hre tawh lo, a mittui chu dan rual loh in a luang zawih* a.
"Hei chiah hi ka zawt ang che, min lo hmangaih ve ngai lo tih chu ka hria mahse khang hun kan hmang dun zawng* kha I tan engmah zawmzia a awm ve lo ami? Ka mita en chung hian chhana min pe rawh" tiin a zawt a, beisei nei takin John mit ah tak chuan a en kar bawka, John chuan sawi tumin vawi tamtak a ka a ang zuau thin a, mahse Timothy mittmeng vang chuan a theih thlot lo, "I thei lo tiro?" beiseina nen chuan Timothy chuan a chhanna a en reng a. John mitthla ah chuan Timothy pa a rawn lang a, mittui luang zung* chung chuan, "Tipalh, engmah ka tan awmzia awm lo" Timothy en ah reng chuan ati a, a thusawi vang chuan ani pawh ana hle.
Timothy chu engmah sawi tawh loin a tho a, a inher dawn lai tak chuan khum bula Louise leh John thlalak chu fram hian alo inhung a, en mai pawh chuan an hlim tih a hriat theih. A vawikhat nan leh a duh miah loh in Timothy chuan Louise chu a thik takzet, vawikhat chiah tal John hmangaih ve nih chu a duh ani, chutianga khawvela awm tawh lo a thik ta mai chu Timothy chuan nep a inti takzet, mahse a ngaihtuah na chu a thunun thei silo. John lakah feelings a nei tih a inhriat tan atang daih tawh khan a hun kal tawh vanga an inkar tihbuai loh tur thu Timothy hian alo intiam tawh a, John hun kal tawh lehzela thu va neih a tum lo, a tan chuan tun hun leh hmalam hun a pawimawh ber ani.
John in a en reng tih a hriat chuan frame chu ava en ve a, Timothy chuan zawi sep hian, "Eng anga hun harsa ka tawh lai pawn, midanga nih hi ka duh in ka la ngaihtuah ngai lo, mahse tunah tak hian a vawikhat nan tak meuh* in keimah ni loin midang ah lo piang zawk ila ka ti" tiin a chhuak a, John chuan a thusawi chu sawi leh ngai loin a hriatthiam lutuk ringawt, kawngka pui inkhar ri a hriat velah chuan, "Nangmah alom ka hmangaih chu, ngati nge chutiang te I sawi" tiin aw chhuak silo chuan a tap ta zawih* a.
_______________________________________
Sad part te hi a awm ve loh chuan a kim loð