Chapter 43: •CHP-42•

•••

Nim tariqi mein aankhon ko chubti hui roshni laptop ki screen ki thi. typing ho rahi thi magar typing ki aawaz bahar haal nahi thi. usey pyaas lag rahi thi. halaq sookh kar ka kata hua tha. kisi qader koshish se woh kohni ke bal par hui. haath barha kar side table ka lamp on gaya. pani ka jung ya glass wahan nahi rakha tha.

"kuch chahiye?"

Laptop cushion se hata kar aik taraf rakhte hue aur uski taraf mutwajja ho chuka tha.

"Pani"

uski aawaz neend se boujhal, aur ankhen khamar bhari thi. madham si roshni mein bhi woh uske chehre ki pasmrdaghi ko mehsoos kar sakta tha.

guzashta kuch dino se uski tabiyat kharab thi. do bar hospital bhi le ja chuka tha, woh medicine aur zaroori ka supplements bhi le rahi thi magar kabhi bukhaar kabhi sar dard, aur kabhi kamzori ke baais tabiyat nidhaal hui rehti thi. Lihaf hata kar aik side par karte hue woh room freezer ki taraf barh gaya. pani ki bottle aur glass utha kar uske paas aaya to woh tab tak uth kar baith chuki thi. usne glass le kar pani piya.

"Kisi cheez ki zaroorat to nahi?"

woh puchh raha tha. jannat ne khaali glass side table par rakhte hue usey dekha. pichhle teen dino se woh aisi hi

aik nazar us par zaroor daalti thi. shak, herat aur uljan bhari nazar.

"Meri ghair mojudgi mein tumhare sath koi haadsa paish aaya tha?" usne pucha.

"Nahi! kyun?" woh uske sawal par kuch heran huwa.

"Tum mujh se puchhte ho, kisi cheez ki zaroorat to nahi, matlab tum puchhte ho."

haath se ishara kya.

"Nahi puchhna chahiye ?"

"Poore paanch mah tak nahi puchha to ab kyun ?"

sawal baja tha. aitraaz bhi baja. Wo la jawab huwa. zair lab kuch barr badate hue woh takiye ko durust karti nim daraaz ho gayi. farsi doosri taraf apni

sabiqa position mein aakar beth gaya tha. lihaaf tango par daalte hue cushion par laptop rakha aur aik baar phir apne kaam karne laga. woh uski janib karvat badal kar gaal ke neeche haath rakhe khamoshi se usey dekhne lagi. aankhon par frame less glasses the, peshani par bal be tartibi se bikhare hue, yaksoi se apna kaam karte hue aur aitraaf se aksar beniyaz nazar aata tha.

"Jante ho aksar amina mujh se kya ke rahi theen?"

uski aawaz neend se mutasir lag rahi thi.

"kya keh rahi thi ?"

Faris ne nazron ka zawiye hain badla tha keypad par ungliyan taizi se mutharrak thee.

"Aap tension na le mrs. faris! kya matlab kyun tension na lu? yeh doctors is tarah ki nasihate hame kyun karti hain. matlab shoharo se kyun nahi keh sakti, apni biwion ko tension na do."

dheema lehja kuch naram, kuch khafgi bhara. Mister faris! uski baatein, uska qissa lehja andaaz. wo aise hi ladne ke chakkaro mein uske dil ke taar chairr gayi thi.

Faris ne be sakhta laptop se nazrein bana kar usey dekha. usey laga ke do apna focus apne kaam prnhin jama sakega. Dheemi si zarkar roshni mein Jannat ka momi chehra numaya tha. surkh aankhon mein khafgi thehri hui thi. peshani par dhair saare bal thay. aik lamhe ke liye agar uske tassurat naram hote the to doosre pal aur shadeed ghusse mein nazar aati thi.

"Achha batao kya tension hai tumhe?"

uska yeh andaza lehza rawaiyya jannat ke liye qatae naya tha. woh lamhe bhar ke liye heran, phir doosre pal kuch pareshan aur teesre second mein sadme se bahar aagai.

"Tum hi to meri sab se bari tension ho."

Bhunna kar keh diya. guzashta teen dino se woh jis tarah uska khayaal rakh raha tha to na chahate hue bhi usey khamosh rehna para tha. woh usey gussa, narazgi khafgi, kuch bhi nahi dikha saki thi. bas khamosh rahi thi. ab mazeed khamosh nahi reh sakti thi.

"Maine kaha tha mujhe tumhare sath kamra share nahi karna. aur dekho, mujhe bed tak share karna par raha hai."

"Aur auntie se tum kya kehte ho? she is free to do as she wants!"

ba qaida chehre ke utaar charhao ke sath usne faris ki naqal utari. usne apne

labon par umdti muskurahat ko daba liya.

"Tumhari tabiyat theek nahi hai to is liye."

"Is liye kya?"

Kohni ke bal upar ho kar usne faris ko mashkook nazron se ghora.

"Pehli baar to kharab nahi hui. aur yaad hai tum ne aik baar mujhe haath se pakar kar bed se utaara tha. sona hai to sofe so jao warna is kamre se dafa ho jao."

aawaz bhaari kar ke, chehre ke tasurat sakht kar ke uski naqal bahut khubsurati se utari thi. woh mehez ka khankhar kar reh gaya .

"Us din bhi meri tabiyat kharab thi. sar mein dard tha. haath paon dukh rahe thay. us din to tumne meri koi timadari nahi ki thi?"

faris ko andar hi andar apni is harkat par bohat afsos huwa.

"Haan! lekin jab tum Lahore se aayi thi tab ki thi."

Wo jo kuch kehne ke liye muh khol hi rahi thi ab bhinch kar reh gayi.

"Isliye ki thi taake mujhe jata sako ?"

"Mera yeh matlab nahi tha."

"To kya matlab tha tumhara? "

kya uska larai ka mood ho raha hai? faris ne achambhe se usey dekha .

"Tum maan kyun nahi lete ke mujhe tumhari marzi ke mutabiq jeena par raha hai. pehlay bhi, aur ab bhi?"

qatra qatra lafzo ka tezaab faris ko andar hi andar jhulsane laga.

bazahir woh aam se lehje mein baghair kisi dukh ka izhaar kiye baat karti thi magar woh uska gham, uska dard bahut

andar se mehsoos karne lagta tha.

"Tumhare dimagh mein chal kya raha hai ab?"

Uski khamoshi se aajiz aa kar woh bohat sanjidgi sepooch rahi thi .

"Tum khud ko pareshan kar rahi ho." usne kaha.

"Pareshan to tum mujhe kar rahe ho."

woh uski aankhon mein ankhen gardh kar boli.

"Mein kaise maan lu tum ab koi chaal nahi chal rahe? ya ab tumahra koi plan nahi hai? yeh kaise ho sakta hai? is tarah rawaiyya badal kar tum mujhe bewaqoof nahi bana satke."

usne wazeh keh diya. Faris chand lamho tak usey khamosh nazron se daikhta raha.

"Aadil Ahmed kal tumhe catlogue de jaye ga. furniture pasand kar laina. aik do din mein kamrah furnished ho jaye to phir tum niche shift ho sakti ho."

uska lehja sakht nahi tha nah hi lafzo mein nafrat ki kaat thi.

"Haan tum to yahi chahoge, tum to pehle bhi yahi chahte the ke mein is kamre se nikal jau."

woh kuch herat se usey dekh kar reh gaya.

"Mein to bas is liye ke raha tha kyun ke tumhe allag kamar chahiye."

"Haan chahiye. bilkul chahiye. jab tak mein yahan hoon, mujhe allag kamrah hi chahiye. tumhare sath reh reh kar  kar mujhe pagal nahi hona."

sard lehjey mein keh kar kahin aur dekhne lagi. woh chand lamho tak usey daikhta raha.

"Chalo tumhari aik tension to kam hui."

muskurahat daba kar kaha.

"Tension kam nahi karni mujhe khatam karni hai."

wo uski dida dileri par heran hue bina na reh saka.

"Ab mein khud ko is liye to khatam nahi kar sakta ke mein aik tension hoon. lekin koshish kar ke khud ko thoda sa badal sakta hon. Tension ki jagah kuch aur ho sakta hoon."

uska lehja khalis dostana tha. gardan mour kar woh kuch sadme se usey dekh kar reh gayi. kahan woh jara jara si baat par aape se bahar ho jata tha aur kahan ab kisi bhi baat par gussa nahi aa raha tha.

"Mujhe poora yaqeen hai, tumhare sar par koi chout lagi hai."

"haan chout to lagi hai lekin sar par nahi."

Uska muayne khairz jumla  jannat ke sar par sar pe se guzar gaya. woh uske pur sukoon rawaiyye par tap gayi. uski muskurahat se chirr gayi. phir gehri saans le kar apne asaab par qaboo paate hue uski taraf dekha.

woh seene par bazu bandhe chehre ka rukh more usey sanjeedgi se dekh raha tha. laptop ki roshni uske nafis glasses par munakis hoti sunheri mael lehro ka ta-assur de rahi thi. glasses mein acha lag raha tha wo foran se nazar bana kar dil ko jhirak diya ke glasses ke sath acha lage ya bura usey kya ?

"Mat bhoolna ke mein yahan auntie ki wajah se sirf dilivery tak hoon. unhone mujh se wada kiya hai."

apne andar bahut sara khauf aur dhair sara ghusaa liye pichhle teen dino mein yeh baat kayi baara dohra chuki thi.

"Tum janti ho, mein mummy ki koi baat nahi talta."

woh bas us aik Jumle se hi uske khadshaat rafa kar sakta tha.

"is baat ki tasalii hai, warna tum par mujhe choonti jitna bhi bharosa nahi."

keh kar karvat badal gayi. Faris ne kuch nahi kaha. Jannat ne gehri saans le kar ankhen moond li. Adina Zubair ka tasawwur aik taraf mrs. Shirazi ki hidayte aur nasihate doosri taraf aur aane wale waqt aur faris ki tension teesri taraf itna to woh bhi janti thi faris mrs. shirazi ki koi baat nahi talta tha. yaqeenan unhone hi isey khayaal rakhne ka kaha hoga.

ab baat bache ki thi to woh na chahtay hue bhi lehjey aur rawaiyye mein badlao le aaya hoga. apni aulaad ke liye insaan itna to karta hi hai. haan itna to karta hi hai.

"Aik sawal pouchon tumse?"

"Hmm"

nigahe screen par markooz theen. woh kuch type kar raha tha. jannat ne uski taraf karvat badli.

"Adina Zubair ne tumse Talaq kyun li?"

faris ki unglio ki harkat thami. saans thehr gaya. woh sawal, sirf sawal nahi tha. madham roshiniyon ke fanoos goya chattake se toot kar uske hawaso par gira. uske tassurat badal gaye. narmi mafqood ho gayi. gardan morr kar usne jannat ko dekha.

Takiye par sar rakhe, lihaaf honto tak kheenche woh usey hi dekh rahi thi. bazahir lehjey mein koi chubhan nahi thi. na hi aankhon mein dard ya tajasus nazar araha tha. magar woh sawal, woh aam sa sawal nahi tha. itna khafeef bhi nahi ke puchne wale par bhi assar andaaz na hota.

"Raat kaafi ho chuki hai. ab sona chahiye."

usne laptop band kar ke uthna chaha.

"usne tumhe chorra aur tum phir bhi usey apnaana chahtay ho, kyun?"

woh sarapa sawal naahi par chhoo rahi

thi. lehja ghusse se aari tha. Na sakhti thi, na khafgi.

Faris ne bohat narmi se uske haath par haath rakha.

"Tumhari tabiyat theek nahi hai tumhe ab aaraam karna chahiye."

"Tumne mere mobile se saari tasweere delete kar di, yeh samajh kar is tarah meri yadasht se bhi sab kuch mit jayega?"

woh uski nahi sun rahi thi, woh sirf apni keh rahi thi. wo ruk kar usey dekhne laga.

jannat ki sard aankhon mein ki nami thehr gayi, chehra posheeda tha magar aziyate to phir bhi aankhon se jhalakti hain.

"Maine dekha hai tum uske sath kitna khush the."

usne kaha. wo mout jaisey sannate ki zad mein aaya tha. usey andaza nahi tha, woh aisi baat karegi, aisa sawal, aisa karegi.

"Mein, mein is par koi baat nahi karna chahta!"

Kis kadar koshish se usne kaha.

"Mein bhi nahi karna chahti thi, magar tum har bar meri pehli shadi ko beech me le aate the.

Jannat ka lehza abki bar jara sa tark hua tha.

"Mein galat karta raha to kya ye jaruri hai ki tum bhi wahi galti dohrao?"

'galti ka aitraaf! Haan, ye galti ka aitraaf tha.' kuch to tha uske lehje me, uski awwaz aur uski aankho me, bazaahir sanjida sapaat chehra. Dukh aur gham se muqammal aari magar kuch to tha.

"Me zikr nahi karugi to tumhe meri taklif ka andaza kese hoga?"

Wo uth kar beth gayi.

"Ye kaise pata chalega ke jab kisi ladki ki doosri shadi hoti hai to wo apni pehli shadi ka zikr kisi soorat nahi sunna chahti!"

"Tum zikar na bhi karo to mujhe andaza hai tum kis takleef se guzarti rahi ho"

Jannat apni jagah tham gayi. Aankho me karb utar aaya. Dil gham se bhar gaya.

"Tumhe andaza hai? Wo bhi meri takleef ka? Sirf is liye ki me tumse tumhari pehli biwi ki baat kar rahi hu, tum mujhe is tarah ke jawab de rahe ho."

Uska ghussa badne laga tha, bardash khatam ho rahi thi.

"Ex wife!"

Faris ne tarjeeh ki.

"Aur me chahta hu tum uske bare me mere se koi baat mat karo!"

Usne sanjidgi se mana kiya. Lehja abhi bhi shakt nahi tha. wo jaise normal lehje me bahut normal si baat kar raha tha. Magar uske andar.

"Kyu baat na karu?"

wo uth kr uske samne aan khadi hui.

"Wo mere samne aa sakti hai, mujh se baat kar sakti hai. Apni mohabbat aur tumhari deewangi ki daastan bhi suna sakti hai. Lekin me tumse is bare me koi baat na karu?"

Aankho me hais or khfs ka thate marta samundar tha. Lehja gussila, awaaz pathrili. Aaj se pehle wo use itne ghusse me kabhi nazar nahi aayi thi.

"Tum mujhse mere maazi ke bare me sawaal kar sakte ho, Meri Sabqa shadi ka mazaaq uda sakte ho, mere kirdar par baat kar sakte ho, lekin me tumse tumhari zindagi ke bare me auk chota sa sawal bhi nahi puchh sakti?"

Wo aziyat se hashi. Aankhe dar ho chuki thi. Magar Faris wo khamosh tha. wo bilkul khamosh tha. uske lab baham pevist the. Uski aankho me veraani utri hui thi. uska chehra tassurat se aari ho chuka tha. wo itna bol gayi thi. Itna keh gayi thi. Aur wo phir bhi khamosh tha. wo sar uthaye khadi thi. wo sar jhukaye uski aankho me dekh raha tha.

Yakayak Jannat ko ehsaas hua usne Adina Zubair ka zikr chher kar apni position kam kar li hai. apna khouf apne khadsaat Faris wajdan par ayaa kar diye hai. Usne parda hata diya hai. usne tariki badha di hai.

"Mein isliye nahi puch rahi thi ki mujhe tumhari zindagi me koi interest hai"

Apne jazbaat par kabu paate hue. usne awaaz khofda lam mazboot kar liya. wo jo nami uski aankho me ubhri thi, use chhupa liya, wo jo khouf sa zaahir hua tha, lehje se, baato se, use daba liya.

"Mujhe tumse koi matlab nahi. Pehle bhi keh chuki hu, ab dobara keh rahi hu."

"Bhale se kisi bhi Adina pudina ko apni zindagi me le aao, I really don't care!"

"Lekin me jab tak yahan hu ek hi ghar me uske saath nahi rahugi, end of discursion!"

apni baat khatam karke wo bed par ja laiti thi lihaaf sar par taan liya tha. Ab khamoshi se saanso ko gin rahi thi. Apni dharkano ko sunn rahi thi. Dil ro raha tha, dil tadap raha tha. Mout ki si khamoshi me use darwaaza kholne aur phir band hone ki awaaz aayi. Kamre me uske siwa koi na tha. Uski dhimi dhimi siskiyan gunjane lagi. Jane usne sahi kiya tha ya gaalat. Magar ab wo ro rahi thi.

•••

subah uski aankh khuli to us waqt das baj rahe the. pehle pahel dhund mein lipta dimagh maoof raha. phir khayaal ubhre, baatein yaad aayi, apni behas  aur faris ka rawaiyya yaad aaya. uth kar baithte hue usne bed crown se tek laga li. Or dressing table ke samne khara faris tie ki knot bandh raha tha. chehre ke tasurat normal the. woh uski tayari dekh kar kuch heran hui ke aaj uska off tha magar apne kaam se kaam rakho usool ke tehat usse pooche ki koshish nahi ki.

"Kaisi tabiyat hai?"

mamool ki tarah woh aaj bhi pooch raha tha. lehja sard tha nah tasurat mein sakhti thi. wo roz jawab deti thi, aaj khamosh rahi.

tie ki knot bandhne ke baad usne perfume chhirhkha. phir samne sofe par baith kar joote pehnne laga.

"Jaroori kaam se chand dino ke liye Germany ja raha hoon."

"Mujhe kyun bata rahe ho?"

uska wohi khafa ukhra lehjey. halaanke aitraaz us par karna tha ke ab kyun bata rahe ho.

"Nahi bta sakta ?" usne sawalia abr ucchkaai.

"Pehley nahi batate the to ab kyun bta rahe ho?"

ab ke rukh badal kar uski aankhon me ankhen daal kar poocha.

"Pahuch kar call karuga."

woh uska sawal nazar andaaz kiye apni kahe gaya.

"Mein receive nahi karugi." wazeh keh diya.

Wo use nahi dekh rahi thi to us ki muskurahat bhi nahi dekh saki thi.

"Mein message karuga."

"Mein nahi parhugi."

chehre ka rukh mushriq ki taraf tha. usey faris ki baton par ab ghussa  aa raha tha. woh aisa kaisay zahir kar sakta hai jaise kal raat un ke mabain koi baat nahi hui thi. loi larai ya behas nahi hui thi.

"Recording bejuga."

"Mein tumhe block kar dugi." wazeh dhamki.

"Oh! to tum to bilkul theek ho mein aise hi fikarmand ho raha tha."

woh muskuraya. woh acha khasa tap gayi magar thammul se baithi rahi.

Wo chand sakoo tak usey muskarati nigahon se daikhta raha, phir uth khada huwa.

"Apna khayaal rakhna."

"Yeh baat mein tum se nahi kahugi."

"Khud ko bewa hone se bachane ke liye bhi nahi?"

"Kya museebat hai."

woh be tarah se chirr kar jhunjhlati aur uthne ka irada tark kar ke dobara lehaaf mein ghus gayi. aur woh khada raha. Mutabassam nigaho se usey takte hue. uski mojudgi ko apne aas paas zindagi ki tarah mehsoos karte hue .

pal bhar mein kitne manazair the jo aankhon mein samaaye the. Uska see off karne ke liye uske peeche bhagte hue gaari tak jana, darwaaza kholna. be tukki si baat par behas shuru kar dena aur phir

rehna. dhara dhar messeges, aur khud se sawalaat. usne kuch aziyat se khayalat ko jhatak diya.

"Allah Hafiz"

usne kaha. jannat ke wujood mein koi jambish na hui. kuch der baad qadmo ki aahat ke sath darwaza  band ho gaya. sukh bhari saans le kar lehaaf hataya. kuch der tak apni jagah chup chaap baithi rahi. phir uth kar balcony mein ja khari hui. usey Faris wajdan guard ke hamrah apni gaadi ki taraf jata huwa nazar aaya.

kisi ehsas ke tehat wo ruk kar mura. jannat taizi se hat gayi. dekhe bina hi jaan gayi thi woh isi taraf hi dekh raha hoga. kuch hi der baad gaari start hone ki aawaz aayi. usne sar nikaal kar aik baar phir dekha. aqbi nashist ka sheesha neeche huwa tha. ghari ke chamakate Dial wala haath bahar nikla. Faris ne haath hilaya.

usne gur bara kar apna sar andar kar liya.  woh uski har harkat ka kaise andaaz laga laita tha?  Harbara wash room mein ghis gayi thi.

•••

woh naraaz thi. uska mood bilkul bhi theek nahi tha. kabhi khud par gussa aa raha tha aur kabhi Faris par kabhi apni soch uljhane lagti thi aur kabhi faris ka rawaiyya sulghane lagta.

Nashte ke baad lawn me tehelte hue woh hatta la imkan pur sukoon hone ki koshish karti rahi aur us koshish mein buri tarah se nakaam hoti rahi. us par nazar jamaye aqsa ne koi saatvi bar thandi aah bhar kar apne kamray ki khirki se sar andar kiya tha. do baar moazrat ke liye ja chuki thi. teen baar  I'm sorry wale card  bheje the. chaar baar dur kaan pakar kar bhi dekhaya tha magar uski aapi wo to kuch manne ko tayyar hi nahi thi.

aik lambi si thandhi aah bhar kar apna sar takiye par rakha aur barri budi ki tarah thandhi aahein bharne lagi. aur tab hi usey gaari ka horn sunai diya. gate khulna ke sath hi gaadi andar daakhil hui. Jhat se uth kar khidki mein aayi.

Porch me safad Yaris khadi thi. Aadil ahmad bahar nikla tha.

"Allah! Ye kya Kar raha hai yahan?"

Glasses hata kar mashoof ne sidhe quarter ki taraf dekha tha. Wo jhat se parde ki ot me chhup gayi thi. Dobara mohtata ho kar sar nikala to lawn se mohatat ho kar sadar darwaze ki taraf jaa raha tha. hath me sayad koi file thi.

usne gehri saans le kar foran aaina dekha. chehra bilkul saaf aur nikhra nikhra sa tha magar usey apni us raat wali shakal hi nazar aa rahi thi. aur yahi aaj se nahi, aik hafte se ho raha tha .

"Chalo acha huwa jannat aapi khafa hain. is tarah mujhe uske samne to nahi jana parega."

usey tasalli hui. kaise hash raha tha us din. Aadil Ahmed chehra yaad aaya to apna chehra ghusse se surkh hone laga.

Aim usi lamhe darwaze par dastak hui. ja kar khola to samne mulazma khari thi.

"Aap ko choti sahiba bula rahi  hain."

"Kon choti sahiba?"

uski hawaiya urr gayeen.

mulazma ne usey aisay dekha jaise is ki aqal par shak guzra ho.

"Jannat sahiba!"

Wo ghabra gayi.

"Mujhe" ungli se apni taraf ishara kya .

"Jee haan aap ko."

wo paigaam de kar chalti hain aur aqsa ki to sach much par jaan  jaan par ban gayi.

"Woh to naraaz hai mujh se. kyun bulaa rahi hain aakhir?"

usey rona aaya. aik baar phir aaina dekh kar tasalli ki ke kahin liner winer, Mascara, saskara waghera ke nishaan to nahi. Phir apne tasurat par qaboo paati wajdan house ki taraf barh gayi.

markazi darwaze se lounge tak wo aise gayi, yeh sirf wo hi janti thi.

"Aapne mujhe bulaya?"

poooray aetmaad ke sath jannat ke paas ja ki khadu hui. samne Aadil Ahmed Barajman tha. mulazma use mashroob paish kar rahi thi. Aqsa ne ne bhoole se bhi uski taraf na dekha.

"Tum meri manager ho?" Jannat heran thi.

Aadil Ahmed muskurahat daba gaya.

aqsa ki shakal dekhne layaak thi. chunke rukh jannat ki taraf tha to aankhon hi aankhon mein aur zabaan hilaa kar usey ishare diye ke aur kuch na kahin. is chinese Aadil ke samne to bilkul nahi ke mazeed be izzati wo afford nahi kar sakti thi. kar sakti

"Aqsa?"

"Jee aapi woh mein"

ghabra kar daine ka Palu unglio mein ghumaya. AC ki thandak mein peshani pasine se tar buttar, hosh uray hue. Jannat ne gehri saans le kar usey dekha. halaanke bulaya to is liye tha taake uski class li ja sake magar.

"Jaisa ke mister aadil aap jante hain, mein apni manager ke baghair koi kaam sar-anjaam nahi deti."

aqsa ki jaan mein jaan aagai mamnon hoti nigahon se apni malikan type aapi ko dekha. Aadil Ahmed baham si muskurahat ke sath sar hila kar reh gaya.

"Betho!"

Aankhon se ishara kiya to woh jannat ke barabar mein beth gayi. Catlog thmaya. safhe palte.

kya shaan daar furniture ki tasaveer theen. Aqsa ki ankhen phail gayee.

"Aap dekh kar mujhe message kar dijiyega."

Aadil Ahmed apni jagah se uth khada huwa.

"Ab ijazat chahta hoon."

coat ke button band karte hue kaha.

"Lekin isse pehle, kya mein mrs. shirazi se mil sakta hu ?"

"Sure! mein bula kar lati hoon." jannat uth kar chali gayi.

Aadil ne Aqsa ki taraf dekha jo catlogue par nazrein gadhe hu baithi hui thi jaisay duniya ka koi mushkil tareen kaam uske hawale kar diya gaya ho aur jaise sar anjaam diye baghair dunya khatam ho jana ho.

"Kaisi hain aap?"

suni un suni kiye khamosh rahi.

"Iske sath make up pamplet bhi hai."

Aadil ne furniture catlogue ki taraf ishara kiya.

"Ye brand water proof make up muhayya karti hai. thora mehanga ho sakta hai. But it's worth it! Meri cousin yahi istemaal karti hai."

aur aqsa ka jee chaha zameen phate aur woh us mein sama jaye.

"Aap apne mashware apne paas rakhen."

Sar utha kar kaha. magar jis tarah usne apni muskurahat numaya ki usey ehsas hua woh abhi bhi uska wohi chehra dekh raha hai.

"Allah kere iska paon phisle, keechar mein gire, sidiyo se lurke office ke poooray staff ke samne."

tap kar socha.

"Aap un se mil satke hain."

Jannat ne aakar kaha to woh uth kar mrs shirazi ke studio mein chala gaya.

Aqsa  ne make up ad ke safhe nikale. choti se choti cheez ki qeemat bhi koi hazaar do hazaar ke qareeb thi. apne chand aik tabaq roshan karwa kar usne pamphlet band kya.

"Mein ne kon sa ab kabhi make up karna hai." pamphlet tod maror kar ekhatta kiya.

"Natural look hona chahiye hain." dahine haath se balon ko jhatak kar uth gayi.

Mrs. Shirazi ki madad se apni pasand ka furniture muntakhib kar ke aadil Ahmed ko msg bhejne ke baad jab farigh hui to faris ka message aa gaya. notification rerecording ki thi. woh bad maza hui ke agar woh msg likh kar bheja to tick blue off kar ke wo aaraam se message parh sakti thi magar yahan to pegham janne ke liye recording sunna zaroori ho gaya

tha aur rerecording to har haal mein ishara deti hai ke usey sun liya gaya hai .

mobile side table par rakh kar wo magazine ki waraq gardani karne lagi. Usey faris wajdan ko bilkul hi tarah se nazar andaaz karta tha jaise wo karta tha.

magar yeh suspense ke usne kya kaha hoga, use koi bhi kaam nahi karne ds raha tha. fashion magazine ki rang birangi tasaveer se uski dilchaspi khatam ho gayi. magazine rakh kar mobile utha liya. uska aik whatsapp group tha. jis ki bas wohi ekloti mumbar, aur ekloti admin thi. faris ki recording tap kiye baghair usne group mein share ki. phir tasalii se suna shuru kya.

"Jaamta hoon tum mujhe sun rahi ho. yeh tark trick mujhe bhi aati hai."

Garbara mobile band kar ke pare rakha jaisey wo abhi ke abhi mobile se nikal aaye ga.

"Museebat" burr bara kar uth gayi. mobile usne kamre mein hi chhor diya.

raat gaye tak faris ke kayi messeges, kayi recordings aur kayi tasaveer masool hoti rahen magar usne uska har beej message andekha rehne diya. bilkul waise hain, jaise wo an dekhi reh jati thi.

❏❏❏