Chapter 42: •CHP-41•

•••

woh kitchen counter par mobile hathon mein liye baithi thi jab sadar darwaze se andar daakhil hotay hain. Faris wajdan kitchen mein agaya. bachon ke jane ke baad do ab hi usey akeli nazar aayi thi.

"Kaisi ho?"

Usne fridge se pani ki bottle nikalte hue poocha. aawaz bhaari lehza tehra huwa.

"Jaisi bhi hu tumhe isse kya?"

mobile par khud ko masroof zahir karte apna gussa nikala.

"Khair se ab tum yeh to nahi keh sakti.

jannat ne sar utha kar aik sulgti nigah us par daali.

"Keh sakti hoon! bilkul keh sakti hoon."

daant pees kar jawab diya.

Faris ne ruk kar usey dekha. wo mobile par nazrein jamaye khud ko masroof aur be niaz zahir kar rahi thi magar aankhon mein ghusaa saaf nazar aa raha tha. woh uski mojudgi par qatai khush nahi lag rahi thi.

"Kya hum baat kar satke hain ?"

koi bhi jawab diye baghair usne sar utha kar yahan wahan dekha. kuch aur nazar na aaya to cutting board par pyaaz aur churee rakhi hui nazar aagai. foran se aasteene charha kar shuru ho gayi. khayaal tha jab woh usey masroof dekhe ga to koi baat nahi karega. magar yeh us ki khaam khayaali thi. Faris ain uske peechay aan khada hua.

"Mein Talaq bhi nahi dena chahta. aur chahta hoon ke tum court bhi na jao. is ke liye mujhe kya karna chahiye?"

jannat ki dharkane tham gayeen. samat par yaqeen nahi aaya. gardan mour kar usne faris ko sadme se dekha. woh uske peeche be had qareeb khada tha. itna qareeb ke wo uske kapron se uthti mardana perfume ki khushbu basani mehsoos kar sakti thi.

"Mazaaq ura rahe ho tum mera?"

"Khwahish ka izhaar kar raha hoon."

"Galat insaan ke samne ghalat khwahish ka izhaar kar rahe ho."

rukh badal kar woh phir se pyaaz katne lagi.

"Mein apne bacche ki maa se baat kar raha hoon."

Jhuk kar sar ghoshi ki. jannat ke haath sakit hue. dharkan taiz ho gayi. phir sambhal kar lab bhinch kar usey dekha.

"Goya apne bacche ke liye is rishte ko bahaal karna chaah rahe ho."

"Nahi, yeh kaam mein sirf tumhare liye karna chaah raha hoon."

woh dam sadhe agley kayi lamho tak aik haath mein churee, doosre haath mein pyaaz liye khadi reh gayi. yun jaise yaqeen karna chaah rahi ho, usse yeh baat faris wajdan ne ki hai.

"Achha mazaaq hai yeh!"

aziyat se barr bara kar rukh badal gayi.

"Magar mein to sanjeeda hoon."

churee patak kar usne rukh badla.

"Mujhe hargiz pasand nahi hai, koi mujh par taras khaye."

uski aawaz taiz hui thi.

"Tumhe lagta hai, mein tum par taras kha sakta hoon?"

usne jannat ki aankhon mein jhaka. woh dam sadhay khadi rahi.

"kyun kar rahe ho yeh sab?"

usne zabt kar ke tahammul se poocha tha.

"Bataya to hai tumhare liye kar raha hoon."

"Mere liye ?"

usey sakht nazron se dekhte hue usne ungli se apni taraf ishara kya. bardasht ki aik had hoti hai, aur woh had is aik lamhey mein khatam hui thi.

"Tumhara dil chahega to tum nikah ko kaghaz tak rakho ge, phir mere ehsasat ki fikar kiye baghair apna jayez haq bhi wusool kar loge tumhari marzi tum mujhe sath rakho, tumhari marzi to tum mujhe Talaq dedo. sab tumhare is dil ke gird ghoom raha hai."

usne faris ke seene par angisht shahadat rakhi.

"Aur tum keh rahe ho, mere liye kar rahe h ?"

rooh ka dard aankhon se kaise jhalakta hai, aziyat lafzo mein kaise utarti hai, aawaz kaisey jhalkti hai. lamhe faris wajdan ne jata tha.

"Yeh is time kise bewaqoof bana rahe ho? mujhe ya khud ko ?"

bazahir mazboot lehja mazboot aawaz. magar woh uske andar ki toar phore ko apni aankhon se dekh raha tha.

"Mein ne aik baat ki hai." usne sanjidgi se kaha.

"iqraar ya inkaar ka ikhtiyar tumhare haath mein hai."

"Jaise mein nahi janti ke tum ikhtiyar cheenne mein kitney maahir ho."

woh aankhon mein dukh aur pachtaawa liye usey dekh kar reh gaya. bahut si baatein woh nazar andaaz kar gaya tha. bahut si uljhanein usey yaad nahi rahi theen. girah sakht thi. ab sakht tareen ho gayi thi. woh uske khadshaat ki teh tak ab pouncha tha. uski pareshaniyon ko jaise ab samjha tha. jannat ka yaqeen toota tha. uska aetmaad bikhra tha. usne yahanuske ghar mein rawaiyye ki aziyat sahi thi. be rukhi ko jiya tha. woh itni jaldi aur itni aasani se usey mauqa nahi de sakti thi. Uska khauf baja, uski pareshani jaaiz thi.

"Maine sirf aik chance manga hai."

"Mere paas tumhe daine ke liye kuch nahi hai."

murr kar woh aik baar phir pyaaz katne lag gayi thi. uske peechay woh khamosh khada raha. woh kuch kehna chahta tha. tasalli ya madawa ka aik lafz hi sahi magar lafzon ki qillat thi. aur himmat to sifar ho chuki thi.

Wo ulte qadam peeche hata, pockets se haath nikale aur kuch bhi kahe baghair chala gaya.

jannat ne churee rakh di. kinare par haath jamaye sar jhuka gayi. ansoo behne lagey. apne aap ko kisi naye ghum se bachane ke liye usne pyaaz katna shuru ki thi, magar andar tak woh phir bhi kat gayi thi.

•••

sara din khud se ulhajte rehne ke baad shaam tak saira ne himmat kar ke jannat ko call ki thi. unhen dar tha, woh call receive nahi kare gi magar usne kar li thi.

"As salam alaikum khaala!"

uski aawaz kamzor nahi thi, magar jane kyun unhen laga jaise jannat kamaal ko mukhatib

"Walaikum salam!"

utni hi mushkil unhen hui thi. Utni hi waqt, itni hi suobat ke marahil se hone mein diqqat ka saamna karna para ho. guzarna para tha unhen.

Ab woh kya kahe usse? kis baat ka shikwa kare kis amal par khafgi dikhaye kaisey pouchs usne ghar kyun chhora, un se rabta kyun na kiya, apne masloo se aagahi kyun nah di? waqt puchne ka nahi raha tha. ab aitraaf ki saa-at thi.

"Mujhe mujhe maaf kar do."

Kis qader himmat se unhon ne kaha tha. aur doosri taraf aik sadma bhari khamoshi chhaa gayi thi.

"Kis baat ki mafi khaala maafi to mujhe maangni chahiye. Maine aap sab ko pareshan kar diya."

mobile kaan se lagaye naafi mein sar hilaate hue unhon ne dupatte ke Palu se ansoo ponch liye the.

"Tum mujh se naraaz thi. tum ne ghar chore diya lekin mujh se baat nahi ki."

Nichla lab kaat te hue woh zara sharminda hui.

"Mein aap par boojh nahi bana chahti thi. pehley bhi meri wajah se aap ko bahut pareshani uthana pari hai."

saira khaala ka dil kat gaya.

"Mein aap ke paas ajati to khandan ke log…"

woh kuch kehte kehte chup ho gayi.

"Aap ke liye aur masle khade ho jate…"

khaala mushkil tareen halaat mein bhi wo un ki fikar kar rahi thi. un ka dil gham se bhar gaya.

"Maine tumhen Zaman se bachana chaha tha."

"Mein bhi sirf usse bachna chahti thi."

usne yun kaha jaise uske khawab nahi thay. khwahisat nahi thi. aik ghair amin thikaane se woh aik sirf Amaan wali jagah chahti thi. usey ghar nahi chahiye tha, zindagi nahi chahiye thi. doori chahiye thi, khandan se, rishto se, taklifoo se tanz aur taanon hai. aur un sazaon se jo kitney salo se woh tazleel rahi thi. aurto koi khwahish nahi thi. is ne zahir kiya aur to kisi shai ki talabb na thi.

"Abbu tumhen khush dekhna chahate the."

un ki aawaz laraz rahi thi.

"Jannat! mein un ki wasiyat par amal nahi kar saki. mujh se bahut barri ghalti ho gayi hai."

"aisa nahi hai." woh rohan di si hui.

"aisa hi hai beta! mein tumhari mujrim hoon."

"khaala I'm pregnant"

kis qader himmat se usne kaha tha. un ki aankhon mein nami thehr gayi. lab sakit ho gaye.

"banjh hai yeh banjh kabhi maa nahi ban sakti, ab mera beta aise hi be aulad rahega saari Umar ?"

Uski tai ki aawaz, gussa, nafrat. jannat ke paanch salo ka sabr un ki aankhon mein ghoom gaya. jis mehroomi ki wajah se woh har jagah se radd hui thi, wohi mehroomi kisi aur ki zindagi mein ataa ban gayi thi. ataa ho gayi thi. Allah ki hikmat Allah ke mamlaat Allah hi jaan

sakta hai. warna un ke jaisey log to sirf saahil par ruk kar gehrai ka andaza lagaya karte the. khud se mafrooze ghara karte thay, apni nematon par itraya karte the. apni maslehto par muskuraya karte the.

"Tum, tum maa ban'ne wali ho. khushi se ansoo chhalak parre. gham se murda ho taa dil us khabar par zinda huwa. woh ro pari.

"Ab aap kaisey soch sakti hain mein khush nahi hugi?"

uski aawaz bheegi hui thi. Saira khaala ehsas nedamat mein ghar gayi. woh ab bhi unse mutaliq khush gumaan thi. aik lamhe ke liye bhi ghalat nahi soch rahi thi. ulta unhen samjha rahi thi. unhe tasalii de rahi thi.

"Mujhe yahan aakar pata chala hai, khushi aik Nemat hai aur sukoon isse bhi barri Nemat! khushiyo ka talluq dunyawi nematon se hai aur sukoon ka talluq sirf Allah se! Dil Allah se jurr jaye khaala to phir zindagi kitni hi mushkil kyun na ho, aasaan ho jati hai."

Uska aik aik lafz un ke dil ki athah gehraion mein utar gaya. woh kitni khaas thi. unhone kabhi samjha hi nahi.

"Tum kitni bari baate karne lagi ho."

unhone haath ki pusht se ansoo saaf kiye. woh hash padi. barri baatein samajhne ke liye usey bari bari azmaisho se guzarna para tha.

"Ab sab theek haina ? aur faris faris tumhare sath kaisa hai?"

jannat ki ghumshudgi ke baad Faris ki deewana waar justojoo aur fikar mandi woh apni aankhon se to dekh hi chuki thee magar ab jaise woh aankhon par yaqeen nahi rakhna chahti thi. ab geherai mein utarna chahti thi. ab khaala hona chahti theen.

"koi bhi masla ho to mujhe batao, mein aur tumhare khalu usse baat karen ge, usey samjhaye ge."

woh lamhey bhar ke liye khamosh hui thi magar chaah kar bhi koi shikwa shikayat na kar saki. zehen blank ho gaya.

yun lag raha tha jaise insano ko batane ke liye ab to koi masla hai hi nahi, jaisey pehlay sab hi mamlaat Allah ne sambhale the to ab bhi wohi sambhale ga.

"Jannat! "

"Ab to sab theek hai khaala…"

soch samajh kar kaha.

"Ghar chhorna meri ghalti thi. Faris ne thori nikala tha"

goke peeron taley zameen nahi thi. na sar par aasman raha tha magar jis fiza mein woh muallaq thi, us fiza ne dono ko jor rakha tha. baat khatam ho gayi, phone band ho gaya. Saira ko yun laga jaise mamla sulajh gaya ho. zameer ki alamat thori kam ho gayi ho. magar be sukooni hanooz qaim thi.

"ap ne apni taraf se mere liye bohat acha socha, mujhe aap se koi gilah nahi hai."

•••

raat ka jane konsa pehar tha ke uski aankh khul gayi. kamre mein andhera tha. barabar mein mrs. Shirazi  so rahi thi, usey apni tabiyat mein ghair mamooli pan ka ehsas huwa. shayad chakkar aa rahe the ya phir matli si hi ho rahi thi. usne uthne ki koshish ki to sar ghoom kar reh gaya. chand lamho tak gehri sansen lete rahi, phir uth kar bahar aagai.

Deewar ka sahara liye usne washroom ka rukh kiya, usey aika aik teh hui. shaam ko li jane wali khoraak bahar hi. wash besin par girift jamaye usne khud ko aaine mein dekha. shakal dhundli aur chehra bilkul safaid ho raha tha. Usne muh par thande pani ke chhapake mare.

Aur behad ehtiyat aur ahistgi se kadam uthate lounge mein aayi. usey yaad tha saira khaala ke phone ke baad woh mrs. Shirazi se bate karti un ke kamre mein hi so gayi thi.

Kuch dair ke liye hi wo sofe par bedam si laiti hui thi, na uthne ki himmat thi na kisi  ko awaz dene ki sakkat zehen maoof tha. aankhon par dhund chhai thi.

usne peshani ko aur phir aankho ko musla, nazar sidi ke us taraf office ke adh khule darwaze par ja tehehri, kamra Roshan tha , fars par zard si roshni feli hui thi. Kya Faris andar tha? Usne uth kar baithte hue mustaqil saas li. Phir kuch kuwwat  paida karke usey awaaz di.

roshni mojood rahi. darwaaza sakit raha cheif aawaz us tak nahi pahunchi thi. usey be ikhtiyar rona aaya.

"F-Faris"

Cushion utha kar phenka. ab wo ro rahi thi. dil phata ja raha tha. ajeeb wehshat aur ghabrahat ho rahi thi. manzar kuch aur dhundla ya tha. qowat kuch aur mit gayi thi. usey laga woh nahi aaye ga .

"Faris!" aik baar phir usey pukara .

yaka yak darwaaza khul gaya. usne faris ko bahar nikle aur phir ujlat mein apni taraf aate dekha.

"Kya huwa? tum theek ho?"

kaandhon se thaam kar puchha tha. aankhon mein fikar, liye mein pareshani thi.

usne rote hue nafi mein sar hilaya. Woojud ab be jaan ho raha tha. usey laga woh bas marne wali hai.

"Jannat!"

woh aakhri aawaz thi jo usne satti, woh aakhri chehra tha jo usne dekha. roshni taiz ho gayi. aawaz mein madham.

jaise koi pukarte hue dur bohat dur hota ja raha ho. aur phir sab tareek ho gaya.

•••

dahine haath ki pusht par kahin chuban ka ehsas huwa. zehen par chhai hui dhund chhatne lagi. awazon ko mafhum mil gaya. uska baayaan sard haath kisi ki girift mein tha. naram si girift. jaise nana ke hathon ki huwa karti thi. usne unglio ko jumbish dete hue haath band karna chaha. zehen aik baar phir ghunodghi mein chala gaya. dobara usey hosh aaya to hospital ke kamre mein nim tariqi si thi. nana wahan kahin nahi the.

dahine haath par drip lagi thi. samne hi khirki ke paas faris mobile haath mein liye khada tha. usey hosh mein aata dekh kar uske paas agaya.

"K-Kya sun-hwa mujhe ?"

uski aankhon mein khauf samaya huwa tha.

"Kuch nahi huwa. sab theek hai. laite raho!"

Faris ne haath thaam kar tasalii di. takiye par sar rakhte hue usne dahine haath se peshani ko chuva.

"Ab kaisi tabiyat hai?"

woh barabar mein baith kar pooch raha tha. aankhon mein fikar thi.

"Theek hoon."

usne kaha. Sar abhi bhi kuch bhaari tha. magar pehle jaisi haalat nahi thi. gehri saans le kar kamre ka jaiza liya. nilgon roshni mein aik pur sarar khamoshi chhai hui thi. khirki ke us paar raat abhi bhi baqi thi.

"Kya time ho raha hai?"

uski ankhen kuch der ke liye khulti thi, phir band ho jati thi.

"Dhai baj rahe hain."

"Mujhe bhook lag rahi hai."

Ikhtilaaf, narazi, gussa apni jagah magar rizq par koi samjhota nahi.

"Mein khane ke liye kuch le kar aata hoon."

Aik naram si nigah us par daale woh uth gaya. khushk labon ko tar karte hue jannat ne gehri saans li.

"Faris! tum yahan…"

woh darwaaza khol kar bahar nikla hi tha jab koi aurat uske samne aagai thi.

"Kheriyat hai?"

jannat ki ankhen khul gayeen. be sakhta darwaze ki taraf dekha.

"My wife is not feeling well!"

usne suna. Faris ki pusht nazar aa rahi thi.

"Oh, kya hua Adina ko? theek to hai woh? meri to kaafi arse se mulaqaat hi nahi hui."

Jannat ki dharkan tham gayi. faris ne adh khula darwaaza khich kar band kar diya. aawaz mein madoom ho gayeen.

Darwaze ke neeche kadmo ke aasar bhi gayab ho gaye. Kamre ki khamoshi wajood me utar aayi. Shak ka andhera aankho me hanoor kar gaya. Wo chand lamho tak dam saade padi rahi fir karvat badal kar baazu par hath rakh liye.

•••

Awsaf manzil mein aik se zayed kaam waliyo ka izafah ho chuka tha, shadi ke din qareeb the to uske hisse ka kaam bhi barh gaya tha. aaj samreen ki mehndi thi. mehmano se bhare ghar mein har taraf rang birange aanchal hi nazar aa rahe the. koi aa raha hai, koi ja raha hai. woh bacche ke sath hi chhotey motay kaam nipta rahi thi.

aur gaahay bagaye hai anay wale mehmano aur rishta daaron ka bhi jaiza le rahi thi. Bacche ki maa tarek sahib ki saggy behan thi. apni bhateeji ki shadi par to zaroor aaye gi magar usey abhi tak koi aisi aurat nazar nahi aayi thi jis ke mutaliq woh amman karti ke wohi is bacche ki maa hogi. ziyada tar chehro woh pehchanti thi. koi bhi naya chehra nazar nahi aa raha tha.

mehmano ki dekh bhaal aur unhen mashroob paish karne ki zimedaari us par aayi to usne is manfi jaan ko kitchen ke darwaze ke paas bithaya, zohra ko us par nazar rakhne ka kaha aur tray uthaye seedhiyan charh gayi. khayaal tha bas do minute mein paish kar ke neeche aajaegi magar do se das minute lag gaye. neechay aayi to zohra usey uthaye khari thi. bacha dard ki shiddat se cheekh cheekh kar nidhaal ho chuka tha.

"Hayee Allah jee! isey kya huwa?"

woh bokhla gayi.

"Darwaze mein haath aa gaya."

nanhe se surkh haath par nazar parte hi Ruby ke peeron tale se zameem nikal gayi.

"Mein keh kar gayi thi iska khayaal rakhiyo."

"Ayee hayee, kitney kaam daikhu mein?"

Zohra tapi khadi thi. woh rote bilakte bacche ko uthaye iisi waqt tarek sahab ke paas chali gayi jo khane ka hisaab kitaab dekh rahay the.

"Wo jee bacche ka haath agaya darwaze mein."

unhone sar uthaya. aik nazar usey dekha. doosri nazar rote hue bacche par daali. phir waha khade bete se yun mukhatib hue jaisey unhon ne ruby ki koi baat suni hi na ho. woh masla ziyada ahem tha jis mein woh ulje khade the. woh apni jagah khadi reh gayi. phir woh malikan ke paas gayi, uske baad apne bare sahab ke chhote bhai ke paas. mayoos ho kar woh Rashida ke yaha chali gayi.

"isey hospital le jao Rashida!"

Bacche ki haalat dekh kar khud Rashida ko taras agaya, foran se chadar uthai, bacha liya aur hospital chali gayi. is tamam arse mein ruby khaali ulzhani ki kefiyat mein apne malikon ka kaam karti borahi, borahi si phurti rahi. nanhi nanhi si ungelian kitni surkh ho rahee thi. chaand se chehre par gaal aur maathe par kesi kharash aayi hui thi. aur woh kitna cheekh cheekh kar ro rha tha. woh usey soch soch kar bahut pareshan hoti rahi. mehndi ki rasam adaa ki ja rahi thi. farigh ho kar woh bahar ki sidiyo par ja baithi. Nokia ka touch button mobile haath mein tha. muntazir nigahon se screen ko tak rahi thi. balance to tha hi nahi ke call kar leti. nahi kabhi call karne ki zaroorat paish aayi thi. Ma hi phone karti thi.

yaka yak mobile baj utha. Rashida ki call thi.

"mein pahunch gayi hoon ghar aaja ab !"

foran se uth kar darwaze ki taraf bhagee. ujlat mein qadam uthai dayen taraf gali mein murr gayi aur jo pehla darwaaza nazar aaya, usey khol kar andar chali gayi. bilkul samne hi chaar payi par Rashida baithi thi.

bacha pehlu mein hi soya para tha. kuch be qarari se woh us par jhuki. uska maatha chooma. uske nanhe se haath ko dekha jis par patti bandhi hui thi.

aik haath se pankha chalte hue Rashida ne thandhi aah bhari.

"Doctarni ne to mujhe achi khasi jhaad pila di. samajh rahi thi, mera bacha hai. meri laa parwai se haath darwaze mein agaya hoga. aur chout sirf aik to nahi thi Ruby."

"kal Saima bibi ke bache ne dhaka diya tha to sidiyo se gir gaya."

usne gulu geer aawaz mein bataya. Rashida gehri saans le kar reh gayi.

"Dekh Rashida!" sar utha kar mukhatib hui.

"Yateem bache ke liye aik zara sa kaam hi to kaha hai tujhe."

"Tu to aise keh rahi hai jaisey yeh kaam bahut aasaan ho. bhai mujhe kya pata iska chacha kon hai, kahan rehta hai, nah mujhe uski maa ki koi khabar hai. "

"Tu itne salo se un ke padosh mein reh rahi hai, kuch to pata hoga tujhe kuch to"

"Dekh mujhe bas itna pata hai woh koi bara Ameer aadmi hai. Islamabad mein rehta hai bas."

Rashida ne baqaida sar par dupatta jamate hue haath khada kiya.

"tu apne ghar wale se baat to kar. kuch to pata hoga usey. mujhe bas phone number chahiye ya phir ghar ka pata. baqi mein sab khud dekh lugi…"

Rashida ne taajjub se us dhaan paan si ladki ko dekha. jis ka khud ka koi sahara nah tha. woh lawaris ki tarah paltae is bache ke liye sahara dhoond rahi thi.

"kya khabar teri yeh neki Allah ko pasand aa jaye aur woh taire liye aasaniya kar de."

woh minnat samajat par utar aayi to Rashida ne thandhi aah bhari.

"achha theek hai. baat karoon gi mein lekin wada nahi kar sakti."

Ruby ne khush ho kar mamnon nigahon se usey dekha. phir bache ko ehtiyat se baazuon mein utha liya. dawaiyo ka shaper bhi sath tha.

"Doctarni keh rahi thi bacha bahut kamzor hai sehat ka khayaal rakho."

tashweesh se kaha.

"jitna ho sake. rakhti to hoon. doodh mein pani daal ke deti hoon. bari begum aik aik cheez par nazar rakhti hai."

Rashida ko afsos huwa.

"Tu mere se le jaiyo kuch chahiye ho to. zalim log. Allah ke qehar se nahi darte. yateem ke sath aisa sulooq ?"

woh usey seene se lagaye chokhat uboor kar gayi. ghar pahunchte hi seedha apne kamre mein gayi. bache ko

Ehthiyat se sulane ke baad chaar payi ko khech khanch kar khirki ke paas rakha. barabar mein baith kar bohat narmi aur

afsos se uske chehre ko dekha.

lanabi palko par jagah jagah nami shehri thi. saata huwa gulabii chehra kitna dard ho raha tha. nanhe nanhe se hont bheenche hue the. woh waqai mein bahut kamzor lag raha tha.

"Bas kuch din aur tujhe mein yahan to nahi rehne dun gi."

uske gird bazu dalte tasalii di .

khidki ke us paar samne shadi wala ghar roshaniyo se jagmaga raha tha. mehmano ki aamad o Raft taa haal jari thi.

darwaze ke paas hi tarek sahab khade the. kuch paison ka hisaab kitaab karte hue. Allah ke qehar ko dawat dete log Allah ke naam par sadqa khairaat ke naam par achi khasi raqam nikaalne ka

soch rahay thay, taake un ki aulaad ki khushiya salamat aur mehfooz rahen.

•••