Chapter 36: •CHP-35•

کِسٹ نمبر 7

usne dheere se ankhen khol di theen. manzar dhundlaa sa tha. haath utha kar usne peshani ko chhua, phir aankhon ko masla. chand lamhon ke baad hospital ka kamra madham nilgon roshni mein numaya huwa. qatra qatra ragon mein sarayat karti drip, kayi khamoshiya aur sunaye liye band khidkiyon se jhankti udaas shaam.

palken bheench kar usne gehra saans liya. uska halaq khushk ho raha tha. aankhon mein jalan thi. sar bhaari tha. samne hi kursi par Sabra bua tasbih hatho mein liye baithi theen. usey hosh mein aata dekh kar taizi se uth kar uske paas agayi. kisi qader koshish se woh uth kar baith gai thi usse unhon ne be sakhta uska haath thaama, peshani choomi. usey bhinch kar khud se lagaya. woh khaali alzhni ki us kefiyat mein un ke seene se lagi soochey jarahi thi to bas yahi ke woh yahan kyun kar aur kaisey mojood thi? dhund mit rahi thi. andhere chaatt rahe the. manzar wazeh ho raha tha. gariyon ka shore uske dimagh ki tareek surangoon mein aik roshni si phaily. Main road par daurti hawaso par chaane laga. mosla dhaar barish ke tasawwur se wujood aik baar phir laraj huwa.

usne store par kisi ladke se mobile le kar Saleem ko phone Kiya tha. woh Islamabad mein posted tha. uski pukaar par bhaga chala aaya tha. woh poora din uske ghar uski biwi ke paas rahi thi. tabiyat pehle se kharab thi aur kuch barish ka bhi assar tha ke usey bukhaar ne aal tha. magar woh un ke be had israar par bhi na hospital ko tayyar hui thi, aur nahi kuch khane ko Raza mand thi. soorat e haal ke paish e nazar Saleem ne Sabra bua usey phone par rabita kar ke un ki ticket shaam tak krwadi thi. usey bas ka woh mushkil tareen safar yaad aaya. tarikeon mein ghirah shaq din yaad aaya. angaron par loutta wujood, jalti hui weraan ankhen. kapkapati ungelian. rota trapta  dil. ang ang mein utar taa iztiraab.

Sabra Bua ke ghar pounchne tak, un ke samne aane tak, aur phir kisi be jaan wujood ki tarah un kitabo mein samane tak usey sab yaad tha. uske baad jab sar chakraya tha aur andhere chhaye to cheekh o pukaar sunte usey gumaan huwa to bas us amar ka ke ab woh marnay wali hai. magar woh mari nahi thi. uski sansen hanooz chal rahi thi. dil hanooz dharak raha tha. kefiyat yun ho rahi thi jaisey woh lambi bimari se uthi ho.

kya anjaam ab kisi naye aaghaz se jur chuka? aankhon mein karb liye usne nazar utha kar Sabra bua ko dekha. kuch kehne ke liye labon ko jumbish di. aawaz halaq se na niklee. aankhon ke kinare nam ho gaye.  Sabra bua aik dam se aadida ho kar uska zard chehra hathelion mein le liya. un ki aankhon mein khushi ke ansoo the. ab woh kuch keh rahi thi. woh surkh padtee khaali weraan aankhon se unhen dekh rahi thi. yun nahi karen mein samaat mein parte alfaaz usey mujassam karne lagey, dharkan thamnay lagi, tanaffus bhaari sa huwa, ankhen pathranay lagen .

haath utha kar khuda ka shukar ada kar ke, usey kaandhon se thaam kar khushi ka izhaar karte hue woh ab usey report dikha rahi thi. dimagh pehley se maoof tha. hawaas besakta rahe. lafz Adam aur aawaz Samat rahi.

mehroomion ke bojh taley fanaa hota wujood yaqeen aur be yakeeni ke darmiyan muallaq ho gaya. uska sar be sakhta nafi mein hila. usne apna aap chhura liya. woh gehre sadme se guzar rahi thi.

Sabra bua ko aisa mazaaq nahi karna chahiye. hargiz nahi karna chahiye. magar woh mazaaq tha, na maza aik khabar thi. basharat thi. unhon ne report samne rakhi ke woh khud dekhe, khud samjhe. yeh saraab nahi tha. khawab bhi nahi tha aur usne dekha. apni in veeran aankhon se dekha palken jhapak kar aur dhadkano ko thaam kar dekha. paanch saloon tak jo report nafi thi, woh musbat ho kar samne thi. thi. paanch saloon tak jo mehroomi saathi thi, woh inaam ho kar wazeh thi.

woh sakit baithi thi. munjamad. be hiss, be jaan pathrayi hui nigahon se zindagi ko khoajte, saanson ko jorhte, aik be jaan kagaj ko kapkapati unglio mein dabate.

"Tum banjh ho jannat! aur banjh aurat aik mard par boojh ke siwa kuch nahi hoti." Gul daan toot gaya tha. kanch ke tukre bikhar gaye the. woh aik mukammal tasweer purzon mein Bat gayi thi.

"Jannat.. nahi jannat.. mera bacha!"

"Mein tumhe Talaq deta hoon. abhi aur isi waqt dafaa ho jao yahan se."

waqt palatne laga, safhe ulatne laga. hikaytein subah ho gayi. din tareek aur tareek raatain Safa ho gayi.

"Yeh aik kaghazi shadi hai jannat kamaal! yeh sirf kaghaz tak mehdood dar hai gi."

"Ab tum haq mohar ki raqam apne paas rakh sako gi."

Usne palken jhapkaye surkh dooron mein karb halkore le kar utha, aansu rawan ho gaye.

"kuch mehromiyaan ataa ka aik roop hoti hain jannat! Allah ki “kun” ki muntazir. apna roop badalne ko har lamha mustaed asal imthehaan to us muddat ka hai. jo is mehroomi mein guzari jati hai. is douran hamare sabr ko jancha jata hai. hamare shukar ko parkha jata hai. phir imaan ka darja mutayyan hota hai."

"Allah!"

poore wujood par aik larza sa taari huwa. aankhon se wehshat utar gayi. saanson se wazan hatt gaya.

"Janna bachche!"

Sabra bua ne usey kaandho se thaama huwa tha. woh usey pukaar rahi thi magar with un ki sun nahi rahi thi.

"Maangti raho aur dekhatii jao, Allah ki marzi se tumhari jholi mein kya karta hai, jo gire usey bakhushi apna lo, khuwa woh nuqtay jitni khushi ya zarre jitni barket hi kyun na ho."

pardo ki darz se jhankti Sooraj ki taiz roshni me shirazi ki muskurahat chehra besumar colours tube aur painting hunza ki painting usri yusra ki painting har usar ke sath yusra hai! aur yeh mera kya hai. agli baar mein uska jawab dun gi aap ko."

yaka yak manzar badla tha .

"Tumhari faris se shadi meri wajah se nahi hui hai, nahi tumhari khaala ki wajah se yeh tumhara naseeb hai jo tumhe yahan laya hai."

"Naseeb Naseeb!" har taraf aik hi goonj thi. aik hi sada us aik lafz ne usey kitna daraya tha, kitna rulaya tha. aan ki aan mein ab kitna muatbar kitna munfarid, kitna anokha ho gaya tha.

"Jis waqt manfi soch jarr pakdae, aur mayoosi intahaa ki gehri ho jaye to samajh jao, yeh shetan ka aakhri waar hai. theek usi waqt par raha hai jab woh tumhare inaam se waaqif ho chuka hai."

aur uska inaam kya ho sakta tha? usne tab bhi socha tha. woh ab bhi soch rahi thi. Us waqt aik lamhe ke liye bhi yeh inaam uske zehen mein nahi aaya tha. ab bhi nahi aa raha tha. bilkul nahi aa raha tha.

"Janna bachche?"

us ne sar utha kar roti sakti nigahon sikhe Sabra bua ko dekha. yaqeen aur be yakeeni ke aalam mein andar hi andar toot-te bikharte hue khud azyati ki daldal mein utarte hue baar baar tareek raat ka manzar aankhon mein aa raha tha. apna faisla yaad aa raha tha. mout aur uske darmiyan aik qadam ka faasla tha. chand lamhoon ki masafat thi.

woh khudkushi karne wali thi. apni jaan laine wali thi. usey woh aakhri lamha yaad aaya, woh aakhri jab footpath se agay sadak par qadam jamate woh thehr gayi thi. pata nahi kyun woh apni jagah se aik inch bhi to nahi hil saki thi. usey Nana abbu yaad aaye the. un se Kiya huwa wada yaad aaya tha. aziyat bhari zindagi to guzaar rahi thi. akhirat barbaad karne ka hosla nahi tha us mein aur woh lamha thehr gaya. woh lamha reh gaya.

poori duniya mein khud ko tanha tasawwur karne wali jannat kamaal, us lamhay tanha nahi thi. Uski hichikiyaan bndh gayeen. Sabra bua ne usey baazuo mein bhar liya. un ke seene mein sar diye woh chhootey bachon ki tarah phoot phoot kar ro di.

saari mehromiya, saari aziyate, sare ke sare gham yaka yak Adamm hue. woh aik Ata har museebat par bhaari ho gayi. woh aik inaam har war dard ko fanaa kar gaya.

"Duaye radd nahi hoti jannat! mehfooz kar li jati hain, jo aap maang rahe ho wo na miley tabbhi aap ke haath khaali nahi loatye jate! Allah hamesha barh kar ataa karta hai, woh aap ko heran kar deta hai."

aur uske khuda ne usey heran kar diya tha.

•••

"Jannat ke shohar ne bataya nahi usne ghar kyun chorra?"

Sidiya utar kar neeche aate hue aawaz samaat se takrayi to Ammar apni jagah tham kar reh gaya. be sakhta gardan mourr kar darwaze ki taraf dekha. phir ahistagi se qadam utha taa aage barha. drawing room ki nashiston par khandan ke bare sab Barajman the. saira samne hi sar jukaye baithi thi. jannat ke chacha, chachi, phufo, choti chachi waghera sab mojood they.

"Kisi ke sath koi chakkar to nahi chal raha tha uska?"

Karima aunti uske baap se keh rahi theen. woh apni jagah sakit sa unhen dekh kar reh gaya. woh jannat ki sagi phopho theen. majlis mein jannat ka kirdaar discuss ho raha tha.

khandan bhar mein tarah tarah ki baatein phail gayi thi. aur tarah tarah ki phaily hui un baton ki tasdeeq ke liye hi woh log yahan jama hue the. kisi ko yeh khabar li thi ke woh ghar ke kisi mulazim ke sath bhag gyi thi aur kisi ne yeh suna tha ke Faris wajdan ke kisi dost ke sath uska chakkar chal raha tha, tab hi usey ghar se nikaal diya gaya. woh apni jagah sakit sa pathharaya huwa khada tha.

Koi itna be hiss, itna be reham kaise ho sakta hai? gardan mourr kar usne Hafsa aapi ko dekha. woh sar jukaye sharminda hi bilkul khamosh baithi thi. na jawab dainay ki na himmat thi, na safai paish karne ki sakt. jannat kamaal aik baar phir un ki zaati zindagion mein bhonchal le aayi thi. aik baar phir un ki family zabaan zad aam aa gayi thi.

kamaal ki beti, kamaal ki beti ab sab keh rahe to or wo khamosh thi. Hamesha ki tarah aaj bhi unke pas kehne ko kuch nahi tha.

"Herat hai! Kisine aapko ye nahi bataye ke Jannat ne apna ghar Faiza aunty ki wajah se chhora hai? Jinhone uske ghar jaa kar achha khasa tamasha create Kiya?"

Wo andar dakhil hote hue bol utha tha.

"Haan to harkate hi uski esi thi, muh dikhane ke kabil jo nahi rahi hogi"

Karima auntie ne foran se Petra badla.

"Harkate? Kesi thi uski harkate?"

Wo aankho me ghussa liye unki taraf dekhne laga.

"Esi fitna barpa ladki mene Aaj tak nahi dekhi, pehle apne bhai ki jaan li, fir hamare bhai ka sar khaya, burhan ki zindagi jhannum banaye rakhi, jara pucho to Alia se kese dinbhar phone se chipki rehti thi. Ishq mashuqi se fursat milti to ghar sambhalti. Aik to banjh.."

Unhone ifrat se sar uthaya.

"Aur upar se dhitayi alag, Maheen ka bachcha marne ki koshish tak kar dali. Nafisa bhen to uski mout mar gayi, arrey! Maine to sajjad se keh diya tha ke gairo ke layak nahi hai ye, apne zaman se nikah kardo wohi isey sidha rakhega. Magar nahi!"

Wo ghusse or hikayat se bahut se wakiyat sunaye jaa rahi thi. Aur koi bhi unhe tokk nahi raha tha. Ye sab esey hi tha. Ye sab shuru se esey hi chalte aa raha tha.

"Bas karde auntie for God sake."

Wo sara lihaz or murawwat na karte hue chhik para.

"Ibhrahim sahab aapka beta to pura bawla ho gaya hai, na chote bado ki tamiz hai na lihaz kar raha hai kisi ka."

Ibhrahim sahab ne usey tambiya karte hue chale jane ka huqm diya tha. Magar aaj usey koi nahi rok sakta tha. na saira, na ibrahim aur nahi khandan ka koi fard.

"Agar pagal keh hi diya hai aap ne mujhe to phir mere pooray pagal pan ka muzahira bhi dekh len. aap ko kya lagta hai hum kal ke bachey, be waqoof aur na samajh hain? hamein kuch nazar nahi aata? kuch samajh mein nahi aata? Nafisa auntie jannat ki wajah se nahi, aap ki wajah se mari hain."

usne ungli utha kar sab ki taraf ishara kiya tha.

"unhen betiyo ke taane daine wale aap log the. un par tanz tasneed karne wale aap log the. un ki mehroomi ka aap logon ne sare aam mazaaq uraya. unhen zehni mareez banadiya."

"Jara muhfza karte hain auntie mujhe betaye Saba aapi ne haal hi mein chothi beti ko janam diya hai. din raat sasraliyo ke taane sun rahi hain na ye woh? wo hi lafz jo bhi aap ne Nafisa aunti ko sunaye the?"

Karima auntie ke chehere par tarikh sa lehra gaya.

"Aap ki apni aulaad aap ke ghuroor aur taqqabur ka khamyaza bhagat rahi hai aur aap mein ab bhi jurrat baqi hai ke aap is aurat ki beti ko aik baar phir nishana bana rahi hain?"

drawing room mein khamoshi thi. ab to jaisay koi saans bhi nahi le raha tha.

"Rohinha auntie ko naaz tha wo chaar beton ki maa hain. chaar sher jawan un ke ghar peda hue hain. unki naslen aage chalein gi. Nafisa auntie un ke samne saat baityon ki maa koi haqeer si makhlooq theen aur aaj un ke woh tamam ke tamam betay sirf betiyo ke baap hain."

Usne rukh badal kar unhen dekha.

"Aap ab is baat ko zair behas kyun nahi lati?saat betiyo ki maa hona Nafisa aunti ka qasoor tha. ab itni saari potiyo ki dadi hona kis ka qasoor hai?"

aur rohina auntie ko yun laga tha jaisey bhare bazaar mein kisi ne tamacha de mara ho. Saira ne pehli baar apne bete ko nahi tokka tha. Hafsa aankhon mein herat o sadma liye usey dekhe ja rahi thi.

"Me heran hu, aap logo me abhi bhi himmat hai is tarah us aurat ki aulad par juban darazi karne ki jiski zindagi aap logo ne khud jhannum bana di aur itni behisi ki jara faraq nahi padha? Allah to apna hisab le raha hai yeh kaise ho sakta hai aap sab apne hisaab se is tarah be khabar rahen? aap logon ne ankhen band kar rakhi hain to iska matlab hai hamein bhi kuch nazar nahi aata hoga?"

drawing room mein itna sannata chhaa gaya tha ke agar sui bhi girti to uski bhi aawaz aati. kisi bhi barray fard ki sakt nahi rahi thi kuch bhi bolne ki. woh sab jannat ke muamlay mein ikathay hue thay aur Ammar ne to jaise un sab ke ijtima ko nishana bana kar sab ki haqeqteen un ke mun par day maari theen. woh shadeed ghusse ke aalam mein bhikhra huwa sa khada tha.

"Jannat kabhi apni aulaad ke liye darbaro, mazaro par nahi gayi aur aap log kehte hain maheen ka bachha zaya karne ke liye usne taveez kante kurwaye hain?"

woh sarapa sawal bana un sab ko dekhe ja raha tha.

"Ab Burhan ke ghar jo bhi nuqsaan hoga to uska ilzaam saari Umar jannat ke sar daaltae rahenge aap log? jab usey apni zindagi se, khandan se be dakhal kar chuke hain to phir usey discuss karne ka

maqsad? faiza bachi ko koi haq nahi pahunchata is tarah is ke ghar ja kar, is ke susraliyon ke samne be izzat karne ka. aur khuda ke liye.."

usne haath jore.

"Ab bakhash de jannat ko!"

baat khatam nahi honi thi, magar usne khatam kar di aks adhoore the aur usne adhoore rehne diye. aaina mukammal aur salamat tha. haqeqteen bhi itni hi talkh aur numaya.

jo khamoshi uski mojoodgi mein chhai hui thi, woh is ki ghair mojoodgi mein bhi thahri rahi. kisi mein himmat na rahi thi mazeed koi baat ya behas kar sake, koi Daleel de sakay ya kuch tardeed kar sake.

woh majlis, woh ijtima sab ka ehatasab ho gaya tha. aaiine mein har kisi ka kariha chehra wazeh tha aur us chehre se taqreeban sab ne nazrain churaie thee ke haqeeqat ka saamna to phir woh log karte hain jo khud ko badalna chahte ho. aik aik kar ke sab uthte chale gaye. sirf Hafsa kamaal hi thi jo apni jagah sun baithi reh gayi thi.

•••

wo teen din hospital mein rahi. tabiyat kuch behtar hui to usey discharge kar diya gaya. Sabra bua usey apne ghar le aayi. un ka allag portion tha. woh bairooni darwaze se un ke hamrah sidiya charh kar oopar aagai thi. bemari ka assar hanooz tha. kamzori itni hogayi thi ke zara si sidiya charhne par uska saans phool gaya tha.

Upar aik wasee o Areez kamrah tha. bua usey kamray mein le aayi, hawa daar lambi khirkiya jo peeche sar sabz khaiton ki taraf khulti thee aur samne wali khirkion se neeche sehan ka poora manzar nazar aata tha. Jamun ka phela huwa darakht, saaye mein bichi hui chaar payi, surkh eento ka pakka sahen, safaid dewaro par sarsabz belein charhi hui theen. aahinii gate band tha. neeche teen kamre the. kitchen tha.

mardo ke liye allag se baithak samne hi bani hui thi jis ka aik darwaaza bahar khulta tha. Sabra Bua ki bhanji neeche muqeem thi. Upar ka kamra, wash room aur chhota sa kitchen un ke hawale tha.

woh khirki mein khari neeche dekhne lagi. bachon ke shor ke sath sandal aapa ki aawaz wazeh thi. unka 9 sala beta pipe haath mein pakde darakhto ko pani deta uska rukh apni choti behan ki taraf mourr chuka tha. aur is shadeed garmi mein thandak ke  ehsas se khush hone ke bajaye woh bha bha kar ke rone lagi thi.

"Ali"

sandal aapa ne kitchen se hi usey kari nazaro se dekha tha. aur usne wahi Pipe sar par liye khud ko mukammal bigho liya.

"Aik to garmi mein kaam karwati hain, oopar se dat-ti bhi hain."

"Yeh darakhto ko zara sa pani daine se tumhari kamar tut-ti hai?"

"Jara sa pani deta hu?"

ankhen phela kar woh apni maa ki taraf murra tha.

"Abhi kahin gi, poore sehan mein pani ka chirkao karo. phir yahan se saari charpayee hatwa kar wahan rakhwa yegi. uske baad bahar bhejen gi. Ali yeh le aao Ali woh le aao Ali yeh kaam karo Ali woh kaam karo."

shalwar aur baniyan mein woh dhoop mein kamlaya huwa sa khada tha. jannat ke labon par be sakhta muskurahat ubhri. sandal aapa is se hospital mein milnay aayi theen to un ke sath woh bhi tha.

"Allah maaf kere. kab tum se charpayee ithwati hoon mein ?"

"Us din nahi athwayi thi jab sawar chachu aaye they ? yahan rakho, wahan rakho. ab wahan rakho."

"Aik hi to charpayee thi wo bhi Fatema ki had hai taane sun lo mousuf ke."

woh burburatu hui chali gayeen. motor band kar ke kitchen ka rukh kiya to woh mukammal bhega huwa kamar par haath lagaye khada tha. dhoop mein ankhen chindhya kar yahan wahan daikhta. choti behan apna mun khushk karti, sahen ke sath bandhe jhulay par tik gayi thi. ab woh behan ke sar par khada tha. aur usey jhoola chorne ka keh raha tha. behan ne rassiyon par girift jama kar nafi mein zoro shore se sar hilaya aur aik baar phir chillayi.

"Amma"

"Ali mat tang karo usey"

Sandal aakar junhjhalayu.

"ae hai ladke do ghari sukoon se baith ja kahin."

Sabra bua kamre se nikal kar sahen taraf jatay hue boli theen. woh phir se bigar gaya. dahap dahap paon utha taa aahinii gate dhakel kar bahar nikal gaya. phir usey aangan mein do sala bachi nazar aayi. feeder mein liye woh jhoola jhoolti behan ke paas chali gayi thi. kuch der baad kisi kone se teesri bachi namodaar hui. taqreeban chhe saal Umar ho gi. aik haath mein copy aur dosray mein pencil liye, saaye mein rakhi chaar payi par baith kar apna home work karne lagi.

"Yeh mein sandal ka suit le aayi hu. yahi pehan lo kal bazaar jaoon gi to garmiyon ke suit le aaugi."

Bua andar daakhil hote hi boli theen. woh murr kar unhen dekhnay lagi. almaari khol kar unhon ne aik suit andar latka diya. aur dosra bed par rakh diya.

"Naha kar kapre badal lo, mein tab tak khane ka intizam dekh lu. sandal to keh rahi hai, aalo gosht pakaye gi. mera irada hai, sath biryani bana lete hain, tumhen waise bhi biryani bohat pasand hai."

Taizi se bed sheet bdalte hue unhon ne kaha aur jannat gum sum unhen dekhatii rahi.

"Dr. ne kaha hai, khoraak ka bohat khayaal rakhna hai. bilkul kami nahi honi chahiye. aur tum to ho hi sada ki laparwah. sab kuch mujhe hi dekhna ho ga."

Un ke lehjey aur andaaz se pyar khafgi, tanbeeh, khushi numaya thi. baat karte karte woh Ishtiaq mein aa jati, kuch soch kar be sakhta muskurane lagti.

"Dr. Sahab zinda hote to kitna khush hote!"

"Mere liye itna ehtimaam nah kare."

Uske lab hille. Bua ne ab ke usey jara khafgi se dekha tha.

"Kyun ehtimaam na karen? mein to koi kami nahi hone dun gi. Saleem ko bataya to keh raha tha, paise bhaij de ga. mujhe khaas takeed ki jannat ka khayaal rakhiyega kisi cheez ki kami na ho. phal fruit, sabzian. ab kal Aamir se keh kar mang waugi  sab."

woh jaise khud se sab tay kar rahi thi. usey apni zimmedari samajh kar. uske liye har faisla khud kar rahi thi.

"Mein aap par boojh nahi bana chahti bua"

jo baat dil mein thi, woh labon par aagai.

"chup! aik lafz nahi."

unhon ne jhirak diya.

"Yeh tera ghar hai, to meri beti hai, mein woh din kaise bhool sakti hon jab dr sahab ne mujhe aur Saleem ko apne ghar mein panah di thi. jab hum be sahara the to woh hamara sahara bane. Saleem ko uske pero par khada kiya, us ke saare akhrajaat khud uthaye. aur ab jab un ki beti par waqt aaya hai to mein mun murr lugi?"

unhon ne bohat mohabbat se uske gaal par haath rakha. uske ansoo ponche woh nichla lab danoton taley dabe rone par qaboo paati rahi.

"chal jaldi se fresh ho ja phir khana bhi khana hai."

woh kapre utha kar wash room mein ghis gayi. shower chalta raha to ansoo bhi bahte rahe. apni haalat soch soch kar aziat barhti rahi.

kapre badal kar woh towel se baal khushk karti bahar aayi to darwaze ki darz se jhankta koi gayab huwa. woh Ali tha. yaqeenan Ali tha. darwaaza khol kar bahar aayi to woh taizi se sidiyan utar taa nazar aaya.

Usne Zohar ki namaz parhi, phir khirki ke samne baith kar baal achi tarah khushk kiye. Kanghi ki. kuch hi der baad بواٹرے hathon mein liye andar aagai theen. sath hi sandal aapa bhi thi. do sala beti ko uthaye woh usse bohat mohabbat se mili.

khana unhon ne wahin ikathe khaya. yeh allag baat thi ke un ki mohabbat aur ikhlaq ke aage woh baar baar aankhon mein ubharti nami ko peeche dhakel rahi thi. baa-mushkil aadhi roti aur biryani ke kuch chamach laine ke baad usne haath khech liya tha. Bua usey pyar bhari khafgi se dekh kar reh gayi

"Khatam karwa ise shabash!"

"Bhukh nahi hai Bua!"

"Ab tumhe sirf apni bhook ki fikar thori karni hogi."

sandal aapa nahi. woh khafeef sa ho kar sar jhuka gayi. usey bohat sara rona aa raha tha. shayad bemari ka assar zael nahi huwa tha, yahi wajah thi ke woh bohat hassas ho rahi thi.

"Baad mein khaalon gi bua. abhi itna hi."

mazeed israar nah kya. medicine laine ke baad woh taiz pankha chalaye sone ke liye late gayi thi. Bua uski taraf se tasalii kar ke neeche chali gayi.

sehan mein aik baar phir sandal aapa aur Ali ki takraar shuru ho chuki thi. magar aawaz madham thi. aur kuch der mein madham se bilkul khatam ho gayi thi. deewar geer khirkion se poori tareekh ka chaand nazar aa raha tha. parde bandhe hue the. khirkiyan khuli hui thi.

•••

kamre mein har taraf aur har jagah be tarteebi si thi. khud woh sofay par betha tha. peechey ki taraf sar giraye baazu phelaaye chhat par kuch dekhte yadasht ke kisi konay mein kuch khoajte. sukoon andar bahar aur aas paas kahin na tha. raton ki neend to waise bhi udi hui thi.

bhook khatam, talabb tamam. samatain phone par thehri theen. muntazir nigahain, screen ko sakti thi. doosri taraf khamoshi thi, koshish thi aur na umeedi thi. pani ka glass table par rakha tha. Coffee ka khaali cup aur neend ki golian bhi.

usne apni aankhon ko masal dala. darwaze par aik baar phir dastak hui. mulazma aik baar phir usey mrs. Shirazi ka pegham daine aayi thi. usne jawab diya, na uth kar neeche gaya. qadmon ki chaap ubhri. raahdaari mein khamoshi chhaa gayi.

kuch hi der mein jannat ka mobile baj utha. mrs. Afaq ke number se saat sala Zaid ke massages aane lagey. woh apni mammy ke sath shopping kar raha tha aur usne jannat ke liye aik attachment ring bhi pasand kar li thi.

har thori der baad woh apni maa ke mobile se apni selfie bhaij deta kahin par bethey kahin par muskurate.kahin par Suzie ko galey lagats hue. ab ki baar notification mein do taswerain nazar aayi. woh jannat se pooch raha tha un dono mein se kis rang ki angothi ziyada pyari hai. faris ne mobile utha kar tasweer dekhi. usey dono pasand nahi aayi.

"Which one?"

jannat ka fiance pooch raha tha. aur shohar lab bhinch kar massages dekh raha tha. kuch tawaquf ke baad do aur taswerain bhaije gayi. bachon ki khilona dukano mein naqli make up kits ke hamrah plastic jewellery se muntakhib ki jane wali aik toffee jitni angoothi. usne na chahtae hue bhi gulaabii rang ki anguthi ko done kar diya. khayaal tha ab massages nahi ayenge ke msg nahi aaye, to recording aagai.

"Zoya say salam alaikum to your future bhabhi!"

woh apni teen sala behan ko sikha raha tha. behan ke halaq se halki si aur cute si aawaz ubhri 'As maykum babi!'

yeh dono bachche pichlle kayi dinon se uska  sar dard bane hue the. usne mobile silent kar ke khud se pare rakh diya. pani ke sath neend ki goli laine ke baad aik baar phir sone ki koshish ki. andar ka iztiraab badh gaya. shhore barh gaya. dard barh gaya. darwaze par aik baar phir dastak hui. woh suni un suni kiye para raha.

•••

woh bed se take lagaye carpet par do zan baithi thi. chehra zard tha, ankhen surkh aur betasa mam ho rahi thi zarkar roshni mein karb numaya tha. tanhai mein woh saraapaa mujassam hui khaali veraan aankhon se andhere mein dekh rahi thi.

pani ka glass paas rakha tha. sirf do ghoont liye gaye the. zindagi aur naseeb ki dehshat waisi hi mann thi. khauf o hain thehra tha. sansen wahein unki theen.

raat ke aakhri pehar bohat achanak uski aankh khul gayi thi aur ab tab se woh isi haalat mein aur isi position mein baithi hui thi. bohat si baatein theen jo yaad aa rahi theen, bohat si hikaytein theen jo wazeh ho rahi theen. bohat se khayaal, waswase, andaishe reh reh kar sar utha rahe the. dil tadap raha tha. usey mrs. Shirazi bohat shiddat se yaad aa rahi thi. ansoo hai bahte ja rahe usne wada kiya tha, woh unhen un ke pote se zaroor liwaegi aur yeh wada us ghar ki dehleez paar karte hi fanaa ho gaya tha. saare rishte, saare talluq wahein reh gaye thay. is se pehlay ke woh usey chhorhtin, woh khud unhen chhore aayi thi magar dil wahein reh gaya tha. rooh yahan bhatak rahi thi.

mohabbat ko nafrat mein bdalte woh dekh chuki thi. dobara nahi dekhna chahti thi. is aziat se guzarne ka hosla nahi tha us mein. aur usey gham tha aur bohat bara gham tha ke woh un ki mohabbat se mahroom kar di gayi thi.

Mrs. Shirazi ab haath uthaati hogi to is ka naam nahi layti hogi. usey soch kar unhen karhiyat aati hogi. woh uske wujood se nafrat khati hogi. kam ilzaam nahi the jo faiza chachi ne iski zaat par lagaye the. kisi gunah kisi ghalti kisi jurm ka parda nahi rakha tha unhon ne. sab ugal diya tha. sab keh diya tha. kamre ki tamam khirkiyan aur darwaze khulay hue the. pankha bhi chal raha tha. mausam thanda tha aur usey phir bhi ghutan mehsoos ho rahi thi.

"Aik surprise hai tumhare liye. Karachi se aouga tab."

hekiyaat likhi ja chuki thi. anjaam socha ja chuka tha. aur usey phir bhi rona aa raha tha. yeh judai, yeh faasle ye saza to roze awwal se liye thi. woh har haqeeqat ko tasleem kar chuki thi. sath rehne ki khwahish badal chuki thi. usne khawab noch kar pheink diye the. intezaar samaitt kar rakh diya tha. ehsasat ko munjamad aur jazbaat ko fanaa kar ke usne khud ko adamm ki wadiyon mein fanaa kar diya tha. uska khayaal tha, aisey dard kam hoga, dukh kam hoga, rona kam aaye ga.

magar uska khud sakhta defence mechanism khasare mein gaya tha. usey takleef ziyada hui thi. usey rona ziyada aa raha tha. woh tadap rahi thi. woh jal rahi thi.

"Mujhe Talaq fori chahiye hogi. tumhe abhi se documents ka intizam kar lena chahiye taa ke munasib waqt par bina kisi takheer ke sign kar ke aik doosre se jaan khulasi ki ja sake. lekin agar kuch wajohaat ki bina par, mujhe qabal az waqt yeh ghar chhorna par jata hai, aur is douran mera tum se fialfoor rabta bhi mumkin nahi ho paata to mein aik mah tak ki muddat ko zehen mein rakhon gi aur uske baad samajh jaoon gi ke mujhe Talaq ho chuki hai. so tumhe is baat ka khayaal rakhna hoga ke mujhe is aik mah ke andar Talaq ho jani chahiye."

Do hafte guzar chuke the, teesra hafta guzarne wala tha. Usne apni aankho ko aik baar fir bedardi se ragad dala. Ab tak yakeenan wo usey talak de chuka hoga, Adina Zubair uski zindagi me wapas aa chuki hogi, nafrato ke badal chhat gaye hoge. Mohabbato ka noor phail gaya hoga. Jo uske saath hote hue adhura tha wo man chahe sathi ke sath mukammal ho gaya hoga.

Uske zindagi me Jannat kamal ke liye jagah pehle bhi nahi thi. Ab bhi nahi rahi hogi. gaal saaf kar ke wo uth gayi. Wuju karke zaye namaz bichhaye wo qibla rukh khadi ho gayi. Kuch sazdo me wo roti rahi thi. Aur kuch sazdo me himmat or aasaniya mangti rahi thi. Usey yaha is jagah par ek nayi zindagi ka aagaz karna tha. wo apna maazi bhula dena chahti thi. aur bahir darwaze ke paas khadi Sabra bua aankho me rahem aur humdardi liye usey dekhti reh gayi thi.

•••

Aqsa ne shayad door se Faris ko dekha.

Kitchen counter table ke us paar siyah trousers par full pant sleeves shirt me malboos apne liye qahwa bana raha tha.

sar jhuka huwa tha. sar jhuka huwa tha mathe par betartibi se bikhre Baal aankho par aa rahe the.

Abhi kuch dair pehle pathani ne kaha tha usey sahab bula rahe hai tabse hi wo kitchen me thi. Wahi khade khade usne zehen doura kar khud se sarsaz hone wali kisi mumkina galti ko yaad karna chaha lekin zehen maouf hi raha. ba-mushkil gaala khangarte hue usne Faris Wajdan ko apni mojudgi ka single dena chaha. Saath hi dupatte ko muh me daalkar bechaini se ghumaya jaa raha tha.

"Aapne bulaya mujhe?"

Qahwa cup me undel kar wo dusri taraf murra.

"Betho"

"Jee?"

ghut bharte hue usne samne stool chair ki taraf ishara kar diya. apni ghabrahat par qaboo paati woh baith gayi. sar jhuka huwa tha zara si nigahain utha kar apne sahab ko dekhna chaha.

laa parwa sa huliya be khwabi ka shikaar surkh ankhen. barhi hui shave, zard chehra. uski jannat aapi ki ghair mojoodgi mein sahab aisey ho gaye thay.

"Pichlle mah jannat tumhen sath liye kaafi ghhoomti phirti rahi hai."

"Jee sahab!"

phaans ki tarah koi shai uske halaq mein aa kar ataaq gayi. guzashta aik mah ki routine zehen mein daud gayi. jannat ki baatein, wade, daant aur tanbeeh sab yaad aa gaya.

"Driver bta raha tha, usne aik baar jannat ke kehne par kisi rehaishi colony mein usey utaara tha. tum bhi sath theen. phir wapsi par wahein se chaar ghanto ke baad pick up Kiya tha."

aqsa ko thande paseene anay lagey. samajh mein nahi aaya iqraar kere ya inkaar!

"kahan gayi theen tum dono?"

Kuch batate batate usne yaka yak nichala lab dato taley dabaya.

"Jee woh shopping par gaye the!"

"Rehaishi colony ki tang galiyo mein shopping ho rahee thi?"

faris ne bhaap urata cupp rakh diya.

aqsa jee bhar kar pareshan aur sharminda hui. ab kya kere? usey jhoot bolna waqai mein nahi aata tha.

"Kuch puchh raha hoon mein tum se aqsa?" Usne zara si nazrain utha kar apne sahab ko dekha. woh bohat tahammul se pooch raha tha magar woh janti thi matlooba jawab na milne ki soorat mein yeh tahammul is par nazla ban kar gir sakta tha. usne kuch himmat mujtma ki. kuch hosla peda kya. jo kasme kha rakhi theen, un ke totnay par kaffare ke tor par rozon ka hisaab kiya. aik baar phir paseena saaf kya.

"Jannat aapi mujhe kisi ke ghar le kar gayi thi."

usne bata diya. halaank jannat ne kaha tha uska har raaz qabar tak jana chahiye. ab raaz chupate chupate woh khud to qabar mein nahi utar sakti thi na?

"Agar mein tumhe wahan le jaoon to tumhe ghar ka andaza ho jayega ?"

Aqsa ne kuch fikar mandi se usey dekha. jannat aapi ki wajah se poora ghar pareshan tha. agar is tarah un ka koi suraagh milta hai to usey hargiz hargiz khamosh nahi rehna chahiye. himmat kar ke asbat mein sar hila diya. aik baar phir qisam aur wadon ka gham khane laga tha. jannat aapi jab wapas ayen gi to usey hargiz hargiz maaf nahi karengi lekin koi nahi woh roze rakh legi.

aur rozon ke tasawwur se usey aik baar phir rona aaya. ghanghat aik pani ka glass charhaya aur Faris ke hukum par apne abba se ijazat le kar is ke sath rawana hogayi. driver ko jagah ka ilm tha. gaari sadak kinare rok di gayi .

gaadi se utar kar woh paidal uske peeche tang galiyo mein chalta raha. kabhi dayen taraf murrte aur kabhi baen taraf rukh karte woh teen manzila imarat ke samne ruk gayi. samne balconiya nazar aa rahi theen. usey yaad tha, woh doosri manzil walay ghar mein gayi thi. aur yeh baat usne faris ko bata bhi di .

"Ghar mein kon kon tha?"

aik mard tha, uski biwi. aur aik beta !

Faris ne lamhe bhar ke liye kuch socha, phir wapsi ke liye murr gaya .

"Aap jayen ge nahi?"

usne darte darte poocha. usne jawab nahi diya. woh jaise ye jagah, yeh ghar hi dekhne aaya tha. aur shayad mulaqaat ke liye woh kisi aur ko bhejne ka irada rakhta tha. driver ne usey ghar drop kar diya. bairooni gate se andar daakhil hotay usne gaadi ki uqbi nashist ki taraf dekha.

Faris mobile phone kaan se lagaye kisi se baat karte hue musalsal apni peshani masal raha tha. woh gehra saans le kar andar chali gayi. gaadi aage barh gayi thi.

---- •♡• ----

Do votes & comments :)