Chapter 26: •CHP-25•

•••

"Jee aapa!"

"Bilkul theek keh rahi hain aap!"

woh kitchen mein khana bana rahi thi jab phone kaan se lagaye Noreen aapa se baat karti maheen kitchen mein aakar baith gayi thi.

"Kitni takleef uthana padtee hai, aisey to nahi Allah ne maa ke qadmon tale Jannat rakhi."

taizi se pyaaz kaate te usne sakeena ke zimme  dusra kaam lagaye aur khud chicken ke liye masala bhunne lagi.

"Magar jin ki aulaad na ho, unhen bhala kya andaaz.."

jannat ne baa-mushkil khud ko sambhala. woh kaam nahi kar rahi hoti to yaqeenan idhar udhar ho jati.

"Khayaal to bohat rakhti hoon aaya, phir bhi darka sa laga rehta hai."

Jannat ko kin akhion se dekhte hue usne aik aur teer chhora tha.

"arrey nahi, yeh baat nahi nahi aaya! jannat bohat achi hai."

"Meri choti behno jaisi hai, bohat khayaal rakhti hai mera!"

aik marahil ko ruk kar usne kuch suna, phir muskarayi, sar utha kar jannat ko dekha.

"In sha Allah beta hi ho ga. mein Burhan ko beta hi dugi."

jannat cutting board par tamatar kate gayi thi.

"Ammi ke bare mein bataye, woh Karachi se kab aa rahi hain?"

Ab woh apni saas ke mutaliq pooch rahi thi jo pichhle kuch dino se apni choti beti ki taraf gayi hui thi. doosri taraf jane kya bataya gaya ke woh be ikhtiyar chonk uthi thi. jannat ne uske lehjey ka badla  khaas tor par mehsoos kiya tha.

"Achha! Mujhe laga woh aik do hafte wahi rahen gi. chalein acha hai woh ajaye. mujhe waise bhi un ki bohat zaroorat hai. meri maa jaisi hain wo.."

Lagawat se keh kar kuch der tak sunti rahi phir phone band kar ke apne kamre mein chali gayi. shaam ka khana tayyar kar ke sakeena ko Hidayat de kar jannat apne kamre mein aagai.

almaari ke patt khole woh kapron ko tarteeb se rakh rahi thi jab bairuni gate par Burhan ki gaadi ka horn baja tha.

Usne sar uthaya magar uth kar khar ki tak na gayi.

"bi bi jee!"

ain usi lamhe sakeena kanpti kanpti uske kamre mein daakhil hui thi.

"woh maheen bi bi... un ki tabiyat kharab ho gayi hai. dard se chheeke ja rahi hain."

Burhan ki shirt uske hathon se chhut kar neeche ja giri. woh pareshani ke aalam mein taizi se kamre se bahar nikli.

Sidiyan utar kar jis lamhe woh balai manzil par maheen ke kamre mein daakhil ho rahi thi, usi lamhe gaari park kar ke Burhan laptop case sambhale saddar darwaze ka rukh kar chuka tha.

woh darwaaza khol raha tha aur jannat ke aane ke baad maheen apne kamray ka darwaaza band kar rahi thi. use sahih salamat dekh kar woh ulajh gayi.

"Kya mazaaq hai maheen! sakeena keh rahi thi tumhari tabiyat kharab ho gayi hai."

Is afra tafri mein woh uski darwaaza lock karne wali harkat ko notice kar hi na payi.

"Haan! tabiyat to meri kharab hai."

ajeeb se andaaz mein kehte hue woh peeche hati, aur usse qabal ke jannat kuch samajh paati, usne aik jhatke se dressing table ka samaan bikher diya.

Gul daan tod diya. kanch ka glass almaari ke sheeshe par de mara.

Jannat heran dasht ho kar apni jagah khadi reh gayi.

agle hi lamhe usne pait par haath rakha aur buland aawaz mein cheekhne lagi.

"Jannat.. Jannat nahi... Jannat mera baccha!"

jannat ka dimagh bhak se urr gaya.

Rote chikhte chillate hue usne kanch ke tukre se apna haath bhi zakhmi kar liya. band darwaze ke us par Burhan uska shor sun kar pagal ho raha tha.

Andar wo patthar ka mujasma bani maheen ke samne khadi thi. use rota, tadapta, cheekhta dekh rahi thi. apni minnate karta sun rahi thi.

"DARWAAZA KHOLO JANNAT!"

"JANNAT DARWAAZA KHOLO!"

Burhan apne kandhe ke zor se darwaaza kholne ki koshish kar raha tha, cheekh raha tha, chilla raha tha.

maheen ne khud ko farsh par gira liya ab woh yun tanaffus le rahi thi jaisey marne ko ho. sakeena doosri chaabi le aayi thi. darwaaza jhatke se khul gaya tha.

Burhan ki pehli nazar apni be haal hoti biwi par pari thi. doosri nazar be jaan mujasme ki tarah khadi jannat par jo sakit thi, Samat thi, mathos thi.

"Y-Yeh jhoot bol rahi hai..."

Aur har tooti hui shai ki tarah. uske toote hue lafz be assar rahe. ghair ahem rahe.

Burhan ka dahina haath utha aik jhannatedar thappar uske gaal par pada aik mazboot tawana mard aur phir jis qowat se woh thappar para tha, jannat tawazun barkarar nahi rakh saki. larkhara kar sheeshe ke tukron par ja giri.

waqt jaise ruk sa gaya tham sa gaya. aawaze madham ho gayi. ajeeb baat thi uske halaq se siskari tak na nikli. yaad raha to bas woh thappar takleef hui bhi to bas us thappar ki.

"MEIN TUMHE TALAQ DETA HOON!"

"ABHI AUR ISI WAQT DAFAA HO JAO MERE GHAR SE..!"

Roti, tadapti, haal se be haal maheen ko baazuon mein uthaye Burhan hospital ke liye nikal gaya tha. woh sadme se gunj maoof hote dimagh ke sath apni jagah baithi reh gayi thi.

Aan ki aan mein yeh kya ho gaya tha? kyun huwa tha? kya yeh Burhan tha? kya yeh uska Burhan tha? yeh kaisa chehra tha? yeh kaisa rawaiyya tha? yeh uske sath kya ho raha tha?

‘Talaq?’ usne yeh lafz kaise ada kardiya?uska dil fatne ko tha. rooh fanaa ho rahi thi, dimagh maoof.

woh aik lafz jab ada huwa to har rishta badal gaya. panah chhin gayi. ghar toot gaya, ghar bikhar gaya.

us raat woh ghar aayi to kamre se bahar nikli Nafisa ki pehli nazar us par pari.

gaal par thappar ka nishaan aankho ke neeche neend safaid kameej ki aasteen par khoon, kanch ka tukra wahin kahin khuba gaya tha. uljha bikhra huwa sa huliya.

woh apni jagah munjamid ho gayi.

"Yeh kya kar diya tum ne jannat kyun kiya tum ne aisa.."

imaan us par chillayi thi. aik shor sa utha tha. Rubina chachi, zaiba chachi, Farida phuphi. ghar ke chhotey badon ka aik jamghata sa ekhatta huwa tha.

Magar uski nigah hain apni maa par jami reh gayi thi. saktah toot gaya. woh sab ko hata kar, apni har aziyat se laa parwa ho kar un ki taraf bhagi, un ke

qadmon mein girte un ki tangon se lipat gayi.

"Mein ne kuch nahi kiya... mein ne kuch nahi kiya! m-mera yaqeen kare."

woh rone lagi. jannat ko sakit nigahon se dekhte, un ka dahna haath be sakhta dil par aan thehra tha. aik lamhe ko woh

larkharyi theen aur phir uski aankhon ke samne farsh par dhair ho gayeen.

"Ammiiii..." ghar ke sunaye mein uski cheekh gunji thi.

"Ammi nahi.. Ammi.... meri baat sune!"

"Ammi mein ne kuch nahi kiya.... mein ne kuch nahi kiya...."

imaan ne rote hue use be dardi se khech kar peeche hataya tha. Hania us par cheekh rahi thi. koi gaadi nikaalne ko bha ga tha. kisi ne ambulance ko call karna chahi thi. is shor aur afratafri mein woh thar thar kaanpti apni jagah baithi reh gayi thi.

Hospital se us raat Nafisa ki maiyat aayi thi. behno ne usey un ki chaar payi ke qareeb tak nahi aane diya tha.

'Jab zinda thi tab nahi, to jab woh nahi rahi, tab kyun?'

woh roti tadapti reh gayi. Kese batati uska koi qasoor nahi kon yaqeen karta. woh gunah gaar nahi.

Doosro ke bar aks Hafsa khamosh thei. na haath uthaya, na shikwah kya, na us par royi, na us par chillayi. aakhri waqt tak woh Nafisa ke sath rahi thi.

Maa ka chehra jaise aankhon mein thehra tha nahi bhi jaisey hathon mein hi reh gaya tha. Nafisa ka wujood mitti taley ja soya to woh bhi jaisey zinda laash ho gayi.

uski bhook mit gayi, neend urr gayi. chain mit gaya. be sukooni wujood ke ang ang mein utar gayi. woh yu khamosh hui jaisey qowat goyi se mahroom kar di gayi ho.

saari wazahaten, safaiya, daleele jaisey us aik maa ke liye thi. un ke jane ke baad usne lab sil liye. behno ko uski shakal tak se nafrat ho gayi.

chacha, taya aur phupho mein se koi usey apne paas rakhne ko tayyar na tha. woh apne bhai, apne baap aur ab apni maa se bhi mehroom thi.

woh us ghar par nazil hone wali har barbadi ka sabab thi. us par koi taras khata bhi to kyun? koi hamdardi jatata bhi to kaise? sab ko lagta talaq bhi aik saza thi. usey theek waqt par bilkul theek mili. uske sath jo huwa, bilkul sahih huwa. abhi to aaghaz tha, abhi to usey dar dar ki thokare khaani thi. zaleel o khawar hona tha.

iddat usne usi ghar mein guzari jo us ka kabhi nahi tha. chhat ka aik kamra jis mein woh mustaqil jo is thehre rehna chahti thi. kamra Rubina chachi ke terrace ke sath jura huwa tha. mundair aik hi thi.

iddat ke baad bade chacha aanan fana uska rishta apne bare bete Zaman se tey kar diya. woh jannat se pure pandrah baras bada tha.

biwi roz roz ki maar dhaar se tang aakar khalla le chuki thi. teen bacche bhi the jo maa ke sath rehte the. na kisi ne usse raye poochi, na marzi janne ki koshish ki. faisla aik saza ki tarah bas suna diya gaya.

Nikah aur rukhsati ki tareekh tay kar di gayi. Aik jahannum se nikaal kar dosre jahannum ka Bandoo bast kiya jane laga. nikah se aik hafta pehle khaala aayi. bahane bahane se chacha se ijazat le kar usey apne sath ghar le gayeen. woh un ke ghar sirf rahi.

Teesre din us ka bohat achanak aur hungami tor par Faris wajdan ke sath nikah ho gaya. Saira khaala sab hi mamlaat pehle tay kar chuki thi. usey to ain mauqa par chacha ke ghar se nikaal layi thi.

"Mein ne abbu se tumhara har tarah se khayaal rakhne ka wada kiya tha. Zaman ke sath mein tumhari zindagi mazeed Barbad nahi hone de sakti."

Unhon ne bas itna kaha tha aur woh nam aankhon ke sath un ke hukum ke agay sar jhuka gayi thi. aik nai zindagi ki aas liye sukoon ki mutlashi rukhsat ho kar Islamabad aagai thi magar shadi ki

pehli raat faris wajdan ke rawaiyye ne us par wazeh kar diya tha ke uski saza kabhi khatam nahi hui thi. sirf shehar hi to badla tha. zindagi wohi thi. naseeb bhi wohi qismat bhi wohi aur mehroomi bhi wohi.

•••

aasman par chmakti bijli zameen ke kisi na maloom goshe mein baar baar gum ho rahi thi. hawae taiz theen. magar itni nahi ke uski har aziyat ura le jaye. barish hanooz baras rahi thi .

woh panjoo ke bal khud mein simat kar baithi jalti hui weraan aankhon se samne dekh rahi thi. wujood mukammal tor par bhiga huwa tha. aankhon mein surkhi utri thi. chehra zard ho raha tha. aur ansoo musalsal bahte ja rahe the.

aisa pehli baar huwa tha ke woh apne ansoo nahi ponch hi thi. nahi khudko dilase de rahi thi. na sambhalne ki koshish kar rahi thi. park ki aahini baar ke us paar sabze ke paich o beech usey traffic nazar aa rahi thi. waqt ruka nahi tha.

duniya apna safar jari rakhe hue thi. deewar ka sahara le kar woh apni jagah se uth khari hui, phir usi mausam mein apni tamam tar wehshato ke sath woh footpath par qadam dharti agey bhadne lagi.

Uska tawazun durust nahi tha. chaal mein wazeh larkharaht thi. artkaz kisi aik jagah nah tha. sochne samajhne ki salahiyat jaise mafqood ho kar reh gayi thi.

Mout...!

Zindagi ka anjaam...!

Aziyat ka ehtataam…!

Aik azadi…!

haan, woh rasta aisa hi tha. usi rang mein, usi roop mein nazar aata tha. pehley bhi nazar aata raha tha, tab woh khudkushi ki soch se peecha chhura liya karti thi, jeene ki koi na koi wajah koi na koi maqsad talaash kar liya karti thi. magar ab ki baar woh aisa nahi kar pa rahi thi.

ab ki baar jo andheraa ikathe hue the woh usey mayoosi ki athah gehraiyo mein utaar rahay the. aur woh chaah kar bhi kuch kar nahi parhi thi.

khudkushi bazat khud aik masla hai. kisi masle ka hal hargiz nahi.

manzar lamhe bhar ke liye badla tha. uske samne sabza bich gaya tha. hathon mein phool aa gaye the. Nana barabar mein the. uske qadmon ke sath sath qadam mila kar chalte hue usey samajhate, usey badalte huwe.

"Saanson ki dor khud se toote to toote tum todne ki koshish kabhi mat karna."

Uski hichikiya bndh gayeen. ankhen ragad kar saaf karte usne aik baar phir qadam bherhaye. woh maazi mein thi nahi haal mein woh jaise aik khalaa mein thi.

"Jis waqt mazi soch jarr pakde aur mayoosi intehaa ki gehri ho jaye to samajh jao, yeh shetan ka aakhri waar hai. theek us waqt par raha hai jab woh tumhare inaam se waaqif ho chuka hai."

lamhe bhar ke liye woh lad khada kar sambhal gayi. aahini barh ka sahara le kar, aik baar phir qadam uthane lagi thi.

"Har sabeer (sabr karne wala) ke hisse mein basharat aati hai aur is basharat se zara der pehley shetan andhere bada deta hai. yeh kaam woh har us momin ke sath karta hai jo apni azmaish mein samid, datta raha ho."

woh sisak pari. nana ke alfaaz aik taraf, uska dard, uska gham, uski mehroomi doosri taraf.

"Tulu aftaab se pehley raat bohat tareek hoti hai jannat ka bohat ziyada tareek hoti hai."

woh sadak kinare ruk gayi thi. uske lab kapkapa rahe the palken laraz rahi theen. sardi ki shiddat se thar tharata wujood nidhaal ho raha tha. woh apna hal talaash kar rahi thi. aur usey apna hal kahin bhi nazar nahi aa raha tha.

rasta aik hi bacha tha. mout ka rasta tabahi ka rasta daimi uqobat ka raasta.

"agar maazi dard ka hissa ho, aur mustaqbil andhere mein dooba ho to sir utha kar aasman ki taraf dekh lena

chahiye."

Uska zabt khatam ho gaya. phoot phoot kar rote hue woh zameen par jhuk gayi. baaz dafaa chhupi hui ba mayne dua aur koi nahi hoti. mehez chand lamho ka tawaquf tha, aur chand lamho ki guftgu. aur usne be had khamoshi se sadak ki janib qadam bada diye the.

❏❏❏