â¢â¢â¢
Office se wapsi par kamray mein daakhil hotay hi woh thitak kar ruka tha. aik lamhay ke liye jaisay apni aankhon par yaqeen nahi aaya tha. khirkion ke parday, bed sheet, deewaron ki paintings, decoration piece, hatta ke woh sofa tak badal chuka tha jo uske bed room ki mashriqi deewar ke sath rakha tha.
Dressing table ka cosmetic ke samaan se sazi thi. bed side aur coffee table par taaza phoolon ke guldaan rakhay thay. zindagi se bhar poor fiza muatter si thi, magar yahi muattar fiza is ke tanaffus par kitni bhari parh rahi thi ye sirf wohi janta tha. Samne hi Jannat wordrobe khole uski kuch shirt hath me liye apne kam me magan khadi thi.
Laptop case bed par patakte hue woh intehai ghussa ke alam me uske janib badha tha. Baju se pakad kar apne kapde uske hatho se jhapak kar darshti se uska rukh apne taraf moda tha.
"Ye kya karne ki koshish kar rahi ho tum?"uski aankho me khun ubhra hua tha.
"Apna kam!" Faris Wajdan ki aankho me dekhte hue jab wo boli to lehja khamwar tha.
"Meri chijon ko hath lagane ki himmat kese hui?"
"Aise hi! Socha shohar ko apne haq or faraiz ka khayal nahi hai , to me hi karlu!" Usne jhtke se apna baju chhura liya tha. Ab wo uski ankho me ankhe dali Hui khadi thi. Na khouf tassur tha na, na wehsat thi aankho me, aur na ghbrahat.
"Mere mamlat me dakhal andaji band karo! Warna..!" Faris ne wardrobe slide karke jhor se band kardi thi.
"Warna kya?" Sawaliya aankhe utha kar usse puchha tha. Faris ke chehre ke tassurat ek lamhe ke liye badle the. Uski aankho me jhak kar pur-etmad ke sath apna sawal dohrane wali ye wo ladki thi jo sar uthakar usse bat karni ki ehliyat nahi rakhti thi.
"Mene tumhare shoes ka stock bhi set kar diya hai, tumhari ties is drawer me hai, three piece suit yaha latka diye hai, cufflink or wrists watchhh..." Agle hi lamhe uski gardan Faris ke ahini shikanje me thi aur choorio (bangle) se bhari dahini kalai uske baye hath me. Jannat ka dama bhap se uda, wo us hamle ke liye hargiz hargiz tayyar nahi thi.
"Haa, to kya keh rahi thi aap?" Uski shakt pathrili awaz or aankho ka tassur Jannat ki rid ki huddy me sansanat Dora gaya.
"C-Chorho mujhe" uska dam ghutne laga, saas rukne laga.
"Jara dobara kahiye.. mene suna nahi?" Faris ki giript badhti gayi, kalai par bhi, gardan par bhi. Use laga wo bas Marne ko hai.
"Ho kon tum? Aukat kya hai tumhari?" Jannat ka chehera taklif ki shiddat se surkh ho gaya. Aankhe bhar aayi or saans, saans to jese use aa hi nahi raha tha.
"Aakhri baar!" Uski khauf se phaily aankhon ko apni aankhon ke focus mein letay hue woh gurraya.
"Aakhri baar tumhari is ghalti ko nazar andaaz kar raha hon, agli baar tum ne aisa kuch bhi karne ki koshish ki to mujh se bura koi nahi hoga!"
aik jhtake se usay chortay hue woh peechay hatt gaya. jannat khaste hue neechay beth gayi thi.
ghusse mein barr badate hue is ne phoolon ke Gul daan farsh par day maaray thay. phir woh isi taish ke aalam mein kamray se nikal gaya tha. jannat ka tanaffus phoola huwa tha. dahna haath gardan par thehra tha, chehray ka rang ura huwa ankhen wehshat se phaily hui theen.
kuch hi der mein mulazma andar aayi thi. zara ghabrayi hui si ujlat mein safai karne lagi thi. is ne bhoolay se bhi jannat ki taraf nahi dekha tha. nah hi baat karne ki koshish ki thi. order sakht tha. faris ke mulazim sirf faris ki hi suntay thay.
intehai koshish se uth kar woh seedha teris par chali aayi thi. baadalon bhari shaam kuch ada kuch weraan si thi. daur kahin bhali chipki thi. baadal bhi gargay thay. Railling par jhuk kar is ne khud par qaboo panay ki sae ki thi. aankhon mein ubharti nami ko palken jhapka kar roka tha. woh aaj rona nahi chahti thi. tanhai mein bhi nahi. agar woh pehli chout par hi khud kozmin bose honay se nah bacha payi to phir kabhi nahi uth paye gi. agar aaj bhi woh khauf mein aagai to kuch bhi badal nahi paye gi.
usay himmat nahi harni thi. hosla nahi chhorna tha. aik baar phir apne jazbaat par qaboo paate hue is ne surkh padtee aankhon ko be dardi se ragar dala tha. siskiyon ko daba liya tha. aziat ko chhupa liya tha aur tab hi kisi ehsas ke tehat is ne apni choorion bhari kalayi ko chuva tha. taiz hawaon ke sath barish ki pehli boond is ki peshani par giri. Usne sar utha kar aasman ko dekha .
'tulu aftaab se pehlay raat kitni tareek hoti hai. aur tufaan se pehlay khamoshi kitni Moheeb lagti hai.'
'kuch log apni kashtiyan khud jalatay hai or kuch ki jala di jati hain.'
'jin ki jala di jayen, unhen kya karna chahiye?'
'inhen ziyada himmat, ziyada sabr, ziyada qowat dikhani chahiye.' barish shuru ho chuki thi. woh teris ki seedhiyan utar kar apne kamray ki taraf jane lagi.
'Ziyada himmat, ziyada sabar, ziyada quwwat...'
apni study se bahar nikalta faris bhi isi taraf araha tha . bed room ke samnay aik lamhay ke liye ruk kar us ne faris ko dekha phir andar daakhil hotay hi darwaaza zor se band kar diya. ain uske mun par.
faris ka dimagh bhak se ura. woh uski jurrat par Shakir reh gaya tha. shiddat se dharaktey dil aur phoolay tanaffus ke sath woh dabey qadam peechay hatt gayi thi. Muthhiya sakhti se bhinche ab
sar uthaye khari thi.
Faris ne shadeed ghusse ke aalam mein darwaaza dhar dharaya. magar woh apni jagah se aik inch na hili thi. ab woh apne kisi mulazim par baras raha tha. jannat takiya aur blanket uthaye sofay ki janib barh gayi. kuch hi der mein darwaaza khul gaya tha.
"Yeh kya bad tameezi hai?" aandhi tufaan ki tarah woh is ke sir par pahonch kar dahara tha.
"Tum karo to haq hai tumhara, mein karoon to bad tameezi?" woh murr kar usay dekhnay lagi. faris shola baar nigahen us par jamaye khara raha. baadal kuch shiddat se garjey the. bijli bhi chamki thi. deewar geer khirkion par barish ke qatray ab kuch ziyada hi ravani se girnay lagey thay .
"khair..! Lucky ho tum, chaabi hai tumahray paas...! jin ke paas nahi hoti, unhen phir kisi dhutkare hue insaan ki terhan kisi tareek kamray ke thanday farsh par raat guzaarni padtee hai" sar uthaye uski aankho me dekhte hue kuch is andaaz or lehjey mein is se baat kar rahi thi, woh kuch bhi tha magar naram nahi tha. lafz jaisey shola the aag pakdae hue zabt ke marahil se guzarkar tahammul se ada kiye hue.
"Mein tumhe warn kar raha hoon ."
"Warn mein tumhe kar rahi hoon" ungli utha kar is ne faris ki baat durushti se kaat di thi .
muthiyaan sakhti se bhinche, lab baahum paivest kiye faris bardasht ki intahaa par khara tha.
"Aakhri baar mein tumhari is ghalti ko nazar andaaz kar rahi hoon. agli baar tum ne aisa koi bhi scene create kiyaa, ya mujhe apne mamlaat se door rakhnay ki koshish ki to mein khamosh nahi rahon gi. mein auntie ko sach mach mein is nikah ki hasiyat se aagah kar dun gi jo tumahray nazdeek faqat aik contract hai." Usne sakht lehjey aur saaf lafzon mein is par apne iraday wazeh kar diye thay.
"Mein inhen bta dun gi tum un ki mout ka intzaar kar rahay ho take mujh se jaan chhura sako"
"Just shut up!" woh halaq ke bal dahada.
"kyun? kya tum aisa nahi chahtay? mein is ghar mein auntie ki wajah se hon, kya tum ne mujh se yeh nahi kya tum ne mujh se yeh nahi kaha yeh nikah sirf kaghaz tak mehdood rahay ga? haan?" doosri taraf khamoshi thi.
"Yeh aakhri warning hai, mein bata rhi hu, mein khamosh nahi rahon gi." sofay par daraaz hotay is ne blanket apne wujood par phela liya. dobarah is ne faris wajdan ko dekhnay ki koshish nahi ki thi.
---- â¢â¡â¢ ----