Chapter 5: •CHAPTER-04•

•••

Afaq se zameen par utarti shaam ke rangon mein aaj sitaron ka raaj tha. Jo umeed ka roop dhare, us ki ankhon mein jhilmila rahe the. Dining table ko mukhtalif dishes se sajaane ke baad jab woh paani ka jag liye wapas aayi thi, to Faris wajdaan sadar kursi sambhal chuka tha. Siyah trousers par safed shirt mein malboos do aam se jalse mein tha. peshani par baal bikhray thay. Ankhon mein banti thi, na hi khafgi ka koi tasurat magar woh jaanti thi ke agle chand lamhon mein us ke chehre ke tasurat kaise hone waale thay. Woh kursi khinch kar baithi to Faris ki bhanwein sukarr gai. Ghaliban woh shaam ke khane par us ki maujoodgi ki tawaqo harz nahi kar raha tha. Amooman woh bhi Mrs. Shirazi ke saath jald hi khana kha liya karti thi, kyun ke Faris kuch taakhir se ghar aata tha aur unhein waqt par medicine lena hoti thi. Magar aaj us ne aisa nahi kiya tha. Aaj woh Faris wajdaan ki muntazir thi.

"Mummy kahan hain?" apni plate mein pulao daalte hue woh mulaazim se pooch raha tha. Ankhon mein ab be naam si khati ahraari thi.

"Saahib! Woh apne kamre mein hain,"

"khana Gul Khan ne banaya hai?" us ne pehle chhe ke saath hi achank poocha tha. Us ke andaaz, rawaye aur lehje se kuch khauf ho kar Jannat ne halaq mein ubharti galti ko bamushkil neeche utara tha. Mulaazim ne ek nazar Jannat par daali thi, phir us ne nafi mein sar bulaaya.

"Aaj ka khana Jannat madam..." ( jumla mukammal hone se pehle hi woh plate mein chheecha panch kar uth gaya tha. Jannat ke chehre par saaya saal hara gaya.)

"Gul Khan kahan hain?" ab woh intehaai ghusse ke aalam mein mulaazim se pooch raha tha. Zair-e-waqt woh aath baje apne quarter chala gaya tha. Mulaazim bhi ek lamhe ke liye jaise us ke hisse se khauf hui thi. Zair Lab kuch bar barate hue woh paon pahunch kar bahar nikla gaya.

Ab Gul Khan ki kher nahi. Mulaazimah ke chehre par bhi hawaiyan uṛi hui theen. Jannat Kamal apni jagah patthar hui beti theen. Itni nafrat! Us ka saans ruka tha. Nigahain maiz par ki anwaan o aqsaam ki dishes par ṭhehri theen.

Nafrat se ladne ke liye mohabbat us ke paas nahi thi, lekin ek koshish ke shayad rawayye se kaam chal jaaye. Akhlaq aur khidmat se farq par jaaye, lekin is se farq nahi parta tha. Bilkul farq nahi parta tha. ungliyon se gaal par phisliti lat ko peeche hatate woh kursi dakhel kar uth gayi thi. khufat, sharmindagi aur be izzati ke ehsaas ke tehat us ka chehra surkh par gaya tha. Ujalat mein seerhiyan charhti woh kamre mein band ho gayi thi. Kuch waqt us ne balcony mein guzaara tha, khuli fazaa mein bhi use saans lenay mein mushkil ho rahi thi.

"Yeh aik kaaghazi rishta hai, Jannat Kamal..! Yeh sirf kaaghaz tak Mehdood rahega."

"Mujhe ek bahu chahiye thi. Sirf aik bahu, yahan sirf bahu ban kar raho, biwi ban kar mere sir pe musallat hone ki koshish bhoolay se bhi mat karna, warna bahut bura karoon ga ...."

Wash basin par jhuk kar us ne thanday paani ke chheentay apnay chehray par maare thay. Phir us ne khud ko aaiynay mein dekha tha. Paani ansoo'on ki tameez mita raha tha. Royi royee ki aankhein gulabi ho rahi theen.

"Woh is rishte se raazi nahi hai..." Wash basin par haath jamaaye woh rote huay jhuk gayi thi.

"Bilkul bhi raazi nahi hai. Kya tumhe aisa nahi lagta ke woh shuruaat se shaadi ke liye tayyar nahi tha?" Jannat ne be saakhta nigah uthai thi. Kuch hairat se apna akas dekha tha.

"Khala bhi yeh baat jaanti theen." Us ke labon mein jumlish hui. Unhon ne phir bhi tum har baar yeh kyun bhool jaati ho ke is waqt tumhare paas aur koi option nahi tha, tumhare chacha tumhara rishta zaman se tay kar rahe the, kya woh tumhein manzoor tha?" Kaat daar lehja usay chhilni kar gaya. Woh turk se lab bheench kar rah gayi.Ek lamhe se liye sukoon chhaya tha.

"Main is ghar mein sirf us ki mom ki wajah se hoon, auntie heart patient hain. Khuda na khwasta agar unko kuch ho gaya to woh mujhe is ghar se nikalne mein ek lamha bhi nahi lagaye ga..!"

Us ki awaz gham se bujhul ho rahi thi.

"To us ki yeh soch aur faislay ko badalna tumhara kaam hai, jannat..!"

"Kya soch aur faislay badalna aasaan hai..??" Woh zair lab bari thi.

"Muhabbat har kaam aasaan kar deti hai." Yeh us ki awaz thi jo maazi ka safar tay kar aayi thi.

"Mohabbat" wo muskurayi.

"Mohabbat hi to sab mushkil karti hai."

"Tum ne apni ghaltiyon se kuch bhi nahi seekha, tum ab bhi wahi ho," isi maqam par tazheek urata hua lehja us ki dhajiyan bikhair gaya. Kuch takleef, be bassi aur azardagi se woh khud ko dekh kar Rahi thi. Har baar

"wohi ghalti..."

"wohi manzil..."

"wohi raasta..."

us ki aankhon mein aankhein daal kar use larza diya gaya.

"Tum nahi samjhsakti..." Nafi mein sar hilate hue woh wash basin par jhuk kar rone lagi. "Tum bhi nahi samjhsakti."

"Kya tum ne Faaris ko samjhne ki koshish ki hai?"

Woh ek lamhe ke liye chonki, thikti phir saki. "Bas karo..."

"Burhaan abhi tak tumhare hawasoon par sawar hai..." itne achanak se kaha gaya woh dang reh gayi. Saakit ho gayi.

"A-Aisa nahi hai." Kuch der baad jab woh bolne ke qabil hui to lafz bemushkil ada huye.

"Aisa hi hai."

Bedroom ka darwaza band hua tha. Qadamoun ki chaap attached bathroom ke darwaze tak aakar tham gayi thi.

"Burhaan aaj bhi tumhare hawasoon par sawar hai, aur tum is ki wajah se apne naye ghar mein koi effort nahi

Kar rahi ho, tum aik baar phir khud ko haalaat ke dhare par chhod rahi ho. Pichli baar khala aayi thin aur tumhein wahan se nikal laayi thin. Is baar kaun aayega? Allah bhi unki madad karta hai, jo apni madad karna chahte hain. Aur tum? Tumne in 15 20 dino me Kiya kya hai?"

Jannat ka halaq khushk hone laga. Nichla lab be dard se ragarte hue, usne rone par qabu paane ki sa'ee ki. "Woh apna har darwaza band kar raha hai, aur tum use aisa karne de rahi ho? Woh tumhein adimi kar raha hai, aur tum ho rahi ho? Wahi ghalati...wohi saza...wahi khata...

Andar ka shor barh Gaya tha , Shor Barh hi jaata tha. Woh thanday paani ke cheentay chehre par maarnay lagi. Phir usne kaanon par haath rakh liye the.

'Wahi Ghalati...!'

'wahi Saza...! '

'Wohi Khata...!'

Aawaz ba dastoor goonj rahi thi.

---- •♡• ----

Dopahar ke waqt deewar gir khirkion ke samnay sofa par neem daraaz magazine ki varq gardani kartay, us ki aankh lag gayi thi aur khuli tab thi, jab saman se dil doz cheekh nikraai thi. Hard bada kar uthtay hue, us ki pehli nazar Aima par padi, jo saday se gaal par haath rakhe, use hi dekh rahi thi.

"Yeh abhi abhi mere kaanon ne kya suna hai? Tum waqai mein, Oh! God, Tum waqai un ki wife, Oh! God" us ne chehray ke aagay haath jhulaya, goya saans lenay mein mushkil ho rahi hai.

Jannat ghabrahat ke aalam mein uth kar baith gayi. Kandhay se phailtay dupatte ko waapas jamatay uthnay hi wali thi ke, Aima us ke barabar mein tik gayi.

"Mujhe abhi abhi aunty ne bataya. Bhai aur bhabhi ko bhi ilm tha lekin unho ne mujh se chhupaye rakha. Kehte hain tumhein surprise dena tha.... Yeh surprise hai ya goli sidha dil se guzar gayi? Mujhe itna dukh ho raha hai. Maine inki shadi Miss kardi..."

"I can't believe it. unhon ne shadi kar li" gardan mourr kar is ne jannat ko dekha.

"Aakhir sab ne mere sath aisa kyun kya?" kandhay se lag kar is ne rona chaha. phir sir uthaye usay aik baar phir dekha.

"kya waqai tumhari shadi aanan faana hui? aik hi din mein rishta tay sun-hwa, shaam mein nikah aur phir rukhsati? kya waqai aisa hi esa hua?" jannat ne puzzle ho kar asbat mein gardan hilai .

Aima ne aik baar phir apna haath seenay par rakha. aankhon mein barron ki si shafqat utar aayi.

"yani tum chand ghantay un ki mangetar rahen, phir mankoha huien, phir biwi..."

ab ke jannat chup rahi .

"sach kehte hain. Allah ke faislon ke agay insanon ki nahi chalti. faris bhai jaisay bande ki shadi aisay hi ho sakti thi. aanan fanan..."

"nikah ki tasweer mein to hon gi, zara wohi dikha do mujhe" side table se mobile utha kar usne tasweere dikhai Allah... Ma sha Allah kitni pyari lag rahi ho, waqai faris bhai ke sath tum hi saj sakti thi..."

"Aur yeh faris bhai" abki Faris ki tasweero ko zoom karke dekha

"yeh aisay kyun baithy hain jaisay mirchain chabai hui hon..." hai poooray tufaan hi zara sa muskura dete to kon sa jaan nikal jati thi. taswerain badal badal kar woh tabsaray kar rahi thi aur jannat usay khamosh nigahon se takti bilkul chup baithi thi .

"jori to waise kamaal ki hai." Ishtiaq ke aalam mein aik aik tasweer ko dekhte woh srah rahi thi.

"mein bhai aur bhabhee se sakht khafa hon, aunti se bhi meri bol chaal band hai, aur faris bhai aaj se mere bhai nahi hain. aisay kaisay kar satke hain yeh sab mere sath. is ka sadma, dukh jahi nahi raha tha. mujhe pata hota woh mere dubai jane ke baad shadi kar len ge to mein kabhi nah jati."

"Tum Kab Aayi?" balon ko samaitt kar jora banatay huwe jannat ne poocha.

"Abhi kuch der pehlay, bhabhi bhai ke sath aayi hu, sab neechay hain. auntie ne mujhe tumhe bulanay ke liye bheja hai"

"maheman aaye hue hai?" jannat ke hosh uray. woh bokhla kar uthi.

"arrey kahan maheman" Aima ne goya naak se makhi udai.

"hamein tum apna hi samjhoo.... waisay tum sofay par kyun so rahi theen...?"

almirah se apna suit nikaltay jannat choank kar muri. Aima taang par taang jamaye usay hi dekh rahi thi.

"magazine parhte parhte aankh lag gayi thi. tum jao mein tayyar ho kar aati hon..."

"Yeh durust hai faris bhai ab mere bhai nahi rahe, lekin tum meri bhabhee hi ho, jaldi se kapray badal kar aao taa ke mein tumhara acha sa make-up kar sakoo..."

Jannat ne kuch kehnay ke liye muh khoola, phir sir jhatak kar attached baath room mein chali gayi. mungya rang (coral green ) ke soonahre kaamdaar long frock me malboos jab woh bahar aayi to Aima ne magazine se nigah hata kar usay hi dekha .

"Tumahray baal bohat pyare hain jannat" woh is ke peechay aa khadi hui. "ab tum betho, mein tumhara make up"

"Nahi Aima pehlay hi kaafi der ho chuki hai"

magar is ne aik nah suni. usay zabardasti kursi par bitha kar dressing table par nigah dorhayi magar wahan faris ki creams or perfume ke siwa kuch nah tha. phir is ne ujlat mein daraaz kheinchain magar make up to kahin bhi nah tha.

"woh abhi mein ne apna samaan set nahi kiya hai! " apni sharmindagi par qaboo paati woh taizi se uthi aur wordrobe ke nichale khanaay se make up box nikaal layi. Aima ne phurti se is ka light make up Kiya . baal banaye phir apni bhi kuch noke palak sanwari...

is ke baad woh dono neechay agaien Lounge mein to goya aik mehfil ka samaa tha. Aima ke bhai aur bhabhi apne teen beton ke hamrah mojood thay. woh un sab se khush ikhlaqi se mili. phir mrs. Shirazi ke sath single sofay par baith gayi.

"Usoolan tumhe faris bhai ke sath baithna chahiye tha." Aima ne sofay ke hathe par tik kar sir ghoshi ki. is ne muskurany par iktifa kya .

Aima ki bhabhi amina bohat hi milansaar aur khush ikhlaq theen. teen betay thay. aik 6 saal ka tha, dosra 4 saal ka jab ke sab se chhota wala abhi goad mein tha. ghar mein to yaqeenan bachay tufaan uthaye rakhtay hoge magar is waqt woh dono bohat mowtadd se apne baap ke sath baithy thay.

bara wala zara sehat mand tha. sir uthaye jannat ko hi daikhta raha. is ne aik lamhay ke liye bhi nazron ka zavia na badla. jab salam karne aaya tab bhi zara sa sharmaya sa laga. jannat ne naam poocha to naam bta kar apni mama ke pehlu mein mun ko chhupa liya.

"Lo jee Asad ka to kaam ho gaya, uzer bhai! aap ke betay ko aik aur larki pasand aagai." Aima ne ba qaida elaan kya. sab khilkhila kar hans pare.

dinner bahar lawn mein kya gaya jahan baar barbeque ka intizam Kiya gaya tha. raat gaye tak khoob mehfil jami rahi thi.

mrs. Shirazi apni medicine le kar so gayi theen magar faris aur jannat ne mehmanon ka poora poora sath diya tha. Aima ki jannat ke sath un chand ghanton mein sadiiyon purani dosti ho chuki thi. jatay waqt dono ke darmiyan phone numbers ka tabadlah bhi ho chuka tha. amina bhabhee ne to khaas tor par usay apni taraf aane ka kaha tha. maheman ja chuke to ghar mein aik baar phir khamoshiyan raaj karne lagi. woh kamray mein aayi to faris ki mojoodgi

mein bhi tanhai aik baar phir usay dasne lagi.

wash room ke aaiine mein is ne khud ko dekha. Aima ne usay bohat achay se tayyar kiya tha, magar jis ke liye usay tayyar kiya gaya tha, usne to nazar bhar kar bhi usay nahi dekha tha. jewellery utaartay, chehra dhotay is ki ankhen phir se num honay lagi.

darwazay par dastak hui, qadmon ki aahat ke sath hi mulazma ki aawaz ubhri

"sahib! begum sahibaa aap ko bulaa rahi hain."

faris ki madham aawaz ke sath qadmon ki chaap ubhri. woh washroom se bahar aayi to kamra khaali tha. raat ke baara baj rahay thay, sirf is khayaal ke tehat ke mrs. Shirazi ki tabiyat kharab na ho, woh ujlat mein qadam uthaati neechay aagai thi .

"Jo mar chuka hai, is ke sath marna chahti hain? jo zindah hai, is ke sath jeena nahi chahtain?" bhaari gambheer aawaz kisi posheeda dard ki akkaasi karti hui mrs Sharazy ke bed room ke samnay jannat thitak kar ruk gayi thi.

dastak ke liye utha ha th fiza mein hi muallaq reh gaya tha .

"Woh tumhara khoon hai!" mrs. Shirazi ki aawaz aanso-on se boujhal ho rahi thi.

"Woh mera kuch nahi hai!" faris ka andaaz qatiat bhara tha .

is ne adh khulay darwazay se andar dekha .

samnay hi bed par woh mrs Sharazy ke paas sir jukaye betha tha .

"is ka to koi qasoor nahi hai faris!" mrs Sharazy ne minnat bharay lehjey mein kehte hue is ka haath thaama tha.

"aap mujh se meri jaan kyun nahi maang leti mummy.!" faris ke lehjey mein be basi thi. aawaz mein dard. .. aankhon mein bebasi ilye Mrs. Shirazi usay dekh kar reh gayeen. aglay kayi lamhoon tak un ke mabain sukut haal raha .

"Jab tak is ki nani zindah theen, mein kuch mutmaeen thi" woh num aankhon ke sath bolein mgar ab

faris khamosh raha .

"chhota sa yateem bacha hai woh tum usay aakhir kis baat ki saza day rahay ho faris? kya tumhe reham nahi aata?"

faris ne jin nigahon se inhen dekha woh andar tak kat kar reh gayeen .

"Mat karen mere sath aisay please!"

woh be basi se keh utha tha.

"aap ne kaha, wapas aajao, mein agaya. aap ne kaha, shadi kar lo, mein ne kar li. magar yeh nahi Allah ke liye yeh nahi...!"

"Woh tumhara bhatija hai faris tum is ke legal guardian ho."

"kuch nahi hai woh mera!" is ki aawaz yaka yak buland hogayi thi.

Mrs Shirazi karb se usay dekh kar reh gayeen. apna haath churra kar woh taizi se uth khara huwa tha. jannat ujlat mein

darwazay se hatt kar paar ki oot mein ho gayi thi.

kamray se bahar aa kar woh aik lamhay ke liye ruka tha. is ka mehez bhaari tha, ankhen surkh ho rahi theen. apni peshani masalte hue woh seerihoon ki janib barh gaya tha. aur jannat kamaal dam sadhay aglay kayi lon tak apni jagah khari reh gayi thi .

"apne be jaan khilonon ko sambhaal sambhaal kar rakhnay wala jeetay jagtay insanon ke muamlay mein itna be rahem... itna safaaq...!"

"yateem bhatija jisay woh apni Custody mein lainay ko tayyar hain? is ne sir utha kar band darwazay ko dekha. mrs. Shirazi ka chehra aankhon mein sama gaya. kitni takleef mein lag rahi theen woh

Gehra tanaffus le kar woh ulje zehen ke sath kamray mein aagai thi . Faris bed crown se take lagaye mobile uthaye betha tha. taizi se kuch type karta sun-hwa jannat ki aamad se is ke asaab tanao ka shikaar hue thay. aik sarsari si nigah is par daalti woh wardrobe ki taraf barh gayi. apnablanket aur takiya nikaal kar jab seedhi hui to mobile side table par rakh kar woh sir se paiir tak lehaaf tane sonay ke liye late chuka tha .

aankhon mein tanfkrat ki par chaiyan liye woh ab usay hi dekh rahi thi .

"Faris ka bhai... yateem bhatija...?" jisay woh apni Custody mein lainay ko tayyar nahi ...?"

mrs. Sirazi apne potay se milna chahti theen, magar faris inhen milnay nahi day raha tha. woh usay apne paas rakhna se milna miley chahti theen magar faris inhen aisa karne nahi day raha tha. maa se shadeed mohabbat ke bawajood woh inhen kitni barri aziat se do chaar kiye hue tha.

"Aisi bhi kya be basi aisi bhi kya be hisi..."

"kaisa insaan hai yeh? dil naam ki cheez is ki seenay mein hai bhi ya nahi...?"

"Tum bhi is se mukhtalif nahi ho jannat...!"

is ki soch ko yak dam hi break lagi thi. khayaal jaamad hue thay. woh jaha ki taha khari reh gayi thi .

Dressing table ke aaiine mein is ka aks aik hi is ki kefiyat par muskurany laga tha. aawaz andar se aayi thi. aawaz hamesha andar se aati thi. kabhi maazi ki sheh par kabhi zameer ki sada par aur woh kitni hi der tak sakit o jaamad khari reh jati thi.

dastak day kar is ne adh khulay darwazay ko andar ki janib dhakel diya tha. mrs. Sharazy khirki ke samnay Qur'aan hathon mein liye baithi theen. mulazma un ke liye saib kaat rahi thi. usay bhej kar woh khud hi un ke paas baith kar saib katnay lagi. gaahay bagahay un ki aankhon mein bhi dekh layte. guzashta shab faris ke sath honay wali talkh kalami ka koi ta-assur un ke chehray par nahi tha. nashtay par bhi dono maa beta mamool ki terhan baat cheet karte rahay thay jaisay glasses utaar kar side table par rakhtay hue unhon ne Qur'aan band kar diya. chand lamhe tak woh mohabbat paash nazron se un ke mabain koi ikhtilaaf raha tha nah koi masla chal raha tha. usay dekhatii rahi.

"Tumhe raaz mila jannat?" kuch yaad aa jane par unhon ne narmi se poocha tha.

"kon sa raaz?" be sakhta hi sawal labon par aaya tha .

"Usri yusr ka raaz"

aik lamhay ko ruk kar is ne mrs. Shirazi ko dekha phir ahistagi se gardan nafi mein hila di .

"Raaz itni aasani se munkashif nahi hotay aunty, ham jaisay gunah garon par to shayad...! shayad bilkul bhi nahi...!"

"Agar raaz munkashif nah hotay to koi gunah gaar Taib nah hota, kafir musalman nah hota, bhatkay hue raah nah paate, momin ka khitaab nah paate."

Coffee table par plate rakh kar woh seedhi ho baithi thi. gaal par phisalti lat ko kaan ke peechay karte hue is ne mrs. Shirazi ko dekha. labon par madham si muskurahat sajaye woh usay hi dekh rahi theen .

"ghhor karne ke liye, tadabbur panay ke liye, chupay hue ma-ani ko wazeh karne ke liye waqt chahiye, himmat chahiye, yaqeen chahiye, talabb chahiye..."

"apne andar ke sawal ko samjho jannat, you won't regretted." unhon ne saib ki qaash uthai thi .

jannat khamosh rahi. sir jhuka raha. ungliyan masalte hue ab woh kuch muztarib nazar aa rahi thi.

"Tum ne duayen kyun chore di?" kayi lamho ki khamoshi ke baad unhon ne bohat narmi se poocha tha. aur jannat ne bhi jawab dainay mein kuch waqt liya tha .

"Mein jo maangti rahi hu, Allah ne woh mujhe nahi diya" is ki aawaz gham se boujhal thi.

"kab tak maangti rahi ho?" jannat ko un ka sawal samajh mein nah aaya. sir utha kar is ne sawalia nigahon se inhen dekha.

"kab tak? saal, do saal, teen saal, chaar saal, das saal, bees saal, so saal?"

woh dam sadhay inhen dekh kar reh gayi.

"Zakaria alaihi salam ne to himmat nahi haari thi jannat, boorhay ho gaye thay. biwi banjh thi, tab bhi unhon ne aulaad ki dua maangna tark nahi ki thi. "

jannat sun hui thi. kon si baat kahan aakar wazeh hui thi. kon sa pegham kahan aakar mila tha .

"Ambia ikram ki aik khasiyat yeh bhi thi. woh duayen tark nahi karte thay, sabr karte thay aur mangte rehtay thay. "

jannat ne kuch nahi kaha woh kuch kehnay ke qabil bhi na rahi thi .

"sawal tumhe is aayat tak laaye ga jannat sawal hi tumhe is ke ma-ani samjhaye ga."

kon keh sakta tha woh is ki saas theen. Aik alema theen jo is ke andar ki gthyan suljhanay mein jut gayi theen.

---- •♡• ----