Chapter 8: Dil Ki Programming Error

Shivay Singh Oberoi ka dimaag ek supercomputer ki tarah chalta tha—logical, organized, aur emotions se free.

Lekin Anika ke aane ke baad, aisa lag raha tha jaise kisi ne iske system mein ek major virus daal diya ho.

Pichle kuch dino mein, woh uske har choti choti harkat pe react karne laga tha.

Aur sabse irritating baat?

Yeh sab Anika ki wajah se ho raha tha.

Step 6: The Mood Swing Experiment

Subah breakfast ke waqt, Anika full "ignore mode" pe chali gayi.

Jahan pehle woh Shivay ke saamne bait kar taang kheechti thi, aaj woh directly usse ignore kar rahi thi.

Aur jaise hi usne Shivay ka favorite sandwich uthaya, usne ek dum expressionless mooh bana ke wapas rakh diya.

Shivay ne side-eye se dekha.

Matlab, aaj yeh normal behave kar rahi hai?

Thoda ajeeb laga.

Shivay: "Tum theek ho?"

Anika ne bas halki si muskurahat di aur sirf "hmm" bola.

Shivay ka dimaag instantly error mode mein chala gaya.

Pehle chhipak rahi thi, ab ignore kar rahi hai?

Yeh kya naya drama hai?!

Step 7: The Distance Effect

Pura din Anika ne Shivay ko avoid kiya.

Breakfast pe no teasing

Study time pe no funny questions

Dinner pe no random bakwas

Bas ek formal "haan", "nahi" type ka response.

Aur yeh cheez Shivay ko sabse zyada disturb kar rahi thi.

Raat ko jab Shivay apne room mein books dekh raha tha, uska dhyaan baar baar Anika ke weird behavior par ja raha tha.

Usse itni adat ho chuki thi Anika ki annoying harkaton ki, ki ab uska normal hona bhi problem lag raha tha.

Aur jab raat ko usne dekha ki Anika chup chap apne kamre mein chali gayi bina kisi shor-sharabe ke, toh uska patience finally break ho gaya.

Step 8: The Ultimate Reaction Test

Shivay seedha Anika ke room ke door pe aaya aur knock kiya.

Shivay: "Anika, open the door."

Anika ne andar se lazy voice mein bola.

Anika: "Kya kaam hai, Shivay?"

Shivay ko first time uske voice mein woh usual energy nahi mili.

Usne bina soche directly door khol diya.

Anika bed pe padi thi, ek dum thakeli si.

Uska face dull lag raha tha.

Shivay (confused): "Tum theek ho?"

Anika ne bas sir hila diya. "Haan, bas mood nahi hai kisi se baat karne ka."

Shivay ne aankh teek kar usse dekha.

Yeh ladki jo 24/7 sirf bakwas karti thi, aaj suddenly introvert mode mein kyun chali gayi?

Pehli baar uske andar ek weird si chinta aayi.

Aur usne bina soche ek instinctive reaction diya.

Shivay: "Tumhe koi problem hai?"

Anika ne chup chaap uski taraf dekha.

Aur woh chhoti si smile jo hamesha uske chehre pe rehti thi, aaj gayab thi.

Shivay ka dimaag ek dum static noise ban gaya.

Usse yeh bilkul bhi acha nahi laga.

Pata nahi kyun, par Anika ka aise chup rehna sabse zyada unbearable lag raha tha.

Aur bina soche uske mooh se ek sentence nikal gaya jo usne kabhi expect nahi kiya tha.

Shivay (softly): "Agar kisi ne kuch kaha hai toh batao. Main hoon yahan."

Anika ne uske words pe surprise ho ke uski taraf dekha.

Ek second ke liye, uske eyes literally soft ho gayi.

Anika (slowly): "Tumhe kya faraq padta hai, Shivay?"

Shivay stuck ho gaya.

Haan, sach mein kyun pad raha tha faraq?

Uske paas koi logical answer nahi tha.

Bas ek ajeeb si bechaini ho rahi thi Anika ko aise dekh kar.

Aur tabhi, Anika first time thoda close aayi.

Usne ek slow teasing smile di, jo ab tak gayab thi.

Aur ek dum low whisper mein kaha—

"Bas, theory pass ho gayi."

Shivay ka dimaag ek second ke liye blank ho gaya.

Matlab?!

Yeh sab ek test tha?!

To Be Continued…