Chapter 7: Pyaar Ka Logic Error

Anika ka experiment chal raha tha, par Shivay ke dimaag mein naye equations ban rahe the.

Usse ye samajh nahi aa raha tha ki kyun Anika ke actions usse disturb kar rahe the.

Ek din pehle tak, woh sirf ek annoying guest thi. Par ab uski har choti choti harkat uske dimaag mein register hone lagi thi.

Aur sabse irritating baat? Shivay ka logic fail ho raha tha.

Step 4: Attention Seization Theory

Agli subah, Anika ne ek naya experiment socha.

Woh breakfast ke liye full attention-seeking mode mein aayi. Bright yellow dress, khule baal, aur wohi badmaash smile.

Shivay jaise hi table par baitha, Anika ne deliberately exaggerated sigh maara.

Anika: "Aaj main kitni thak gayi yaar!"

Shivay ne bina interest ke coffee sip ki.

Shivay: "Tumne subah subah aisa kya kar diya jo itni thak gayi?"

Anika: "Bas, duniya bhar ke ladke mujhse impress hone ke chakkar mein pade rehte hain. Bohot exhausting hota hai, you know?"

Shivay ne first time coffee ka wrong sip le liya.

Shivay (choking): "Kya?"

Anika: "Haan na! Aaj morning walk pe main gayi thi, aur pata hai ek ladka mujhe dekh ke tree se takra gaya!"

Shivay ab properly coffee table pe rakh chuka tha.

Shivay: "Woh ladka dumb hoga."

Anika (offended gasp): "Excuse me? Tum keh rahe ho ki main itni sundar nahi hoon ki koi impress ho sake?"

Shivay ko pata bhi nahi chala ki woh trap mein aa chuka tha.

Shivay (defensive): "Maine yeh kab kaha?"

Anika: "Toh kehna kya chah rahe ho?"

Shivay (thoda fasa hua feel karte hue): "Bas… yeh sab childish hai. Kisi ka tree se takra jaana, iska yeh matlab nahi ki tum koi love guru ho."

Anika (smirking): "Tumhe jealousy ho rahi hai?"

Shivay instantly shook his head. "No way."

Par phir bhi, uske expressions kuch aur hi keh rahe the.

Bingo. Jealousy Theory phir se pass ho gayi.

Step 5: The Hero Moment Experiment

Raat ko Anika deliberately terrace par baith gayi, railing se thoda close.

Shivay ne use dekha aur aankhon se warning di.

Shivay: "Agar railing se gir gayi toh mujhe blame mat karna."

Anika (teasing): "Kyun, tum bachane nahi aaoge?"

Shivay ne usse ignore kar diya.

Par jaise hi Anika ne railing ke bahar pair latkaya, Shivay ka patience khatam ho gaya.

Shivay: "ANIKA! Get down!"

Par usse pehle ki Anika reaction deti, ek sudden jerk se railing ka ek part slightly move ho gaya.

Aur Anika balance lose karne lagi.

Uske mooh se halki scream nikal gayi.

Bas. Usse pehle ki woh aur neeche girti, Shivay ne turant uska haath pakad liya.

Ek second ke liye, sab kuch slow motion mein ho gaya.

Shivay ka ek haath railing par, doosra Anika ke wrist par.

Anika shock mein uski aankhon mein dekhi rahi thi.

Shivay (tight grip, gusse se): "Tumhe samajh nahi aata kya? Yeh koi mazak nahi hai, Anika!"

Anika ab fully uske close thi, lekin yeh wala moment natak nahi tha.

Shivay ka dil fast beat kar raha tha, aur uski aankhon mein jo concern tha, woh clearly dikh raha tha.

Finally, Shivay ne use railing ke andar pull kiya.

Aur jaise hi Anika safe hui, Shivay ne usse ek sharp glare diya.

Shivay: "Ek aur baar aisa kiya na, toh..."

Anika (softly): "Toh kya?"

Shivay suddenly silent ho gaya.

Kyuki ab usse samajh nahi aa raha tha ki usse actually gussa kyun aa raha tha.

Anika slowly smiled.

“Theory ka sabse bada proof feelings hoti hain. Aur Shivay Singh Oberoi, tumhari feelings ab slowly dikh rahi hain.