chapter 1

Peer e kamil in hindi ............................................Salar sikandar **************  .................................................................      Imama Hashim ...................................................................             Zindagi ki sab se bari khwahish?" Usme gehri soch mein par gai, qalam apne honthon ke darmiyan. Phir ek lambi saans le kar, usne halka sa muskurate hue kaha, "Kehna mushkil hai...""Kyun mushkil hai?" Javeria ne us se poocha."Kyunkay bohot si cheezein hain jo mein chahti hoon, aur har ek mere liye bohot zaroori hai," usne sar hilate hue jawab diya.Dono auditorium ke door daraz kone mein bethi thi, apni peeth deewar se laga kar. Ye unka F.Sc. ke classes ka aathwan din tha aur unhon ne apna free period wahan guzar raha tha. Namak walay moong phalian aik aik kar ke khati hue, Javeria ne apna sawal dohra diya. "Tumhari zindagi ki sab se bari khwahish kya hai, Imama?"Imama ne kuch hairani se uski taraf dekha aur sawal par sochne lagi. Phir sawal ko talte hue, usne kaha, "Tum pehle apni sab se bari khwahish batao.""Maine pehle poocha tha, isliye tumhe pehle jawab dena chahiye," Javeria ne jawab diya."Theek hai...sochne do," Imama ne haar maan li. "Meri zindagi ki sab se bari khwahish..." usne apne aap se kaha."Ek khwahish to ye hai ke mein lambi umar paoon... bohot lambi," usne kaha."Kyun?" Javeria hans di. "Pachaas ya saath saal mere liye bohot kam hain. Insan ko kam az kam ek sau saal jeena chahiye. Aur itni sari cheezein hain jo mein karma chahti hoon. Agar mein jaldi mar gayi to meri sab khwahishen adhoori reh jayengi." Usne moong phali apne munh mein dali."Aur kya?" Javeria ne kaha."Mein mulk ki sab se behtareen doctor banna chahti hoon-sab se achi eye specialist, taake jab Pakistan mein aankhon ke operation ki tareekh likhi jaye, to mera naam sab se pehle aaye." Usne muskurate hue kaha"Agar tum doctor na ban saki to? Akhirkar, yeh merit aur kismet par depend karta hai," Javeria ne kaha."Yeh na-mumkin hai. Mein itni mehnat kar rahi hoon ke merit list mein aa jaoon. Aur agar yahan medical college mein nahi mili to mere parents mujhe bahar bhej sakte hain."Magar phir bhi, agar tum doctor na ban saki to?""Yeh na-mumkin hai. Yeh meri zindagi ki sab se bari khwahish hai: mein is ke liye sab kuch qurbaan kar sakti hoon. Yeh mera purana khwab hai, aur koi apne khwabon ko kaise bhool sakta hai? Na-mumkin!" Imama ne pur azm se sar hilate hue apni hatheli se moong phali uthai aur nibble karne lagi."Zindagi mein kuch bhi na-mumkin nahi hota-kuch bhi kabhi bhi ho sakta hai. Agar tumhari yeh khwahish puri na hui to tum kya karo gi?"Imama phir se soch mein par gayi. "Sab se pehle, mein bohot roongi...bohot zyada....kai din tak-aur phir mar jaoongi."Javeria hans pari. "Tumne abhi kaha ke tum lambi zindagi chahti ho, aur ab tum marna chahti ho.""Zahir hai. Phir jeene ka kya faida? Meri sari plans meri medical career par hain aur agar yeh meri zindagi ka hissa nahi bani to kya bacha?""To tumhari zindagi ki ek khwahish tumhari sari doosri khwahishon ko mita degi?""Haan, ise hi samjho.""To tumhari sab se bari khwahish doctor banna hai, lambi umar jeena nahi?""Yeh kaha ja sakta hai.""Theek hai-agar tum doctor nahi ban saki to phir tum marne ka kaise socho gi?Khudkushi ya qudrati maut?""Qudrati maut bilkul. Mein khudkushi nahi kar sakti," Imama ne casually jawab diya."Agar tum qudrati maut nahi mari, to phir kya? Mera matlab hai, agar tum doctor nahi ban saki aur phir bhi jaldi nahi mari, to tum jeeti raho gi.""Nahi. Mujhe pata hai ke agar mein doctor nahi bani to mein bohot jaldi mar Jaoongi. Mein itni dil shikasta ho jaoongi ke zinda nahi reh paoongi," usne pur azm se jawab diya.Ye maan na mushkil hai ke tum jaisi khush mizaj shakhsiyat itni mayoos ho sakti hai ke apne aap ko rone se maar sakti ho. Aur wo bhi sirf is liye ke tum medical career nahi bana saki. Ye bohot ajeeb lagta hai," Javeria ne mazaq banaya."Meri baat chor do. Tum apni bato. Tumhari dil ki sab se bari khwahish kya hai?" Imama ne topic change kiya."Chor do""Chor do kyun? Chalo batao...""Tumhe bura lagega agar meine kaha."Javeria ne hichkichahat se kaha.Imama hairan ho kar uski taraf ghumi. "Mujhe kyun bura lagega?"Javeria chup rahi."Aisi kya cheez hai jo mujhe bura lagega?" Imama ne sawal dohraya."Tumhe lagega..." Javeria ne dheemi awaaz mein kaha."Tumhari zindagi ki sab se bari khwahish mere zindagi ko kyun itna mutasir karegi ke mujhe bura lage?" Imama irritate hui. "Kya tumhari khwahish ye hai ke mein doctor na banoon?" Imama ko achanak yaad aaya."Aray nahi!" Javeria hans pari. "Zindagi mein doctor banne ke siwa bhi bohot kuch hai," usne philosophical andaaz mein kaha."Pehli baat chhor kar jawab do," Imama ne firmly kaha. "Mein wada karti hoon ke mujhe bura nahi lagega. She held out her hand in a gesture of peace."Tumhare wada ke bawajood tum bohot gussa ho jao gi jab tum suno gi jo mein kehne wali hoon. Chalo kuch aur baat karte hain," Javeria ne jawab diya."Theek hai-mujhe guess karne do. Tumhari khwahish kuch aisi cheez se judi hai jo mere liye bohot qeemati hai, theek?" Imama ne thoda sochne ke baad poocha.Javeria ne sar hila diya."Sawal yeh hai: meri liye itni ahem cheez kya hai ke mujhe...?" usne sentence adhoora chhor diya. "Lekin jab tak mujhe tumhari khwahish ka pata nahi chalega, mein koi nateejay par nahi pohnch sakti. Javeria, please batao. Mujhse intezar nahi hota," usne guzaris ki Javeria soch mein gum thi. Imama ne uska chehra dekha. Thodi der baad Javeria ne uski taraf dekha. "Meri career ke siwa, meri zindagi mein ek hi cheez bohot qeemati hai," Imama ne us se kaha, "aur agar tum is context mein kuch kehna chahti ho to kaho. Mujhe bura nahi lagega." Imama serious thiJaveria hairan ho gai. Imama apni ungli mein pehni hui anguthi ko dekh rahi thi. Javeria ke chehre par muskurahat aagai. "Meri zindagi ki sab se bari khwahish yeh hai ke tum...." Javeria ne apne khayalat ka izhar kiya.Imama ka chehra sadme se safaid ho gaya. Javeria ko andaza nahi tha ke uske alfaz ka Imama par kya asar hoga, magar Imama ke chehre ke izhar se saaf tha ke re-action uske umeed se bohot zyada tha. "Maine kaha tha na ke tumhe bura lagega," Javeria ne situation ko sambhalne ki koshish ki, magar Imama bina kuch kahe uski taraf dekhti rahi.**************Moiz dard se cheekh raha tha, dohra ho kar apne pait ko pakde hue.Barah saal ka ladka jo uske samne tha, apni naak se khoon apni phati hui qameez ke astin se saaf karte hue, apne haath mein tennis ka racquet le kar Moiz ki taang par maara.Moiz ne ek aur cheekh maari aur seedha khada ho gaya. Usne be-yaqini se apne bhai ki taraf dekha-jo usse do saal chhota tha-jo usse wahi racquet se maar raha tha jo Moiz wahan le kar aaya tha.Ye is hafta ka teesra jhagra tha, aur har dafa uska chhota bhai jhagra shuru karta tha. Moiz aur uske bhai ka kabhi acha rishta nahi raha aur bachpan se hi ladte rehte the Lekin unki jhagray zyadatar zabani hotay the aur dhamkiyon tak mehdood rehte the, lekin ab yeh jhagray fizikal ban gaye the.Aaj bhi yahi hua. Wo dono school se saath wapas aaye the. Jab wo gari se utare, chhote bhai ne apna bag bonnet se zor se khincha jab Moiz apna school bag utha raha tha. Is process mein, usne Moiz ke haath ko choat pohanchai, jis se Moiz dard se chilaa utha."Deekhne se andhay ho gaye ho?" Moiz ne cheekh kar kaha jab uska bhai be-parwah chal diya. Usne Moiz ki awaaz suni, peechay murh kar dekha, phir agay barh kar front door khola, aur lounge mein chala gaya, Ghusse se bhara Moiz uske peechay chal diya."Agle dafa agar aisa kiya to tera haath tod doonga!" Moiz cheekha. Chhota ladka apna bag utar kar, neeche rakh kar, haath kamar par rakh kar Moiz ka samna karta hua bola, "Main karoonga-ab kya kar le ga? Haath tor de ga? Tere paas himmat hai?" "Pata chal jayega agar aaj jaisa phir kiya to." Moiz apne kamray ki taraf barha.Lekin uska bhai usay rokte hue, uska bag zor se pakad liya. "Nahi-abhi bata." Usne Moiz ka bag phenk diya. Ghusse se bhara Moiz ne apne bhai ka bag uthaya aur door phenk diya. Bina rukay, uske bhai ne Moiz ke paer par zor se maar diya. Moiz ne us par hamla kiya, uska chehra ghonsa mara, aur uski naak se khoon behne laga. Iske bawajood, chhote bhai ne ek awaz bhi nahi nikali. Usne Moiz ki tie pakad kar usay ghoonthne ki koshish ki. Moiz ne jawab mein uski qameez ka collar pakad liya-qameez phatne ki awaz aayi. Poori taqat se, Moiz ne uske pait par maar diya taake uski pakad chhuta de. "Ab tujhe dikhaungal Tera haath tod doonga!" Moiz cheekhta hua aur gaaliyan deta hua corner mein rakha tennis racquet uthaya. Agla scene ye tha ke racquet uske bhai ke haath mein tha aur itni zor se mara ke Moiz bach nahi saka. Uspar maar peet shuru ho gayi, uski peeth aur taangon par. Unka bada bhai lounge mein ghusse se aaya."Tumhara masla kya hai? Tum ghar aate hi hamesha hungama kyun machate ho!" Uski awaaz sun kar, chhote bhai ne pehle racquet neeche kiya aur phir wapas uthaya."Aur tum-kya tumhein sharam nahi aati ke apne bade bhai par haath uthate ho?" Sab se bada bhai uske haath ki taraf dekhta hua bola."Nahi," usne bina kisi pashemani ke jawab diya. Usne racquet zameen par phenkdiya, apna bag uthaya aur chala gaya."Tujhe iski keemat chukani padegi," Moiz ne cheekhte hue kaha, apni dard se chhurtihui taang ko malte hue."Zaroor, kyun nahi!" Usne Moiz ko ajeeb si muskurahat di. "Agli dafa bat lana. Tennis racquet se maza nahi aaya-koi haddi nahi tooti." "Apni naak check kar-wo to zaroor tooti hogi." Ghusse se bhara Moiz ne seedhiyon ki taraf dekha jahaan uska bhai thodi der pehle khada tha.Chauthi martaba, Mrs. Samantha Richards ne phir se us larke ko dekha jo pehli chair par doosri line mein window ke pass baitha tha. Woh baghair kisi parwa ke, bahar dekh raha tha. Next part coming soon.