Author pov,
"A khua sik a?" a thil ken lai chu dawnkan ah a dah a, Ben pang chu ava dep nghal a, alo sa vur bawksi. John chuan pawmin room lamah a kalpui a, amah ber lah chu a phi vek bawksi, Timothy pawh chuan a zui lut ve zel a. John chuan khumah a mut a, damdawi a eitir nghal bawk, amah alo chau ve bawk nen rei vak lo ah a muhil nghal a, an pahnih chuan Ben mu chu ngawi reng hian an en dun a, a mu nghet hnuah chuan sitting room lam panin an phei a.
"A dai vek ang dawn nih hi" tih pahin John chuan dawhkana coffee lo inhung chu a khawih a, alo dai duk a. Mahse Timothy chuan "Pawilo, ka in thei" tiin coffee chu lain a in vawi khatah a in zo nghal vek a, sawilo mahse a tuilo tih chu chiangsa ani. "A hrisel lo hrim* mi" thutthlak pah chuan Timothy chuan John chu thutak zawk hian a zawt a, pakhat lah chuan alo en deuh ha a, "Ben hi mole a khum bulah khan dawmdawi tam em a" room an luh khan khum bula naupang damdawi thahnem zet lo inhung khan amit ala em ani. "Eee. Aw nia, a pian tirh tang khan a hrisel lo hrim* a, tlang hrileng te hi a dawng hma bik thei lutuk" tiin John chuan alo chhang a.
"Anu pawn a ngaihtuah ve viau lo mo?" engmah a hriat ve miau loh vangin John chu a zawt a. "Ben pian tirh khan ani chu a boral a" Timothy en chuang lo chuan ati a, rilru na hmel pawh a pu chuang lo, mahse Timothy chuan a zawt ta kher* chu a inchhir takzet, sawi tur mai hre loin a lu chu a tuai a tuai a. "Ava pawi ve, lo zawh loh top tur nia" ati chhuak ta nge* a, John chuan, "A ho lutuk, hria nila I sawi nang" atih pawh chuan Timothy hmelah chuan inthiam lohna ala hmuh theih. "Tihian naupang tein kan parawl ruk* mai nih hi" Timothy tih zangkhai tum takin John chuan fiamthu chuan ati a, Timothy pawh a nui chhuak ve ta hak a. "A har viau lo mo, mahni chuah chuan"tiin John chu a zawt a, "Har lo ti ila chuan dawt a ni ang, mahse Ben hi ka chakna nia, ka paltlang ve chu nih hi" tiin Timothy chu a chhang a.
"I deih ila, eng tik thleng nge school ah hian I thawh dawn" tiin John chuan boruak tih danglam tum zetin a zawt a. "Ka nu awmdan a zir nia, mahse ka tum lawk dan chuan thla thum vel niang" John chu alo bu nghat a. Timothy chuan turhvelh lam a hawi a, ruah a han tawh tih a hmuh chuan, "A han tawh chuan kal Mai te pawh ka duh" tiin a ding hluai a, John pawh chu a ding ve nghal a, "Thut che chuan" atih chuan Timothy chu a nui ringawt a, a nuih nachhan em* pawh a hre chuang lo. "Ben chu lo dam rawh se" kawngka bula din pah chuan ati a, "Nia dam ang" tiin an inthlah a.
________________
"Induh pa, tinge mi I hel zel a?" Hruaizela chuan Cavin-a dara va kuah pah chuan ati a. "Ka buai lom.... Khawmo I rit a nia" tih hlak pahin a dara a kut dah chu a la thla a, "I inkhel dawn lo mi?" tiin Hruaizela chu a zawh chhunzawm zat bawk, "Vawin chu peih lo" ani lah chuan alo ti sam et a, "Captian berin I peih loh sanin" Cavin-an atih leh chuan, "Ka tel lo pawn an thei awm em mai" alo tih san leh a. Kal pah renga an inbiak avangin thlen pawh an thleng thui ve tawh viau.
"John hi eng emo ni a an ni?" Hruaizelan atih chuan, "Nimin khan reilo te kan inbia a, dam chu an dam tha, a hnathawh pawh a tluang" tiin alo chhang a, Hruaizela chu alo bu sap a, a chhang lo thung. Ngawi renga an kal dun lai chuan Cavin-a zawk chuan, "Higher vel kal lai kha alo nuam ber nih hi, engto vak kha a awm loa" atih chuan Hruaizela chuan, "Nia tiro, Louise leh John-a kan nin theih zia kha" atih chuan an pahnih chuan an nui dun hak* a.
"Nang kha nia, hmeichhe ho um dawr* thin chu" Cavin-an atih chuan Hruaizela chu alo lawm lo kher mai, ner nang in Cavin chu a en a, "Awihawm loh lutuk, ka hmeltha a, ka pian a nalh a, sports ka thei a, an mahni zawk alom min um dawr* thin zawk te chu" atih chuan Cavin chuan lo ei lo kher mai, chhang a tum lai tak chuan Hruaizela bawk chuan, "Nangpawh I bialpa ten an um dawr* zel che kha" atih chuan Cavin-a chu za mangkheng in a nui a, Hruaizela pawh alo nui ve bawk a.
Cavin hi gay ania, a thiante pawh hian an hriatpui a, an en hrang phah chuang lo, a painghmang, aw leh chetzia chu a nu hauh lo, mipa pangai nen danglamna engmah a awm lo, hmeichhia in an hip lo tih mai loh chu, chuvang chuan a thin hnaivai tak te tan lo chuan gay ani tih hriat ngaihna awm lo.
An nuih dun bawk* lai chuan Cavin chu harhchhuak zawk niawm tak chuan Hruaizela lam chu enin a tum deuh hmuk a, "Lo insual pui thawt* thin lo la chuan, kan ni rei ve thin ngawt ang mole, nangmah vang hian engzat nge ka then" ati pang* a, a thinrim thar em*. "Ka thin an tirim alom" tiin pakhat alo insawi thiam ve a, a hnu deuh chuan Hruaizela chuan Cavin chu chik mangkheng hian a en a, "Vak* a, engnge?"
"Khaw lum zia hi I hria em? I va han inha lum ve, IÂ kawrlum kha phelh teh" ati hlak a. Cavin chuan kekawr thlawn dum a ha a, a t-shirt chungah kawrlum lian tha em* mai a ha a, a ngei duh tu tan chuan ngeiawm dawm lutuk ringawt. "Khawi phelh ang" tiin a hoodie chu va phelh sak mai a tum a, pakhat lahin lo duhlo nasa, "Ka hritlang" tiin Hruaizela chu a dang a, a sawi zawh rual chuan Hruaizela chuan a pang a deh sak a, "A daih em hi" ala ti tal a, "Ka khua sik ka tilo, ka hritlang ka ti" tiin pakhat chuan alo ti ve hlar a.
"Kha I kawra kha bal" tiin Cavin-a kawra bal chu tihfai tum takin ava beng chawt a, chu velah Cavin-a chu rang zetin a inla hrang a,na tih hmel zetin a ner nang bawk. "Ngatinge?" hmanhmawh taka Cavin-a lam pan pah chuan a zawt a, ani alo tawlh hnung hret thung. "Timah I beng na em lom" atih chuan Hruaizela chuan chiang takin dawt a sawi tih a hria, "Dawt, chuti em* in ka beng na lo khawmo I ban kha" ati ram hmarh a. "Engmah ani lo" atih chuan Hruaizela chu a hawi kual a, mi lo kal a hmuh tak loh ah chuan, Cavin-a banrek ah chuan vuain hneh zetin a lam ah a pawt hnai a. "Ana" tiin a banrek vawnna chu a en a, chu chu ngaihsak loin Hruaizela chuan Cavin-a kawr ban chu a kuai hlim lawp a, a thil hmuh chuan ngeiawm zetin a nui chhuak a.
Cavin-a ban chu alo duk cher chur a, an ban lehlam ah ringawt pawh hmun thum velah duk a awm. "Phelh rawh" chiang taka Cavin-a en kar chuan ati a, "Engmah nilo ka tih chu" a rawn ti dek* a, "Ngawi la, ka sawi ang chuan ti mai rawh" ati vin that a, Cavin-a pawh a phu dawrh thei, Hruaizela chu hnial zel chiah ngai loin, hreh zetin a hoodie chu a phelh zal* a. A kawrlum a phelh zawh chuan hnuailam enin ngawi rengin a ding a, a khur thei hial, a t-shirt in a hliah loh chin chu a duk thleh thluah alo ni.
"Zawnga chu leh!" tih pahin an bula hnawm bawm lo inhung chu na zetin a tlawh thuai a, a tlawh na bawka, a let thui rem* khawp mai, Cavin-a pawh a vawi hnih nan a phu zawk thei. "Kut ala thlak thin che tih eng vangin nge min hrilh loh" a thinrim luat vangin a mit chu a sen ram* a, "Then nghal ang che" atih chuan lu alo thing a, tap lo turin a insum hram* ani. "Ka theilo" ati sap a, Hruaizela thin chu a rim zual takzet, a hma pawha kut alo thlak tawh vang ani.
"Engnge amah ah sawn I hmuh a, then la a ai tha I hmu leh em* ang" ati vin leh that a, kawng kal ho pawn an en hrek* hlom tawh. Tawng tawh lem lo chuan Hruaizela chuan Cavin-a t-shirt chu a hnuai lam atangin a hlim chho a, pahkha lahin a dang ngam tawh der lo, t-shirt a hlim chhoh chuan rin ang ngeiin a awm leh dul velah chuan duk tharlam tak* alo awm nual a, Hruaizela thinrim tih ngaihna hrelo chu a khur nasa tawh mai.
"Ka that dawn" tiin pakhat chu a inher vut a, a uang lo ani tih hretu Cavin-a chuan rang zetin a um vat a, "Khawngaih in, kutthlak suh, ka inpeih hunah keima ka then ang, khawngaih in" tiin Hruaizela chu ava kuah thlop a, "Thlah rawh" atih chuan Cavin-a chuan lu alo thing leh a, "Khawngaih in ka tan, khawih lo hrma rawh" tap zawih* chuan ati a, a tap a hmuh takah chuan Hruaizela chu a insum a, mahse ala thinrim em* thung, hetiang taka Cavin-an a duh mai hi a hrethiam lo ani. "A hma kha chuan damdawi inah chauh ka nawr liam a, I taksa ah hian amah vanga hliam chhete pawh ka hmu leh anih chuan dawmdawi in mai nilo in thlanmual ah ka nawr liam tawh ang" thinrim tak chuan ati a, a kalsan nghal nal* bawk.
_____________
Lunch break lai ani a, naupang ho chuan tiffin an ei mial* hlom a, John pawh Ben nghakin school pawnah a ding vang tawh, bell a rik chuan naupang ho chuan mahni class room lam an pan sap* hlom a, kg 1 ho pawh haw turin an insiam mek ani.
Teachers te pawh an tiffin ei zo chu canteen atangin an lo chhuak sap* hlom a, Timothy pawh a telve, Timothy-an John a hmuh chuan a kalpui te pawh hrilh lem lo chuan a pan vat a, "A dam tawh em?" ava ti he haw aatih chuan John pawh alo la bo viau, "Ka sawi awmzia chu Ben a dam tawh em?" ati tha leh a, Timothy chu a hawi vual* a, sawi tur ngang a hriat loh vang chuan, "Umm" a tichhuak ringawt a, tum loh deuhin John pawh a nui chhuak a, a nuih tak vak ah chuan Timothy pawh chu a nui ve hak ta ringawt a.
An lo la chhuah mai silo ah chuan Timothy chuan John chu a nghahpui ve reng a, an ngawih deuh reng hnu chuan John zawk chuan, "Thla thum chhung vel ka thawk ang itia, thla thum zawhah chuan engnge itih chhunzawm ang?" tiin Timothy chu a zawt a, "XXX hotel chu ka ta nia, ka enkawl chhunzawm ang" atih chuan John chuan ang deuh phuau hian John chuan a en a.
"Engnge?" Timothy an atih chuan, "Tuna India rama top 3 hauh mek xxx hi ita mo?" mak tih hmel zet hian a zawt a, Timothy chuan alu alo bu a, John chuan ala awih lo ni tur ani, "Uang miah loin" ala ti hram a, Timothy pawh a nui ve leh ta ringawt, ni khatah chuan thinlung taka a nuih ngun ber ala ti hial maithei ni. "Aw uang miah loin. Hrim* in mak iva tih hmel ve" John hmel phawk lutuk chuan anuih ati za thlot ani, ani ang lo deuhin a nui chhuak ve hak* a.
"Ila naupang hmel sia mak em lom" John in a tih chuan "Naupang vak bik lo kar hmasa khan 27 ka pum chiah" atih John chuan, "Chu la naupang em chu" ala ti hram a, "Nang engzat?" a rawn tih chuan John chuan a aw a thian kharh a, "24 ka pum tawh" in tihtheih hmel fe a chuan ati a, a chet dan vel chu Timothy chuan a lawm phian a.
An ti* dun malh* lai chuan "Apaaa" tih lo chhuahna thawm lam chu an hawi rual a, Ben bag phe hlop* a an lama rawn tlawn a hmuh chuan John chuan a fapa chu nui chungin a lo chhawn a. Engdang sawi hmasa loa "Ka ril a tam" a rawn tih chuan Timothy leh John chu an nui hak a, a chhan chu tiffin an ei zawh chiah vang ani, "I hna kalna ah I hruai ve zel ami" tia Timothy an a zawh chuan John chu a lu thing chungin, "Aih, kan in bul deuh ah sawn nau awmna awm a, tah chuan alo awm thin" bell a rik leh chuan Timothy pawh class lak tur ala neih miau vangin school lam a pan leh a.
Staff room ava thlen chuan an lo be leh nghal sap* a, ngaihsak lem lo chuan a chhang liam puat* a, a text lain class la turin a kal leh nghal a, a kal hnu chuan teacher hmeichhe thenkhat "Ava pa tak" tia lo enzui duh tawk te an awm bawk.
Class a thlen chuan an lo la ri deuh mur* a, a aw a han then kharh takah chuan an ngawi chhunzawm ve nghal a. Class a lak lai chuan a serious em* a, a thil tih reng* a thaber chhuah tum tlat mi ani bawk a, a hmeltha a, a pian in alo zir bawk nen hmeichhe thenkhat class lak laia mutthlu mai* thin ho pawh Timothy class a nih tawh chuan an nungchanga tha ber an chhuah thin ani.
Chapter khat a explain zawh chuan, "Zawh duh nei te in awm em?" hawikual in students ho chu a zawt a, chutah hmeichhe thenkhat a hnung lama thu ho chuan "Sir vacancy awm em?" an lo ti khurh a, mipa ho lah an lo "Eiss" duai* hlom bawka, Timothy chu a ding vang* a, chhang dan tur a ngaihtuah lai takin bell a rawn ri a, a lawm dan chu pui tak ani ringawt, an zawhna pawh chhang ta lem lo chuan class chu a chhuahsan a.
_______________________________________